Млади мутанти нинджа коритнявки

Нинджа коритнявки (анґл. Teenage Mutant Ninja Turtles, скрацено TMNT) америцка медийна франшиза хтору креировали уметнїки Кевин Истман и Питер Лерд. Приповедка провадзи и приказує Леонарда, Донатела, Рафаела и Микеландєла, штири антропоморфни коритнявки хтори ше боря процив зла у Нюйорку.^[1]^[2]

Другорядови

Менєй значни особи: сенсей - паткань Сплинтер, їх приятелє людзе Ейприл О'Нил и Кейси Джонс и нєприятелє Бакстер Стокман, Кранґ и їх найвекши нєприятель Шредер.

Франшиза почала як стрип, Млади мутанти нинджа коритнявки, хтори видумали Истман и Лерд як пародию на популарни елементи у стрипох о супергеройох тедишнього часу. Перше число 1984. року обявел-публиковал студио Мираж и посцигнути значни успих^[3]. Року 1987. Истман и Лерд лиценцовали особи, а потим розвили линию акцийних фиґурох коритнявкох. Од 1988. по 1992. року предати бависка коритнявкох у вредносци коло 1,1 милиярди америцки долари, цо представя трецину найпредаванших бавискох того часу.

Акцийни фиґури промововани з помоцу анимираней сериї хтора премиєрно приказана 1987. року и хтора тирвала скоро децению.

Обявени и приказовани даскельо филми; перши обявени 1990. року и постал нєзависни филм зоз найвекшим заробком до теди. Тиж обявени числени видео-бависка, уключуюци и даскельо хтори розвил Конами. У велїх европских реґионох франшиза наволана Млади мутанти героє коритнявки, пре насилну конотацию слова ,,нинджа.''

Истман 2000. року свою часц предал у франшизи коритнявки компаниї Laird.

2009. року Laird ю предал компаниї Viaсom тераз Paramount Global. Серия предлужена зоз нову стрип серию анимираних филмох Нинджа коритнявки (2014) и Нинджа коритнявки: З вонка циню (2016), анимирану серию Воздзвигованє нинджа коритнявкох (2018) и зоз анимираним филмом: Нинджа корнячи: Гаос (2023).

Подоби Нинджа коритнявки

• Леонардо — Де факто вожд Нинджа коритнявкох, Леонардо,шмели, одлучни и совисни школяр борецких схопносцох. Як стриктни нашлїднїк Бушиду, ма барз виражене чувство за чесц и правду. Леонардо ноши белаву маску и як оружиє ноши катани. Мено достал по Леонардови да Винчийови.

• Рафаело — Антидружтвени-нєдружелюбиви член Нинджа коритнявкох. Рафаело аґресивни и ридко кеди є нєодлучни. Часто є дзиви и саркастични. З часу на час ше гнїва на Леонарда пре його положенє. Рафаело ноши червену маску и як оружиє хаснує саиї. Мено достал по Рафаелови Сантийови.

• Микеландєло — шлєбодного духу, Микеландєло ше найвецей визначує. Гоч ше люби одпочивац, тиж так є и авантуриста и креативни. Микеландєло ноши помаранчецову маску и як оружиє хаснує нунчаки. Мено достал по Микеландєлови Буонаротийови.

• Донатело — Науковец, пренаходзач, инжинєр и технолоґийни ґениє. Од шицких коритнявкох найменєй є насилни и люби хасновац свой интелект же би ришел зраженє. Ноши лилову маску и хаснує бо-палїцу. Мено достал по скулпторови Донателови.

Други подоби Нинджа коритнявки

• Сплинтер — Учитель и оцец хтори усвоєл коритнявки, Сплинтер чловек хтори мутирани до патканя. Тайни нинджуцуа (борецка схопносц и стратеґия) научел од свойого учителя Хамата Йошия. У даєдних инкарнацийох Нинджа коритнявкох, вон Хамато Йоши. Сплинтер пародия на Стика, чловека хтори бул ментор Дердевилови.

