Набедренїк

Набедренїк и полїца то два облєчива, часц ризох, хтори ше облєка после поясу при полним облєканю (после стихару, епитрахилю и поясу).

То богослужебни предмети, ушити зоз ризового платна, обшити з ґалонами.

Набедренїк ма форму ромба, а полїца квадрата. На штирох углох пришити китайки. На набедренїку на горнїм углє пришита з двома концами длугша шнурка, хтора ше преруцує прейґ плєца, так же вон виши под процивну пазуху. Шнурка на полїци пришита на двох горнїх углох, преруцує ше тиж прейґ плєца и виши под процивну пазуху. У штред набедренїка зоз златних нїткох вишити криж, або голуб як символ Святого Духа.

Спочатку набедренїк и полїцу ношел лєм владика. Нєшка тоти предмети поряднє тиж ноши лєм владика, алє ше их дава и даєдним монахом висшого ранґу (архимандритом).

Як перша награда ‒ набедренїк, дава ше и даєдним священїком.

Набедренїк поряднє виши з правого боку, алє кед дахто ма право ношиц и набедренїк и полїцу, вец полїца виши на правим, а набедренїк на лївим боку. Набедренїк и полїца символично знача „меч духовни”, а тим цо их ноша нєпреривно надпоминаю же маю буц борци за витворйованє високих християнских идеалох.

Тиж, як и при облєканю других ризох, та и при облєканю набедренїку и полїци модля ше, за тот чин, одредзени молитви.

Литература

• Дзвони, християнски часопис, май 2003, Протоєрей ставрофор Йоаким Холошняй
• о. др Роман Миз, Церковно литурґийно литурґични лексикон, бок 207

Вонкашня вяза

• Надбедреник sr.wikipedia.org