Музични аранжман
Аранжованє (франц. arranger) – значи привесц до порядку, ушориц. То модификованє, адаптация, пременка у музичним тексту у музичним дїлу пре його виводзенє зоз другу ґрупу инструментох нє як у ориґиналу (напр. оркестрация клавирскей композициї).[1]
Аранжовaнє ше барз применює у забавней - поп музики. Уключує преважно технїчни можлївосци справи-аранжера, зоз уношеньом даєдних креативних елементох, алє нє у такей мири же би нова композиция достала самостойне значенє. Аранжман ше наволує и гармонизация а и инструментация новей лєбо познатей мелодиї.[2]
Аранжман и зродни поняца
[ушориц | ушор жридло]Постоя вельо концепти хтори означую творенє музичного дїла на основи постояцого музичного материялу. Розлики медзи нїма постоя у зависносци од ориґиналного тексту, односно у розмири креативней компоненти хтору дава нови автор.
_(14593292977).jpg)
По вше векшим значеню секундарного творчого доприношеня постої: аранжман, обробка, транскрибция, парафраза, рапсодия, фантазия. Спрам того аранжман забера штредню позицию и улогу у тей сериї формох и на даяки способ представя лєм технїчну роботу, а на други уплївує з креативну роботу.[3] Источашнє наведзени концепти ше часточно преклопюю а пробованє уводзиц строгши огранїченя нє барз оправдане.
Файти поп аранжманох
[ушориц | ушор жридло]Постоя два типи аранжованя спрам процесу креированя партитури за поп ансамбл лєбо оркестер:
- Аранжман музичних дїлох хтори винїмково написани за виводзенє за поп ансамбли лєбо оркестри (окреме музику за танєц) музичних дїлох.
- Аранжман музичних дїлох за хтори авторе нє наменєли можлївосц же би их виводзели поп ансамбли лєбо оркестри (напр. вокални дїла).[4]
У першим случаю дїло такой задумане оркестерски и у своєй концепциї „обецує” богати оркестрово фарби (Н. Римски-Корсаков Основи оркестрациї кнїжка 1) а аранжер ше стрета зоз задатком же би витворел правилно пренєшени уметнїцки змист дїла, з помоцу естрадного ансамбла лєбо оркестра а у складзе зоз планом автора.(4)
Приклад другого случая аранжмана то албум Joue Les Beatles и оркестри Паула Маруия у хторим числени гити ґрупи Битлси, першобутно виведзени як квартети, а аранжмани написани за виводзенє векшого состава инструментох - поп оркестер.
Аранжованє и инструментация
[ушориц | ушор жридло]Постоя велї поняца и елементи за наставанє музичного дїла. Часто ше поставя питанє прецо нє гвариме оркестрация лєбо инструментация алє «аранжман». Чи єст розлики медзи тима трома концептами?[5]
Найзроднєйши термин инструметация хаснує ше першенствено кед ше у композициї применюю акустични инструменти, док ше термин аранжман применює за електронски инструменти и диґитални справи, хтори повязани зоз такима инструментами (аутономни тонски модули, апликацийни програми хтори маю „банки”) акустични и други инструметални звуки, семплери, секвенцери, ритем секциї итд.
Аранжмани и жанр
[ушориц | ушор жридло]У зависносци од музичного жанра (синтихоп, гард рок итд.) у хторим ґрупа музичарох будзе виводзиц композицию, хасную ше розлични стилски технїки аранжованя. Одлучуюцу улогу за одредзованє стилского напряма ансамбла ма орґанизация ритма, уключуюци характеристични ритмични фарби и ефекти удерних инструментох як основу ритем секциї. Пре тото аранжер муши познац розлични напрями и стили поп музики, преучиц основни ритмични фиґури (формули) рижних ритмох танца, и знац їх осучаснїц спрам нєшкайших сучасних трендох.
На приклад, рокенрол на початку хасновал технїку буґи-вуґи инструменталного провадзеня (остинато провадзенє аж и у осминох) основа диско ритма у часци бубня, бас бубень - на каждей штварцини, мала буґна (добош) на другей и штвартей штварцини. За самбу орґанизация цалей ритмичней секциї бубньох, типично ше хаснує алт-том и бас-том итд. Иста мелодия може буц аранжована у розличних музичних стилох.
Виучовенє уметносци аранжованя
[ушориц | ушор жридло]Аранжер креїра аранжман. До нєдавна (пред 40-50 роками) нє постояла настава аранжованя у поп и джез жанрох на уровню фаховей специялизациї.
У музичних школох на естрадних напрямох, аранжованє єден зоз обовязних предметох, алє нєт закончени школи зоз дипломами специялносци аранжер естраднога оркестра. Обуку такого фаху понукаю високошколски музични установи у велїх других державох, напр. Музични коледж Беркли у Бостону.[6]
Права
[ушориц | ушор жридло]Аранжер, з оглядом же є учашнїк у твореню дїла, ма право на продукователя фоноґрама. Креативне участвованє у виробки фоноґрама додзелює ше аранжерови.
Вонкашнї вязи
[ушориц | ушор жридло]- „aranžman” u Hrvatskom jezičnom portalu
- Aranžiranje muzike za tamburaški orkestar, priredio Ivan Sabo
- Arranging for Songwriters: Instrumentation and Production in Songwriting 31 декабря 2019.
- arrangement Encyclopædia Britannica online
Референци
[ушориц | ушор жридло]- ↑ Ћосић Павле (2008) chapter IX, in Речник Синонима (in Српски), Београд, Србија: Корнет, →ISBN, page 714; republished Нови Сад,: Прометеј, 2018, →ISBN, page 714 2008 (гл. асистент и стручни консултант Бојана Ђорђевић) Речник синонима, Београд: Kornet, →ISBN, page 714 (COBISS)
- ↑ Raisa G. Shitikova, Yun' Li.Музыкальная аранжировка: к содержанию понятия. Culture and Civilization, v. 7, No. 2A, c. 38–55 (2017). — см. с. 49 "Заключение". Дата обращения: 26 ноября 2022. Архивировано 26 ноября 2022 года.
- ↑ Браславский, Д. А. Аранжировка для эстрадных ансамблей и оркестров. — Издание второе, переработанное и дополненное. — М. Музыка 1974. — бок: 392.
- ↑ Paul Mauriat - Joue Les Beatles na YouTube
- ↑ Гаранян, Г. А. Основы эстрадной и джазовой аранжировки. — Издание 3-е, переработанное и дополненное. — Москва : Региональный Общественный Фонд развития джазового искусства Георгия Гараняна, 2010. — 256 с. — ISBN 978-5-9902000-2-9.
- ↑ Программы обучения в колледже Berklee Дата обращения: 21 ноября 2017. Архивировано 29 декабря 2017 года.