Оцец

Оцец зоз дзецком

Оцец то особа хлопского полу, єден з родичох дзецка. Кед ше дзецко народзи ище є длуго безпомоцне и о нїм ше стара насампредз мац хтора го дойчи, а треба му єден рок же би почало ходзиц. Биолоґия ше постарала же би беба длуго остала дзецко и же би период ученя тирвал длужей.

Чловек дозрева после родзеня приблїжно о двацец роки, дахто скорей дахто познєйше, а оцова присутносц и улога у одрастаню и воспитованю дзецка тиж барз нєобходна и значна. Оцец то особа хтора звичайно економски витримує фамелию (тот факт ше нєшка вше баржей меня пре ровноправносц полох), а тиж так то особа хтора задлужена и за физичну защиту фамелиї.

Оцец зоз дзецком

Оцовство

Оцовство то значна улога оца у єдним дружтве або єдней култури. Слово о правох, обовязкох, одвичательносцох и статусох котри припадаю оцови, як и о дискурзивних обласцох хтори одредзую добрих и нєдобрих оцох. На другим боку пракси оцовства (fathering) конкретни обовязки тей улоги, т.є. тото цо оцове уствари робя. У анґлийским язику дистинкция медзи тима двома поняцами подобна розлики медзи поняцами „буц и поробиц.''

Уход до улоги оца за дакого резултат планованя, жаданя, а за дакого лєм продукт случайносци. На основи того поставя ше питаня же яку улогу хлопи витворели у тим, яки очекованя маю од себе и як видза себе – то важни елементи оцового идентитета. Попри слики о себе, оцовство ше материялизує и през розлични пракси, односно през ступень и квалитет уключованя до живота дзецка. Тоти пракси можу буц директни и индиректни, т.є. можу подразумйовац нєпоштредну блїскосц зоз дзецком - през пестованє, старанє и ученє - або поштредно - през планованє за дзецко и материялне обезпеченє.

Оцовство ище вше функционує у значней мири на традицийни способ, алє зоз вше меншу ефикасносцу. Традицийни модел улоги оца постої, алє ище лєм на уровню справованя. Уж на идеолоґийним планє пришло до пременкох, бо векшина младих прилапює нови модел оцовей блїскосци зоз дзецком.

Оцовство у Сербиї

На основи доступних историйних жридлох, у Сербиї можлїве идентификовац три модели оцовства

• Традицийне оцовство

• Оцец як хранитель

• Нове оцовство

Традицийне оцовство

Перши модел доминує зоз штреднього вику до першей половки двацетого вику, док ше у руралних подручох затримало длужей.

Основна улога оца у традицийним дружтве була же би пред дружтвену заєднїцу потвердзел свойо биолоґийне и социолоґийне оцовство и же би зоз тим леґитимовал потомкох. То подрозумйовало и же оцец репрезентує дружтво пред потомками и обезпечує потомком заберанє одвитуюцого дружтвеного положеня.

• Основна улога оца у модерней фамелиї же є хранитель фамелиї.

• Же би окончовал тоту улогу, оцец нє мушел буц присутни член у фамелиї у цеку найвекшей часци дня, а могол буц и на длугши час физично одсутни. Прето патриярхални модел подрозумює нєприсуство оца, цо значело же оцовство нє мало виразнєйше одношенє ґу дзецом.

• Авторитет оца у фамелиї безусловни. Же би ше шицко поробело як оцец гварел стара ше мац, хтора одвичательна за окончованє розказох и послушносц дзецох. Аж на концу поволує ше оцец же би окончел одредзену санкцию, бо кажде таке поволованє слаби угляд и способносц мацери у воспитней улоги дзецох.

Оцец як хранитель

Од половки 19. вика почина ше розвивац други модел - оцец хранитель. У тим новим случаю приходзи до роздвойованя роботних активносцох од домашнїх роботох и роботох у явней обласци (у фабрикох, явней управи и подобне) и їх примарна фамилийска улога постава хранительска. Старосц о дзецох и далєй остава длужносци мацери, з тим же зоз розвойом фамелиї у городох ше почина розвивац векше чувство интимносци фамилийного дома и нова форма емоцийних пременкох медзи мужом и супругу, та и медзи родичами и дзецми.

У другей половки 20. вика и зоз модернизацию котру унапрямовал социялизем, вше вецей жени починаю робиц и обидвойо супружнїки доприноша материялному приходу у обисцу. Гоч дружтвено-политични циль бул же би шицки жени робели зоз полним роботним часом, тото допринєсло же би ше пременєли фундаменти традицийного порятку.

Алє, хлопи и далєй доприношели вецей як жени, робели длужей и були на престижнєйших роботних местох, док жени, без огляду же були у роботним одношеню, и далєй були обтерховани зоз векшину домашнїх обовязкох. Хлопи и далєй маю идентитет як фамилийни людзе хотри способни витримовац свою фамелию. Тот модел доминує и нєшка, медзитим, помали ше зявює и треци модел нового оцовства.

Нове оцовство

Попри идентитету хранителя, за оцох ше явя и друга назва - „уключени оцец.'' Тота назва и поняце означує вредносци и праксу нового оцовства. Тота назва подрозумює уключованє оца до шицких аспектох живота дзецох, родову сензибилносц, родительски идентитет у структури хлопа як особи.

Оцец ше уключує до обовязкох коло дзецох и обисца, т.є. ровномирнєйше и ровноправнєйше подзелєни шицки домашнї и родительски обовязки медзи хлопом и жену. То значи же партнере дополнюю єдно друге, и медзи собу су порихтанши подзелїц обовязки або вєдно у нїх участвую. Тиж так, час препровадзени зоз дзецми и квалитет одношеньох медзи родичами и дзецми цесно повязане зоз задовольством у малженстве.

То значи же нове оцовство ма шлїдуюци характеристики:

♦ Же би бул оцец вельо вецей присутни у живоце дзецка як скорей.

♦ Же би указовал вельо вецей емоциї и нїжносци, приятельство и потримовку дзецку.

♦ Же би пестовал блїзке одношенє з дзецми през бавенє, розвагу и шлєбодни час.

Ґалерия

• 
  Милан, краль Сербиї, и його син Александар
• 
  Оцец ше бави зоз дзивчецом
• 
  Оцец зоз дзивчецом
• 
  Оцец и син
• 
  Оцец и син
• 
  Оцец
• 
  Оцец ѕоѕ дзецком
• 
• 
  Оцец зоз дзецми
• 

Литература

• Милић, А. 2007. Социологија породице, Београд: Чигоја.

• Станојевић, Д. 2018.  Ново очинство у Србији – Социолошка студија о праксама и идентитетима очева, Београд, Универзитет у Београду – Филозофски факултет

• Inhorn, Marcia C.; Chavkin, Wendy; Navarro, José-Alberto, ур. (2015). Globalized fatherhood. New York: Berghahn. ISBN 9781782384373. Studies by anthropologists, sociologists, and cultural geographers -

• Kraemer, Sebastian (1991). „The Origins of Fatherhood: An Ancient. Family Process. 30 (4): 377—392. PMID 1790784.doi:doi/10.1111/j.1545-5300.1991.00377.x.

• Diamond, Michael J. (2007).My father before me : how fathers and sons influence each other throughout their lives. New York: W.W. Norton. ISBN 9780393060607.

• Collier, Richard (2013).„Rethinking men and masculinities in the contemporary legal profession: the example of fatherhood, transnational business masculinities, and work-life balance in large law firms”. Nevada Law Journal. 13 (2): 7.

Спољашње везе

• Elizabeth Preston (27. 6. 2021). „The riddle of how humans evolved to have