Шредер је вожд ґрупи (серб.клан) Ноґай. Його право мено Ороку Саки. Вон забил Хамата Йошия. Барз нємилосердни, даскельораз ше му заправо удало знїщиц Коритнявки. Шредер завжал 39. место на лїстини 100 наймоцнєйших криминалцох спрам IGN-у.

• Ейприл О’Нил — Бувша лаборанткиня шалєного науковца Бакстера Стокмана, Ейприл шмели людски товариш коритнявкох. Вона учашнїк у велїх коритнявкових авантурох и роби за нїх тото цо коритнявки нє можу у явносци.

• Кейси Джонс — Правдолюбиви хтори ше люби вимсциц, постал єден зоз найблїзших союзнїкох коритнявкох. Кейси ше бори процив криминалу зоз спортску опрему (палїци за бейзбол, крикет и ґолф, палїца за гокей) док ноши гокеяшку ґолманску маску же би защицел свой идентитет.

• Секач — Зли нинджа-майстор чийо праве мено Ороку Саки. Вєдно зоз своїма злонамирнима нинджами Талпох, Секач найвекши Сплинтеров нєприятель. Секач ноши страшне облєчиво зоз оштрима ножами.

• Венера — Женска Нинджа коритнявка, хтора ше зявює у сериї Нова мутация як пияти член екипи. Ноши блядобелаву маску.

Филми

Филм	Датум обяви у САД	Режисере	Сценариста	Приповедка	Продуценти
Коритнявки нинджи	30.03.1990.	Стив Берон	Тод В. Ланген и Боби Хербек	Боби Хербек	Ким Досон, Саймон Филдс, Дейвид Чан
Нинджа коритнявки II	22. 03.1991.	Майкл Пресмен	Тод В. Ланген		Томас К. Ґрей, Ким Джосон, Давид Чан
Нинджа коритнявки III	19. 03.1993.	Стюарт Ґиярд			Томас К. Ґрей, Ким Джосон, Давид Чан
TMNT	23. 03.2007.	Кевин Монро			Томас К. Ґрей, Ґален Вокер, Пол Ванґ
Нинджа коритнявки (филм зоз 2014)	08. 08.2014.	Джонатан Либезман	Джош Апелбом, Еван Доерти и Андре Немек		Майкл Бей, Ендрю Форм, Бред Фулер, Ґален Вокер, Скот Медник и Иян Брайс
Нинджа коритнявки: Споза циня	06. 03.2016.	Дейв Ґрин	Джош Апелбом и Андре Немек		Майкл Бей, Ендрю Форм, Бред Фулер, Ґален Вокер и Скот Медник
Нинджа коритнявки: Гаос	02. 08.2023.	Джеф Ров	Сет Роґен, Еван Ґолдберґ и Джеф Ров, Бенджи Самит и Дан Гернандез	Брендан О'Браян и Сет Роґен, Еван Ґолдберг и Джеф Ров	Сет Роґан, Еван Ґолдберґ и Джеймс Вивер

Телевизийни сериї

Млади мутанти Нинджа коритнявки (1987—1996) Нинджа коритнявки мали телевезийну премиєру у сериї Млади мутанти нинджа коритнаявки 10. децембра 1987. року. Серия заснована на предходних стрипох Кевина Истмана и Питера Лерда, алє ма надосц нового пре прилагодзованє дзецинскей публики. Приповедка почина зоз упознаваньом Ейприл О’Нил зоз Нинджа коритнявками и одкрицом їх прешлосци. Тиж, серия почина зоз першим зраженьом и початну борбу процив Секача, односно процив зла. Вкупно зняти 193 епизоди у 10 сезонох, а остатня приказана 2. новембра 1996.

