Национални парк Памукале
| Национални парк Памукале
Pamukkale National Park | |
|---|---|
 | |
| Урядово мено | Pamukkale National Park |
| Место | Провинция Денизли, Турска |
| Найблїзше место | Денизли |
| Координати | 37°55′26″С, 29°07′24″В [1] |
| Унеско лїстина шветовей културней скарбнїци | |
| Упис | 1988. рок |
| Критериюм защити | III, IV, VII (култура и природа) |
Национални парк Памукале (турски: Памучна палата) єдинствени комплекс минералних жридлох у югозаходней Турскей, нєдалєко од варошу Денизлия. Обласц ше состої зоз цеплих жридлох води и вапнянїкових седрох (препреченьох) нєзвичайней форми и плїтких терасових базенох хтори настали зоз прелїваньом води и ушедованьом минералох.[2][3]
Над купалїщами (лїчилїщами) бул збудовани антични варош Хиєраполис у II вику старей ери. У тим варошу ша находза остатки купальньох, храмох и других старогреческих и староримских памятнїкох, як и ориґиналних вчасних християнских будинкох, так же варош вєдно зоз купалїщами Памукале, 1988. року уписани на Унескову лїстину шветовей културней скарбнїци.[3]Тото подруче ше находзи у долїни рики Мендерес зоз умерену климу през цали рок. Длугоке є коло 2 000, а широке 600 метери, на 160 метери надморскей висини. Коло 2 милиони туристох рочнє нащиви тот национални парк.
У националним парку Памукале єст 17 жридла води температури од 35 до 100 ступнї. Вода ше зоз жридлох прелїва по длужини од коло 320 метери по схилох, а потим ше прелїва зоз єдней тераси до другей. Калций-карбонат ше у води ушедує и настава вапнянїк, а угльо-диоксид ше ошлєбодзує.
Лїковитосц води
[ушориц | ушор жридло]През тисячи роки, минерали були важни фактори у твореню базенох зоз воду у националним парку Памукале. Дзекуюци калций-карбонату, калций-сулфату, маґнезиюму, желєзу, солї и другим минералом вода позната у швеце по лїковитих свойствох.
Леґенда
[ушориц | ушор жридло]Нєдалєко од валалу Памукале жила нєкрасна дзивка. Була барз забанована прето же ше нїкому нє пачела, пару нє могла найсц, та ришела одняц себе живот. Розчарована, скочела зоз найвисшей тераси (каскади) до води. Наздавала ше же скончи живот, алє ше зачирела, маґична вода змила шицки бриґи и як красавица виплївала на поверхносц води. Пан Денизлия бул обчаровани зоз єй красу, залюбел ше до нєй и нєодлуга ше винчали...
Ґалерия
[ушориц | ушор жридло] |
 |
 |
 |
Литература
[ушориц | ушор жридло]- Marko Kataneo – Jasmina Trifoni, Svetska baština pod zaštitom UNESKA, prirodni rezervati, Izdavač Pravoslavna reč, Novi Sad, 2007. godina, strana 132, 133
Вонкашнї вязи
[ушориц | ушор жридло]- TURSKA - PAMUKALE,umetnostputovanja.rs
- Palata od „pamuka”, www.euronews.rs
Референци
[ушориц | ушор жридло]- ↑ GeoHack, geohack.toolforge.org
- ↑ Scheffel, Richard L.; Wernet, Susan J., eds. (1980). Natural Wonders of the World. United States of America: Reader's Digest Association, Inc. p. 286. ISBN 0-89577-087-3.
- ↑ 3,0 3,1 "Hierapolis-Pamukkale World Heritage Site", whc.unesco.org