Нестор Пушкаш
| Нестор Пушкаш | |
|---|---|
 | |
| Народзени | 3. априла 1948. |
| Умар | 4. децембра 2010 (62) |
| Державянство | югославянске |
| Язик творох | руски, сербски |
| Школа | Штредня машинска школа Нови Сад |
| Период твореня | 1967—2010. |
| Жанри | музика, вокална интерпретация, |
| Поховани | у Дюрдьове |
Нестор Пушкаш (*3. април 1948—†4. децембер 2010), вокални солиста, музичар, руководитель оркестра
Биоґрафия
[ушориц | ушор жридло]Нестор Пушкаш народзени 3. априла 1948. року у Дюрдьове. Оцец и мац нар. Нестор мал шестри Ану и Марию.
У родзеним валалє закончел основну школу. Штредню машинску школу закончел у Новим Садзе.
Року 1967. Нестор Пушкаш пошол на роботу до Нємецкей дзе жил 4 роки и робел у своїм фаху.
Зоз дочасовей роботи у Нємецкей Нестор Пушкаш ше врацел до Дюрдьова 1971. року и теди ше почал активнєйше занїмац зоз музику. Грац и шпивац любел од малючка, бул талантовани за музику та гоч бул самоуки музичар и шпивач Нестор знал крашнє грац на тамбурки и на ґитари.
Нестор Пушакаш бул у малженстве зоз Бреду, мали дзивку Бетину.
Як член КУД Тарас Шевченко Нестор Пушкаш грал у оркестру и натупал на шицких значних концертох и манифестацийох у Дюрдьове. Грал и шпивал на Балу широких сукньох, а як солиста шпивач двараз участвовал на музичним фестивалу Ружова заградка и раз як член трия. У вецей нагодох Нестор Пушкаш з його оркестром бул поволовани до Нємецкей же би грал на рочних балох руского Дружтва у Минхену.
Мал приємни глас та бул поволовани до студийох Радио Нового Саду дзе знял за музични фонд радия коло 20 шпиванки. У Дюрдьове Нестор, зоз своїм оркестром, 1996-1997. року знял ЦД з коло 25 народнима шпиванками.
Нестор Пушкаш знїмал и за потреби Рускей редакциї Телевизиї Нови Сад.
Нестор Пушкаш мал интересантни гоби, вон у шлєбодних хвилькох оправял струново инструменти и ручно вирабял нови тамбурки.
Нестор Пушкаш умар 4. децембра 2010. року у Дюрдьове. Поховани є на валалским Грекокатолїцким теметове.
На Ютюб платформи ше находза тоти шпиванки хтори интерпретує Нестор Пушкаш
| Наслов композициї | Автор музики | Автор тексту | Виводзач |
|---|---|---|---|
| Стари салаши | Яким Сивч
|
Яким Сивч | Нестор Пушкаш
|
| Женїм сина | "
| ||
| Ей, Дюрдьове мой | Витомир Бодянєц | Микола Сеґеди | "
|
| Ноцна писня | М. Лїкар
|
Я. Грубеня | Нестор Пушкаш, Верица Салонски
и Марко Радишич |
| Народни | |||||
|---|---|---|---|---|---|
| Наслов шпиванки | Виводзач | Наслов шпиванки | Виводзач | ||
| Чийо то дзивчатко | Оркестер Нестора Пушкаша | Вежнї зайду | Оркестер Нестора Пушкаша | ||
| Ставайце хлапци | Нестор Пушкаш | Мужу, мужу, гибай дому | Оркестер Неца и приятелє | ||
| Зламала ше кормань-деска. | Оркестер Нестора Пушкаша | Чарни очка поце спац | "
| ||
| Зламала ше кормань-деска | "
|
Кед сом вчера вечар | "
| ||
| Ей, нє видно тот мой валал. | "
|
Чия то заградка | "
| ||
| Ей, дзивчатка, чуєце | "
|
Кед би чарни очка | "
| ||
| Так сом ше залюбел. | "
|
Червена ружа трояка | "
| ||
Литература
[ушориц | ушор жридло]Место венца: Нестор Пушкаш (1948-2010), А.Д. , новини Руске слово, 10. децембер 2010, ч. 49, б. 4.