Национални парк Шараками-Санчи
| Национални парк Шираками-Санчи
Shirakami-Sanchi National Park | |
|---|---|
 | |
| Урядово мено | Shirakami-Sanchi National Park |
| Место | острово Хоншу, Япон |
| Координати | 40°28′12″С, 140°07′48″В [1] |
| Поверхносц | 1 300 km2 |
| Унеско лїстина шветовей културней скарбнїци | |
| Упис | 1993. рок |
| Критериюм | IX (природа) |
| Веб-сайт | website |
Шираками–Санчи (японски: 白神山地, означує „бога билей гори") подруче лєсох у японских покраїнох Акита и Аомори на сиверу японского острова Хоншу. Тото подруче ма поверхносц коло 1 300 км², а прекрите є зоз пралєсами японского буку (Fagus crenata). Його часц од 169,7 км у найзащиценшим подручу уписана до Унесковей шветовей лїстини културней скарбнїци у Азиї 1993. року. [2]
Структура жеми букових лєсох нє вигодна за роснуце печаркох, а окреме шитаки печаркох, алє то вшелїяк нє причина же би польопривреднїки узурповали тото подруче так же воно остало нєдотхнуте за розлику од лєсох у околїску. Почитованє прешлосци, предкох и традициї основна прикмета Японцох, цо доказує и податок же пред тим як национални парк основани, жителє тей обласци достали битку процив институцийох хтори допущели будованє драги цо би повязала два административни обласци Аомори и Акиру и загрожела природну ровновагу. Окрем буку, у лєше рошню коло 500 файти рошлїнох спомедзи хторих найважнєйши: кацура (Cercidiphyllum), калопанакс (Kalopanax, древо рицинусу), японски граб (Ostrya japonica) и други файти лїсцопадних древох.
Од животиньох на тим подручу, окрем 87 файтох птицох и 2 212 файтох инсектох, жиє и: национални символ – чарна жуна (Dryocopus martius), японски серов (Capricornis crispus), горски сокол-орел (Nisaetus nipalensis), шиви орел (Aquila chrysaetos), японски макаки (Macaca fuscata), миши роду Gliridae и азийски кафови медведз (Ursus thibetanus).
Нєровни терен и нєдостаток драгох у парку причина минималного керченя букового лєса, так же людске дїйствованє було огранїчене лєм на погранїчну обласц парку. Матаґи, локална етнїчна ґрупа аинутского походзеня, хтора добре позна защицене подруче, лови по строгим кодексу, збера поживу и орґанизує еко-нащиви.[3] За уход до парку потребне допущенє лєсовей управи, а же би ше лапало риби, потребне и допущенє Националного риболовного здруженя. Популарне место за нащивительох то прекрасни водопад Анмон но таки.
Характеристики парку
[ушориц | ушор жридло]Попри того же ше пред 2 милиони роками биодиверзитет прастарих букових лєсох на планети Жеми обачлївше зменшал пре континенталне захладзенє, лєси у сиверним Японє нє прецерпели нїяку пременку. Прето тоти лєси затримали свой першобутни еколоґийни состав и представяю такповесц „живу капсулу часу” од историйного значеня.[4]
Гори Шираками першенствено ґранитни и седиментни стини. У покраїни єст вельо рики и водопади[5], глїбоки и прикри долїни хтори ше преплєтаю.[6]
Подруче на надморскей висини од 100 до 1 243 метери, а штредня висина 1 000 метери. Штредня рочна температура 12 ступнї на нїзшей надморскей висини, штреднї рочни паданя 1 938 милиметри.
Гранїци националного парку Шираками-Санчи
[ушориц | ушор жридло]Шираками-Санчи ше на востоку гранїчи зоз националним парком Tsugaru quasi, а найвекши верх Shirakamidake, хтори нє у защиценим подручу, так же ше мож ґрабац на ньго без допущеня. У подножю Шираками-Санчи, у населєним месце Hachimori (Akita), ше кажди рок отримує концерт на отвореним Yūkyū-no-Mori (悠久の杜) або Шираками фестивал.
 |
 |
 |
|
Вонкашнї вязи
[ушориц | ушор жридло]- Shirakami-Sanchi Mountain Range (UNESCO), www.japan.travel
- Shirakami Sanchi, www.japan-guide.com
- Shirakami-Sanchi, worldheritageoutlook.iucn.org
Референци
[ушориц | ушор жридло]- ↑ [ GeoHack, geohack.toolforge.org
- ↑ Chirakami-Sanchi,whc.unesco.org
- ↑ "Learn about the traditions of the Matagi, who live in harmony with the forest of Shirakami-Sanchi". World Natural Heritage in Japan. Tokyo Convention & Visitors Bureau.
- ↑ Rothmar, Tyler (March 14, 2015). "Shirakami Sanchi: A forest outside of time". The Japan Times
- ↑ "Shirakami-Sanchi". UNESCO World Heritage Centre. United Nations. 1992–2018
- ↑ Shirakami-sanchi. International Union for Conservation of Nature and UN Enviroment World Conservation Monitoring Centre , 2017.