Прейдз на змист

Орґанолоґия

Материял зоз Википедиї
Архаични инструменти, малюнок Франческа Франции (италиянски маляр, 1447—1517)

Орґанолоґия (зоз греческого ὄργανον (organon) инструмент и λόγος (logos) преучованє) то наука о музичних инструментох и їх класификацийох. [1]

Облапя преучованє историї инструментох, инструментох хтори ше хасную у рижнородних културох, їх конструкцию, технїчни аспекти способу доставаня звука, акустични прикмети и тембри, типи и класификoванє. Зоз преучованьом и виглєдованьом приходзи и до преклопйованя помедзи орґанолоґию, етномузиколоґию, хтори под'ґрупи музиколоґиї и напрями науки о акустики музичних инструментох. [2]

Историят

[ушориц | ушор жридло]

Систематичне описованє музичних инструментох зазначене у антики (у греческих розправох Платона, Аристоксена, у латинскей традициї Исидора Севильского итд.). На арабскей териториї, на востоку класификацию и опис музичних инструментох вивершели ал-Фараби (10. вик) и Абдулґадир Мараґахи (14. вик). Перши систематични и подробни опис музичних инструментох дали нємецки теоретичаре у 16. и 17. вику. Вони приказани у розправох Себастияна Вирдунґа (Musica getuscht und ausgezogen...), Мартина Аґриколи, (Musica instrumentalis deudsch) Михаела Преториуса (Syntagma musicum). У Русиї, преучованю музичних инструменатох (уключуюци и народни) допринєсол В. Ф. Одоєвски, М. Д. Резвой, Д. И. Єзицков. У заходних державох у 19. вику Вельки трактат о оркестрациї Гектора Берлиоза постал барз розпространєни. Вельке доприношенє преучованю инструментох дал французки инструменталиста В. С. Мажон.

Горнбостелова-Саксова класификация

[ушориц | ушор жридло]
Инструмент ґайди (ґайдаш), малюнок Абрахама Бломает

Сучасна заєднїцка класификация музичних инструментох барз була розвивана у Нємецкей початком 20. вику.

Горнбостел–Сакс то систем класификованя музичних инструментох хтори обдумали Ерих Мориц фон Горнбостел и Курт Сакс, а першираз бул обявени у часопису Zeitschrift für Ethnologie 1914. року.[3] То систем за класификацию музичних инструменатох хтори найчастейше хасновали етномузиколоґове и орґанолоґове (особи хтори преучую музични инструменти). Систем ажурировани 2011. року, як часц Проєкта музичних инструменатох на мрежи (МИМО).[4]

Горнбостел и Сакс засновали свойо идеї на основи систему хтори концом 19. вику здумал Виктор-Чарлс Магилон, кустос музичних инструментох на бриселским конзерваториюму. Магилон подзелєл инструменти на штири обсяжни категориї спрам материялу продукованя звука: воздушни слуп; стринг (струново-смиково), мембрана и цело инструмента (корпус). На тей основи, Хорнбостел и Сакс преширели Майхлонов систем же би оможлївели класификованє каждого инструмента зоз каждей култури.

Спрам єдней науковей роботи М. Джонсона хтору обявел Универзитет Оксфорда : „универзални хасновани систем класификациї музичних инструментох Горнбостела и Сакса постал парадиґма орґанолоґиї у велїх културох” [5]. Попри того, Елиот Бейтс наводзи у своєй науковей роботи обявеней у часопису Journal of the Society of Ethnomusicology же ... „Горнбостел-Саксов систем нє мал циљ класификовац специфичносци єдинствених инструменатох, алє визначиц заєднїцки характеристики инструментох широм швета”.[6]

Инструмент, направени зоз конзерви у Канади, находзи ше у власнїцству Центра за шветову музику у Нємецкей-приказани явносци на научней вистави 6. мая 2017. року у Хановеру у Нємецкей.

Формално, свойо идеї Горнбостел-Сакс моделовали по Дюийовей децималней класификациї. Постоя пейц главни класификациї, зоз даскельо под'катеґориями, вєдно прейґ 300 основни катеґориї. Заслуги за тото припадаю Ерих М. фон Горнбостелу и Карлови Саксу.[7] Познати тиж дїла и С. Адлера и В. Пистона. У бувшим СССР на далєко були познати роботи Д. Р. Рогал-Левинского и М. И. Чулака (Табели о инструментациї) а у 21. вику обявени учебнїк о инструментациї С. С. Попова. Тиж у 21. вику винїмково достала рейтинґ дисциплина „Инструментация” у систему обучованя професийних музичарох.

У велїх державох швета ше орґанизую рижнородни симпозиюми и научни конференциї зоз обявенима материялами зоз обласци преучованя инструментох. То и надалєй нєпресушна тема хтора ше анализує зоз велїх научних аспектох. Материяли о инструменталних питаньох и инструментох мож найсц у рижнородних публикацийох швета и научних институцийох, универзитетох и академийох итд.

Литература

[ушориц | ушор жридло]
  • Sachs С. Handbuch der Musikinstrumentenkunde. 2te Aufl. Leipzig,1930 (и мн. репринты).
  • Sachs C. The history of musical instruments. New York, 1940.
  • Рогаль-Левицкий Д. Р. Со­вре­мен­ный ор­кестр. Т. 1–4. — М., 1953–1956.
  • Чулаки М. Инструменты симфонического оркестра. — М., 1956. (переиздания 1962, 1972, 1983, 2004).
  • Мальтер Л. И. Таблицы по инструментоведению <...>. 3-е изд. — М., 1972.
  • Розанов В. Инструментоведение. Пособие для руководителей оркестров народных инструментов. — Москва, 1981.
  • Коляда Е. И. Музыкальные инструменты в Библии. Энциклопедия. — Москва, 2003.

Референци

[ушориц | ушор жридло]
  1. ↑ Organology.html.Архивирано из оригинала 2008-12-05. р. (2007-04-13.)
  2. ↑ Hornbostel, Erich M. von, and Curt Sachs. 1961. “Classi cation of Musical Instruments.” Translated by A. Baines and K. Wachsmann. The Galpin Society Journal 14:3–29.
  3. ↑ Dieter Christensen (1991). Eric M. von Hornbostel, Carl Stumpf, and the Institutionalization of Comparative Musicology. Chicago: University of Chicago Press. p. 201.
  4. ↑ Dieter Christensen (1991). Eric M. von Hornbostel, Carl Stumpf, and the Institutionalization of Comparative Musicology. Chicago: University of Chicago Press. p. 205.
  5. ↑ Mann, Steve (2007-06-06). "Natural interfaces for musical expression". Proceedings of the 7th international conference on New interfaces for musical expression - NIME '07. NIME '07. New York, NY, USA: Association for Computing Machinery. pp. 118–123. doi:10.11
  6. ↑ Johnson, Henry M Ethnomusicology of Musical Instruments: Form Function, and Meaning.”, Journal of the Anthropological Society of Oxford 26, no. 3 (1995): 257-69. Pp.261
  7. ↑ Curt Sachs card files Jerome Robbins Dance Division, The New York Public Library.
Превьате зоз "https://rsk.wikipedia.org/w/index.php?title=Орґанолоґия&oldid=8438"