Октава

Октава (ит. ottava) то музични интервал (розмакнуце/розпон двох тонох) зоз розпоном осем тонох у скали лєбо вообче у мелодиї.

Записує ше ю такв. мелодийски кед ноти єдна за другу и гармонски кед ноти єдна под другу (теди источасно обидва ноти зазвуча).

То значи же октава ма долнї и горнї тон. Горнї тон октави ма дупло векшу фреквенцию од долнього тона.

Звукови приказ октави.Гармонски-источасное звучанє и мелодийске на висше и на нїжей

Кед звучни тон а1 зоз фреквенцию 440 Hz його октава зазвучи зоз 880 Hz. Таки ноти маю исти мена, алє припадаю розличним октавом на клавиятури. Напр. а¹ у першей, а його октава а² у другей клавирскей октави (то ше одноши на пошоровани 7 били типки на клавиятури, осма-поновена типка уж припада шлїдуюцей октави, и постава перша нота/тон шлїдуюцей октави). Клавиятура на клавиру залапює такп. шицки тони тих октавох. Кажди тон мож означиц точно же би ше знало його висину, одонсно октаву у хторей ше тон находзи.

Октави на клавиятури.

У диятонскей скали пошоровани 8 тони/ноти залапюю розпон єдней октави а у хроматскей скали розпон залапюю 12 тони/ноти.

Файти (типи) октавох: чиста, зменшана, повекшана.

По звучносци октава припада ґу такв. „чистим” интервалом, то консонантни (стабилни) интервал. Може буц зменшана октава-алє лєм теорийно напр. (тони c¹ и ces²) и повекшана октава (c¹ и cis²)

Чиста октава (звучанє).

Зменшана октава (звучанє).

Повекшана октава (звучанє).

Же би зме розликовали октави по висини, кажда ма свойо мено. На клавиятури то ноти од „c” нависше по седми тон „h”. Найглїбша октава то субконтра, шлїдзи контра (глїбока), велька, мала, перша, друга, треца, штварта и пията октава.

Мена октавох и означованє тонох у октавох :

♦ субконтра октава зоз арабским числом два и вельку букву (2А),

♦ контра октава зоз арабским числом єден и вельку букву (1А),

♦ велька октава зоз вельку букву (А),

♦ мала октава зоз малу букву (а),

Нота „С” записана по октавох починаюци од велькей по трецу „c³” октаву у линийовей системи. Упоредзиц зоз горню илустрацию октавох на клавиятури.

♦ перша октава зоз малима буквами и число єден споза буквох (a¹)

♦ друга октава зоз малима буквами и число два споза буквoх (а²),

♦ треца октава зоз малима буквами и число три споза букви (а3),

♦ штварта октава зоз малу букву и число штири споза букви (а4),

♦ пията октава зоз малима буквами и число пейц споза букви (а5),

Знак (абревиятура) 8vaר־־ и 15maר־־.

У музики ше хаснує абревиятура, односно скраценє знака хтори означує же треба грац октаву (8vaר־־) лєбо и два октави (15maר־־) висше лєбо нїжей у зависносци дзе скраценє записане. Кед знак 8vаר־־ записани над системом значи же треба грац залапени ноти зоз претаргуюцу смужку, октаву висше и процивно кед знак записани под нотами под линийову систему ноти ше граю октаву нїжей, лєбо два октави кед знак 15maר־־. Наведзени приклад записованя ознакох над або под ноти и практични праказ одвитуюцих нотох як ше граю.

Трансопзициї октавох спрам знакох 8vаר־־ и 15maר־־.

Вонкашня вяза

• Anatomy of an Octave by Kyle_Gann
• Cooper, Paul (1973). Perspectives in Music Theory: An Historical-Analytical Approach, p. 16. ISBN 0-396-06752-2.
• Прва, друга, мала и велика октава youtube.com