Ошторгель

Ошторгель – Слово походзи з мадь. ostorhegy, цо значи оштри конєц батога. У руским язику ма два значеня:

1. з конопи виплєцени конєц батога зоз хторим ше пука;

2. прен. оштри у роботи и бешеди (о чловекови).

Батог найчастейше длугоки 2,5 метери, ма древене пориско на хторим ґайка, потим прецка, вец шаланґа, та ознова прецка, а под ню споднїк. После споднїку идзе штранґ, та чапов зоз скори, а на нїм ошторгель на чиїм концу може (а нє муши) буц чулка як украс.

У прешлосци чобан або пастир, а окреме краваре, мали добри батоги док чували статок. Краваре рано, кед ишли на пашу, та у валалє з часу на час трубели а частейше пукали зоз батогом бо пуканє ошторгеля було оштре и гласне та домашнї знали же можу пущиц крави вонка з двора же би ше приключели ґу стаду хторе ишло на пашу.

Фразеолоґия

Як ошторгель – 1. нагли, строги, оштри; 2. барз оштри, вредни

Литература

• Словнїк руского народного язика II, О – Я, Нови Сад 2017, б. 111.

Вонкашнї вязи

• A na kraju švigar puca, вебсайт virtuelni-inkubator.rs.
• Косана Колесар, Як ше пука з батогом, Маковчань, Ютюб, youtube.com, 24. новембер 2005. (видео)