Оброшнїца

Оброшнїца то мещок - торба з оброком хтори ше виша коньови на шию (серб. зобница; поль. оbroczniak; анґл. Feedbag, nosebag, or morral; шпан. Cebadera; у руским язику походзи од слова оброк).

Oброшнїца то часц коньскей опреми, торба у хторей ше ноши и зоз хторей ше дава коньови покарму - оброк.^[1] Зоз ременьчками ше оброшнїцу (хтора ма ценши штранджок), здзива за главу (або притвердзує коньови за даяки ременьчок) и так му оможлївює карменє и теди кед є нє у хлїве або аклю, або є у драже, на вашарох, других местох итд.^[2]

Предносци такого способу карменя з оброшнїци тоти же ше може коньови дац оптималне точне количество покарми, и онєможлївює животиньом же би єдли єдни од других.^[3]

Же би могол єсц покарму з оброшнїци, конь муши спущиц главу по жем и теди зоз нозґрами долапи дно торби - оброшнїци дзе ше находзи зарно.

Етимолоґия

Мено оброшнїца походзи од слова оброк - зарнаста або даралована покарма.

Мадярске слово abrak значи коньска покарма, а у тим язику слово превжате од Славянох. Найчастейше оброк бул овес - житарка хтору ше углавним хасновало як оброк коньом.^[4]

Дзепоєдни народи оброшнїцу - торбу за покарму волаю и „торба за нос”, прето же ше ю здзива на нозґри животинї. Оброшнїцу ше здзивало на главу коньом и у роботох (поготов кед ше парало кукурицу) же би нє оєдали лїсце и верхи кукурици и так правели чкоди.

Материяли за виробок оброшнїци

Оброшнїцу мож направиц з розличих природних материялох: скора, слама, дикинь, алє є найчастейше ушита зоз густого тканого платна (як за мехи або за зольнїци). Сучаснєйши оброшнїци ше прави и зоз штучних материялох, синтетичних платнох, хтори можу обезпечиц твардейше дно и мрежасти боки пре вентилацию.^[5]

Фразеолоґия

Док робели на полю, кед бул час полудньовац або на оловранти, нашо людзе мали звик повесц: „Гайде ґу оброшнїци”, цо значело же треба єсц.

Популарна култура

У америцкей популарней култури термини вязани за „мех за єдзенє“, „стари мех за єдло“ або „мех за нос“ находза ше медзи велїма назвами у погосцительстве, як метафора за саму роботу єдзеня.

Скоряна оброшнїца за коня.
Карменє коня зоз оброшнїци.
Китай, оброшнїци з хотрих ше конї кармя на отовреним просотре.
На прикочу назадку обешена оброшнїца за коня зоз покарму и кабел за воду. (Лондон, парада коньох).

Литература

Словнїк руского народного язика II, О – Я, Нови Сад 2017, б.19.

Вонкашнї вязи

Референци

↑ Речник српскохрватскога књижевног језика, књ. 2 - Ж-К. Нови Сад, Загреб: Матица српска, Матица хрватска. 1967. стр. 329.
↑ Cowboy Saddles and Tack Glossary" Cowboyshowcase.com. 2012-01-28. Archived from the original on 2012-04-18. Retrieved 2012-02-17.
↑ De voor- en nadelen van slowfeeders. Natuurlijk paarden.
↑ Zelenika, Stjepan (16. 2. 2011). [https://stjepanzelenika.wordpress.com/2011/02/16/crtice-i/ „CRTICE I…” Stjepan Zelenika blog. Приступљено 23. 12. 2020.
↑ Daarom is een slowfeeder zo goed voor je paard. Mini Horse Shop.

[1] Речник српскохрватскога књижевног језика, књ. 2 - Ж-К. Нови Сад, Загреб: Матица српска, Матица хрватска. 1967. стр. 329.

[2] Cowboy Saddles and Tack Glossary" Cowboyshowcase.com. 2012-01-28. Archived from the original on 2012-04-18. Retrieved 2012-02-17.

[3] De voor- en nadelen van slowfeeders. Natuurlijk paarden.

[4] Zelenika, Stjepan (16. 2. 2011). [https://stjepanzelenika.wordpress.com/2011/02/16/crtice-i/ „CRTICE I…” Stjepan Zelenika blog. Приступљено 23. 12. 2020.

[5] Daarom is een slowfeeder zo goed voor je paard. Mini Horse Shop.

[1]

[2]

[3]

[4]

[5]