Нинджа коритнявки: Нова мутация (1997—1998) После законченого знїманя анимираней сериї, як и трох часцох бавених филмох, знята бавена серия базована на приповедки о Ниджа коритнявкох. Премиєрно є емитована 20. марца 1998. року.

Млади мутанти Нинджа коритнявки (2003 - 2009)

Приказованє другей верзиї истоменованей сериї почало 8. фебруара 2003. року у Телевизийней компаниї Фокс, а закончене є на 4 Kids каналу. Прикмети Нинджа коритнявкох тераз вименєни у одношеню на серию зоз 1987. же би були били приблїжно ориґинални особом зоз стрипох. Баржей наглашена акция и борба процив зла у одношеню на предходну верзию кед було и гумористични хвильки. Емитовани 159 епизоди розпоредзени у 7 сезонох, а остатня епизода приказана 21. новембра 2009. року. ММНК (филм) (2007).

Длугометражни ЦҐИ рисовани филм зоз 2007. року Нинджа Коритнявки емитовани на РТС 1. Синхронизовани є у режиї Николи Дюричка.

Ґлумецку поставку творя:

• Деян Луткич (по походзеню зоз Кули)

• Никола Булатович

• Зоран Цвиянович

• Ґордан Кичич

• Слобода Мичалович

• Срдян Тимаров

• Ґоран Султанович

• Милица Михайлович

• Ґоран Шушлїк

Закончуюци специял: Коритнявки занавше

Телевизийни филм Коритнявки занавше ( анґл. Turtles Forever) зоз 2009. року, познєйше претворени до трох остатнїх епизодох сериї, представя законченє серияла. У филму ше зявюю Нинджа коритнявки, алє и други добри и зли подоби зоз предходней верзиї сериї Млади мутанти нинджа коритнявки (2012—2017). Познати америцки дзецински канал Nickelodeon наявел знїманє новей верзиї сериї и емитованє од 2012. року.

Воздзвигованє нинджа коритнявкох (2018.)

Штварта анимирована серия Воздзвигованє нинджа коритнявкох (на анґл. Rise of Teenage Mutant Ninja Turtles) почала 12. септембра 2018. После єдней пилот епизоди хтора приказана 20. юлия 2017. року, перши 5 епизоди приказани истого дня. Продуцент анимираней сериї телевизийни канал Nickelodeon.

Ґалерия

Нинджа коритнявки

Вонкашнї вязи

Референци

↑ Collins, Sean T. (August 14, 2014)."Cowabunga: how TMNT went from joke to blockbuster". Rolling Stone. Archived from the original on June 3, 2022. Retrieved October 9, 2021.
↑ Fernandes, Megan. The birthplace of Teenage Mutant Ninja Turtles: Kevin Eastman recalls days in Dover". "The birthplace of Teenage Mutant Ninja Turtles: Kevin Eastman recalls days in Dover".Foster's Daily Democrat from the original on October 19, 2021. Retrieved October 17, 2021.
↑ The complete history of Teenage Mutant Ninja Turtles (анґл.). Mental Floss (27 июня 2015). Дата обращения: 12 июня 2022. Архивировано 27 января 2022 года.</nowiki>

[1] Collins, Sean T. (August 14, 2014)."Cowabunga: how TMNT went from joke to blockbuster". Rolling Stone. Archived from the original on June 3, 2022. Retrieved October 9, 2021.

[2] Fernandes, Megan. The birthplace of Teenage Mutant Ninja Turtles: Kevin Eastman recalls days in Dover". "The birthplace of Teenage Mutant Ninja Turtles: Kevin Eastman recalls days in Dover".Foster's Daily Democrat from the original on October 19, 2021. Retrieved October 17, 2021.

[3] The complete history of Teenage Mutant Ninja Turtles (анґл.). Mental Floss (27 июня 2015). Дата обращения: 12 июня 2022. Архивировано 27 января 2022 года.</nowiki>

[1]

[2]

[3]