Музичне школство у Сербиї

Музичне школство (анґл. music еducation) у Сeрбиї представя пререз стану дїлованя шицких музично-образовних установох специялизованих же би препознали и пририхтовали талантовани дзеци (и младих) за здобуванє знаня, поняцох и схопносцох зоз обласци музики зоз систематичну и континуовану наставу (обуку) з боку фахового наставного кадра, а таке им образованє оможлївює дальше музичне школованє и напредованє, кед же то жадаю.

Уровнї музично-образовних установох

Музичне школство у Сербиї (подобни стан и у жемох бувшей Югославиї) ма штири основни уровнї музично-образовних установох и то:

Музичне образованє (диґитална едукация писаня нотох у музичней школи)

:1. Пририхтуюца музична школа

• Музична заградка (овода)

• Пририхтуюце оддзелєнє

2. Основна музична школа

3. Штредня музична школа

4. Музични факултет, академия або универзитет

Упису школярох до гоч хторого спомнутого уровня предходзи преверйованє музичних схопносцох - приємни испит (аудиция).

Файти образовних установох

Музично-образовни установи можу буц:

• Державни або приватни

• самостойни або при даякей другей образовней установи або институциї

• за шлєпи и слабовидни дзеци

• за дзеци зоз окремнима потребами у розвою

Опатриц ище:

Основна музична школа

Академия уметносцох Универзитету у Новим Садзе

Вонкашнї вязи

• Музичке и балетске школе Србије Архивирано на веб-сајту Wayback Machine (8. април 2017)

• Музичке школе Србије Архивирано на веб-сајту Wayback Machine (23. јун 2012)