Мирослав Церар
| Мирослав Церар | |
|---|---|
 | |
| Особни информациї | |
| Назвиско | Миро |
| Датум народзеня | 28. октобер 1939. |
| Место родзеня | Любляна, Кральовина Югославия |
| Державянство | югославянске, словенске |
| Спорт | Спортска ґимнастика |
| Шаблон:MedalGold 1964 | Конь з ручками |
| Шветово першенства | |
| Шаблон:MedalGold 1962 | Конь з ручками |
| Европски першенства | |
| Шаблон:MedalGold 1961 | Вецейбой |
Мирослав Церар (ст.) (познати як Миро Церар), словенски и югославянски ґимнастичар, олимпийски побиднїк, адвокат.
Биоґрафия
[ушориц | ушор жридло]Мирослав Церар народзени у Любляни 28. октобра 1939. року. Церарова медзинародна кариєра почала 1958. року кед на Шветовим купу у Москви на коню зоз ручками освоєл бронзову медалю. На Олимпийских бавискох 1960. року у Риме Церар зоз югославянским ґимнастичним тимом завжал осме и дзевяте место. Самостойо ше змагал лєм на вратилу дзе завжал пияте место.
На Европским першенстве 1961. року, хторе отримане у Луксембурґу, вон освоєл штири златни медалї: у вишебою, на коню зоз ручками, на карикох и на разбою, а бронзову медалю освоєл у прескоку. На Шветовим купу 1962. року, хтори отримани у Праги, вон освоєл злато на вратилу и на коню зоз ручками, бул опрез Бориса Шахлина (Шахлин, Борис Анфиянович). На Европским першенстве у Беоґрадзе хторе отримане 1963. року Церар освоєл аж шейсц медалї, штири златни и по єдну стриберну и бронзову. На Олимпийских бавискох хтори отримани 1964. року освоєл два медалї, єдну златну и єдну бронзову и шесте место на вратилу.
На Европским першенстве 1965. року отриманим у Антверпену, вон освоєл злато на разбою, стрибло на коню зоз ручками и бронзу на карикох. У медзичаше Церар освоєл златну медалю на Шветовим купу 1966. року, хтори отримани у Дортмунду, у змаганю на коню зоз ручками и бронзу на разбою.
На Олимпийских бавискох отриманих 1968. року у Мексико Ситию, у тимскей часци зоз югославянску репрезентацию завжл 6. место, а поєдинєчно вон ознова освоєл злато на коню зоз ручками.
Шлїдуюцого, 1969. року Церар ознова освоєл злато на Европским першенстве, а на Шветовим першенстве 1970. року, хторе отримане у Люблюни, Церар по треци раз освоєл злато и титулу шветового шампиона на коню зоз ручками.
Мирослав Церар свою активну ґимнастичарску кариєру закончел 1971. року после повреди хтору дожил на змаганю у Япону.
Церар, спрам словох Леона Штукеля, найуспишнєйши словенски ґимнастичар и єден з найуспишнєйших словенских спортистох шицких часох.
Миро Церар бул оженєти зоз адвокатку Зденку (1941–2013).
Приватно, Церар закончел студиї права и робел як адвокат. Окончовал почесни длужносци у Югославянским спортским комитету. Бул перши предсидатель Словенского олимпийского комитета, а потим бул предсидатель Словенскей олимпийскей академиї.
Церар бул виберани за Югославянского спортисту рока три раз 1961, 1963. и 1964. року. У 1999. року Церар достал почесне место у Интернационалней хижи славних за ґимнастику.[1]1
Литература
[ушориц | ушор жридло]- Volker Kluge (1998). Olympische Sommerspiele. Die Chronik II. ISBN 978-3-328-00740-1. Berlin.
- Volker Kluge (2000). Olympische Sommerspiele. Die Chronik III. ISBN 978-3-328-00741-8. Berlin.
- Peter Matthews, Ian Buchanan, Bill Mallon (1993). The Guinness International Who's Who of Sport. ISBN 978-0-85112-980-8.. Enfield.
Референци
[ушориц | ушор жридло]- ↑ „Miroslav Cerar”. International Gymnastics Hall of Fame.