Нотна шия

Часци ноти:1.Заставка 2. Нотна шия 3. Глава ноти

Нотна шия (ит. gambo, франц. hampe, анґл. stem, нєм.. Notenhals ) то часц хтора припада ноти лєбо ґрупи нотох.

Нота (лат. знак) то знак за записованє тонох до линийней системи.

Часци ноти:

♦ Глава

♦ Нотна шия

♦ Заставка

Нота ше состої зоз:

1. Округлей и елипсовей нотней глави хтора у зависносци од нотней вредносци може буц зачарнєта.

2. Вертикалней смужки, такв. нотна шия, хтора ше додава зоз правого лєбо лївого боку у зависносци од вредносци ноти и єй места/положеня у линийней системи.

3. Заставки на нотней шиї (лєбо вецей, завиша од вредносци ноти).

Нотна шия

Кед менши нотни вредносци (починаюци од половки ноти) нотней глави ше додава нотна шия (нотна смужка).

Нотна шия шe пише (опатриц нотни приклад на правим боку):

• По ноту а¹ зоз правого боку нотней глави на висше (до горе),

• Од ноти h¹ нависше, зоз лївого боку нотней глави на нїжей (на долу)

• На трецей линиї нотну шию мож записац у обидвох напрямкох (на горе/висше и на нїжей) у зависносци од рядошлїду записаних сушедних нотох, лєбо ґрупи нотох.

Одступанє од датих правилох

• Кед ше ноти скапчую зоз нотним ребром (греда), теди ше одступа од горнього правила. Положенє скапчованя нотних смужкох и реброх диктира векше число нотох у горнєй лєбо долнєй часци линийней системи (нотни приклад на правим боку), односно завиша од сушедних тонох.
• У случаю же ше на єдней линийней системи найду два гласи, (напр.у вокалних дїлох, лєбо полифоних) теди ше нотни смужки за горнї глас обрацаю-пишу нависше, за долнї глас- на нїжей, без огляду на положенє нотох у линийовей системи (опатриц нїжей нотни приклад).

Илустрация записаних нотних шийох у двогласовей композициї (полифониї)

Опатриц

• Нота
• Нотна глава
• Тонски систем

Вонкашня вяза

• Записивање музике. Музички знаци. Ноте. bebicamusiceducation.wordpress.com