Нихон Шоки
Нихон Шоки (日本書紀), тиж познати и пoд назву Хронїки Япону, друга найстарша кнїжка о историї Япону. Настала 720. року по розказу цара Ґеншоа дворскому ученякови Тонерови Шиноуови же би направел запис о Японє. Тото дїло ше, як и Кодїки, занїма з периодом богох, алє лєм по Джито.
Тиж так, ма вецей хронолоґиї и историйни податки, по углядзе на китайску историну хронїку, та обачлїва и даяка литературно-историна структура (вшелїяк, подобна китайскей). У тим дїлу акцент вецей на историйней точносци як на литерализациї, прецо є з литературного боку нїзшей вредносци, алє з историного - векшей.
У селекциї дїлох нароком ше указує шицки познати вариянти, нє лєм тоти цо маю улогу у политичним живоце. То доказ же пририхтователь хасновал рижни жридла, виглєдовал други записи хтори було надосц, як гваря китайски жридла. Записи новшого датума историйно барз виродостойни.[1]
Прозни текст написани на китайским язику, гоч єст и писнї за хтори ше хасновало китайску транскрибцию. Нихон Шоки ше состої зоз скоро трицец пантлїкох з папирусу, т.є. томох, дзе скоро шицки написани на китайским язику. Главни циль Кодїкию оправданє божого походзеня цара; док циль Нихон Шокия потримовка авторитета Япону у одношеню на сушедох, творенє слики Япону як моцней, сувереней, цивилизованей и културней жеми хтора нє заостава.
Литература
[ушориц | ушор жридло]- Nihongi : chronicles of Japan from the earliest times to A.D. 697 [Нихонги: хронике Јапана од најранијих времена до 697. године]. 1. Превод: Aston, William George. London: Japan Society. 1896.
- Nihongi : chronicles of Japan from the earliest times to A.D. 697 [Нихонги: хронике Јапана од најранијих времена до 697. године]. 2. Превод: Aston, William George. London: Japan Society. 1896.
- Brownlee, John S. (1997). Japanese historians and the national myths, 1600-1945: The Age of the Gods and Emperor Jimmu. Vancouver: University of British Columbia Press. ISBN 978-0-7748-0644-2.
- Brownlee, John S. (1991). Political Thought in Japanese Historical Writing: From Kojiki (712) to Tokushi Yoron (1712). Waterloo, Ontario: Wilfrid Laurier University Press. ISBN 978-0-88920-997-8.
- Sakamoto, Tarō; Brownlee, John S. (1991). The Six National Histories of Japan: Rikkokushi. Vancouver: University of British Columbia Press. ISBN 978-0-7748-0379-3.