Прейдз на змист

Охридске озеро

Материял зоз Википедиї
Охридске озеро
Thumb
Thumb
Oсновни информациї
Координати41.0150° С; 20.4303° В
Типприродне
Базен озера уСиверна Македония Албания
Макс. длужина30,8 км
Макс. ширина14,8 км
Поверхносц358,2км²
Просекова глїбина144 метери
Макс. глїбина289 м
Волумен93 км³
Надм. висина695 м
Охридске озеро
Oхридске озере
Oхридске озере
Шветове нашлїдство Унеска
Урядово меноПрироднe и културнe нашлїдство охридскогo региону
ДержаваСиверна Македония, Албания
Критериюмиприродна и културна: i, iii, iv, vii
Координати41° 02′ С; 20° 43′ И
Поверхносц349 km2 (3,76×109 sq ft)
Устаємнєни1979. (3. зашеданє)
Додатни упис1980
Найблїзши варошОхрид и Струґа
Веб-сайтhttp://whc.unesco.org/en/list/99

Охридске озеро (мак. Охридско Езеро, алб. Liqeni i Ohrit) то озеро у югозаходней часци Сиверней Македониї и восточней часци Албаниї. Поверхносц му 358,2 km². Найвекша ширина виноши 14,8 km, а длужина озера 30,8 km.

У античним периодзе назва була Лихнидске озеро (греч. Λυχνιδία λίμνη), зоз значеньом: бистре або бляде озеро. Стара славянска назва, хтора глашела Биле озеро, пошведочена у дзепоєдних жридлох зоз штредньовиковного периоду.[1]

Ґеоґрафия

[ушориц | ушор жридло]

Охридске озеро спада до векших европских озерох, коло Балатонского у Мадярскей, Женевского, Боденского и др. На югу Европи, то вшелїяк єдно з найвекших, а источашнє и єдно з найглїбших озерох. Його глїбина досягує до 289 m. Озеро змесцене у глїбокей и завартей котлїни. Зоз шицких бокох, а окреме зоз заходного и восточного, окружую го високи гори. На востоку гора Ґаличица (2255 m), а на заходзе Мокра Гора и Ябланица (1945 m).

Озеро ше находзи на надморскей висини 695 метери.

Злїву Охридского озера припадаю 40 рики, спомедзи хторих 23 на албанскей и 17 на македонскей териториї. Охридске озеро характеристичне по єдинственей екосистемои богатих ендемских и ридких рошлїнских и животиньских файтох. Окремносц озера настала пре ґеоґрафску изолацию и вельку ґеолоґийну старосц. Тиж так и злїв Охридского озера характеристични по богатим биодиверзитету и ма даскельо рошлїнски файти ендемични за Балканске полуострово.

Побрежя Охридского озера були населєни од праисторийного периоду. Найстарши археолоґийни населєня датирую з неолитского периоду, коло 6000 роки п.н.е. Лєм на македонскей часци злїву одкрити вецей як 170 археолоґийни места.[2]Дзекуюци таким прикметом, 1980. року Охридске озеро и варош Охрид преглашени за Шветову скрабнїцу, под защиту Унеска.[3][4]

Литература

[ушориц | ушор жридло]

Вонкашня вяза

[ушориц | ушор жридло]

Референци

[ушориц | ушор жридло]
  1. ↑ Трифуновић, Ђорђе (2004). Са светогорских извора. Београд: Службени лист.
  2. ↑ „Охрид и неговите ризници“. Општина Охрид. Посетено на 10.09.2026..
  3. ↑ "Declaration on Preserving the World Natural and Cultural Heritage of the Ohrid Region". ohridsos.org. 15 April 2015. Retrieved 25 March 2018
  4. ↑ UNESCO World Heritage Committee (1979) Report of the Rapporteur on the Third Session of the World Heritage Committee