Овулация
1 Менструация
2 Дозреванє фоликула
3 Графов фоликул
4 Овуляция
5 Жовте цело
6 Жовте цело престава функционовац
Овулация то часц еструсного або менструалного циклусу цицарох кед приходзи до пуканя. Ґрафового фоликулу у ваєчнїку и ошлєбодзованя дозретих ваїчкових клїтинкох. Ваїчково клїтинки напущую ваєчнїки и одходза до инфудибулуму (преширенє вайцоводу у форми тевчиру) дзе чекаю оплодзованє, а потим иду до вайцоводу. Под час путованя зоз вайцоводу до плоднїци, як и у плоднїци, можлїве оплодзованє. Кед нє придзе до оплодзованя, вимарти ваїчково клїтинки ше вєдно зоз ендометриюмом (шлїжаца скорочка плоднїци) вилуча. Тото кирвавенє ше вола менструация.[1]
Овулация при женох
[ушориц | ушор жридло]У менструалним циклусу женох овулация ше случує коло 14. дня циклусу. Период овулациї („плодни днї “, период од 5 дньох пред овулацию до 2 дньох после нєй) то час кеди жена може остац ваготна. Єст вецей способи за утвердзованє овулациї, як цо то провадзенє чечносци зоз ваґини, меранє базалней температури [2] [3] и хаснованє овулацийних тестох.
Знаки и симптоми
[ушориц | ушор жридло]♦ Благи боль або корч у долнєй часци бруха.
♦ Прeменка и звекшане количество ваґиналного секрету.
♦ Благе звекшанє основней тїлесней температури.
♦ Звекшана чувствитeльнocц першох.[4][5]
Прецизна хвилька овулациї першираз знята на филму 2008. року, зошицким случайно, под час рутинскей гистеректомиї. Спрам словох дохторох специялистох за ґинеколоґпю, зявйованє клїтинки и после ошлєбодзованя зоз фоликулу вайцоводу окончело ше за 15 минути.[6]
Литература
[ушориц | ушор жридло]- Словнїк медицинскей терминолоґиї, (сербско-латинско-руски), Дружтво за руски язик, литературу и културу, Нови Сад 2006. рок
Вонкашнї вязи
[ушориц | ушор жридло]- Ovulacija i plodni dani
- za praćenje ovulacije i plodnih dana
- Praćenje ovulacije - Merenje bazalne temperature
- ovulacije - Promene na grliću materice
- ovulacije - Ovulacijski testovi
- Menstrualni ciklus, plodni dani
Референци
[ушориц | ушор жридло]- ↑ Depares J, Ryder RE, Walker SM, Scanlon MF, Norman CM (June 1986). "Ovarian ultrasonography highlights precision of symptoms of ovulation as markers of ovulation". British Medical Journal. 292 (6535): 1562. doi:10.1136/bmj.292.6535.1562. PMC 1340563. PMID 3087519.
- ↑ Navarrete-Palacios E, Hudson R, Reyes-Guerrero G, Guevara-Guzmán R (July 2003). "Lower olfactory threshold during the ovulatory phase of the menstrual cycle". Biological Psychology. 63 (3): 269–79. doi:10.1016/S0301-0511(03)00076-0. PMID 12853171. S2CID 46065468.
- ↑ Beckmann, Charles R.B., ed. (2010). Obstetrics and Gynecology. Lippincott Williams & Wilkins. pp. 306–307. ISBN 978-0-7817-8807-6. Retrieved 2013-11-09.
- ↑ Am I Ovulating? How to Spot the Signs". WebMD. Retrieved 2021-07-29.
- ↑ "Ovulation cramps: Symptoms and what they mean for fertility". www.medicalnewstoday.com. 2020-06-18. Retrieved 2021-07-29.
- ↑ Ovulation moment caught on camera". BBC News. 2008-06-12.