Наперсни крест

Крест за християнох преважни предмет, то Исусов знак, на нїм ше одбула совершена жертва за понїщенє чловеческих грихох, символ є жертви за ближнїх, символ пребаченя и християнского спашеня.

Мирянє наперсни крест ноша под облєчивом. Дакеди бул обичай, а даґдзе го єст и нєшка, же ше на кресценю кресценїкови кладло на шию кресцик, хтори вон мал ношиц по тїлесну шмерц, та зоз нїм бул и поховани.

Священїки и владикове ноша наперсни крест як часц ризох, алє то завиши од Церкви до Церкви:

• У Русийскей православней церкви крест ноша шицки священїки. Розлика у тим же священїк без специялней награди ноши крест без украшеньох, а наградзеному священїкови, протоєрейови ставрофорови, припада крест зоз украшенями.
• При римикатолїкох, священство наперсни крест нє ноши; то привилеґия лєм владикох.
• У Сербскей православней церкви наперсни крест ноша лєм одликовани священїки.
• У Крижевским владичестве, владика Гавриїл Букатко допущел ношиц наперсни крест без украшеньох шицким священїком, а владика ноши наперсни крест зоз украшенями, по углядзе на римокатолїцких владикох, або панаґию, яки обичай у восточних церквох.

Литература

• Дзвони, юний 2003. рок, протоєрей ставрофор Йоаким Холошняй
• о. др Роман Миз, Церковно литурґийно литурґични лексикон, бок 208

Вонкашня вяза

• Напрсни крст sr.wikipedia.org