Мини Маус
| Мини Маус | |
|---|---|
 | |
| Основни информациї | |
| Други мена | Минерва Маус |
| Партнер | Мики Маус |
| Фамелия | Маркус Маус (оцец)
панї Маус (мац) Милтон Маус (бачи) Маршал Маус (дїдо) Матилда Маус (баба) Мортимер Маус (бачи) |
| Родзина | Мили Маус (шестренїца)
Мелоди Маус (шестренїца) |
| Податки о подоби | |
| Файта | миша |
| Род | женски |
| Податки о креациї | |
| Перше прик. | Steamboat Willie (1928) |
| Видумал | Волт Дизни |
| Свой глас давали | Волт Дизни (1928–1929)
Марджори Ралстон (1929) Марселита Ґарнер (1930–1939) Телма Боардман (1938–1942) Рут Клифорд (1944–1952) Дженет Валдо (1974) Руси Тейлор (1986–2019) Кейтлин Роброк (2019–нєшка) Нада Блам Єлена Дьордєвич Попович Йована Цавнич |
Мини Маус (анґ. Minnie Mouse ) то популарнa подоба зоз рисованих филмох Волт Дизни компаниї. Створели ю 1928. року, вєдно зоз Мики Маусом, Волт Дизни и Аб Айверкс. У стрипу The Gleam 1942. року одкрите єй полне мено – Минерва Маус, котре ше ридко кеди хаснує и вообще спомина.
Фамелия и товарише
[ушориц | ушор жридло]У стрипу Mr. Slicker and the Egg Robbers представени єй родичи - оцец Маркус Маус и мац чийо мено нє спомнуте. Обидвойо фармере. Тиж так ма бачика (або шовґра) Милтона, бабу Матилду и дїда Маршала Мауса, котри ше барз ридко споминаю. Єй найпознатши родзини то други бачи (або шовґор) Мортимер и Минийово шестренїци двойнята Мили и Мелоди.
У векшини случайох, Мини представена як Мики Маусова дзивка, найлєпша пайташка Пати Патак, як и Шильова и Пайова добра товаришка, котри тиж так главни подоби франшизи котра означела живот и творенє Волта Дизния.
История
[ушориц | ушор жридло]Мики Маус створени як надополнєнє за предходну гвизду Волта Дизния - заяца Освалда (котри барз здабал на Микия). Медзитим, творец похопел же Мики нє може буц нова гвизда сам. Же би мал нагоду (часто нєсхопно и франтуюцо) флертовац , створена Мини Маус, надополнєнє за шицки Освалдово любовни интереси. Мини представя надополнєнє за паночку Котонтейл, Фани и другим женским подобом зоз сериї заяца Освалда.
Минов способ облєканя дизайновани як при дзивкох флаперкох. Єй главни шмати то сукня флаперка на точки и попод єй долнї шмати кникерс. Обачлїви и єй ципели, превельки ципели на запетку углавним жовтей фарби. З часом, Минов випатрунок постава досц конзервативни, окреме 1940-их и 1950-их. Мини по нєшка скоро вше облєчена до целовей лєбо червеней сукнї, док ше, у скорейших приказованьох могла видзиц же є облєчена до шицких комбинацийох белавей, чарней и желєней фарби.
Єй главни характеристики то же є сладка, розбавена, музикова и заводлїва.
Мини Маус свойо перше приказованє витворела у шейсцминутовим чарно-билим рисованим филму Plane Crazy 1928. року. У нїм, Мини поволана же би ше приключела Микийови на його першим лєту. Вона прилапює понуканє, за розлику од понуканя же би го побочкала при полєцованю. Мини на концу була примушена го побочкац, алє то резултує зоз єй наглим скаканьом зоз авиона зоз падобраном.
Уж у першим филму утвердзене же ше Мини и Мики познаю од скорей. Шлїдующи филм то The Gallopin' Gaucho. Мини занята у бар ресторану Кантина Арґентина у Арґентини. Вона танцує танґо за ґауча Микия и криминалца Дабу. Обидвоме флертию зоз ню на єй наступу. Интересантне же у тим рисовани филму випатрало же да ше Даба, Мики и Мини нє познаю.
У и нєшка популарним и препознатлївим трецим филму Парна ладя Вили находзи ше першобутна дефиниция Микийового, Минийового и Дабового випатрунка и характеру. Даба бул капитан парней ладї, Мики часц посади, а Мина була їх єдини путнїк.
филму The Picnic 1930. року Мини представя Микийови свойого любимца пса Ровера. То уствари Плутон хтори витворює свойо перше зявйованє. Нєшка, у велїх епизодох Микийовим бавилїщу и Mickey`s RoadsterRacers мож видзиц як Мини ма маче Фиґаро, котре ше премиєрно зявює у рисованим филму Пинокио.
У другей половки 1930-их Мини ше нє так часто зявйовала у Микийових филмох, лєм пре уводзенє його нових пайташох – Шилї, Паї Патка и Плутона. Тоти подоби менєй-вецей завжали Миново место. Єй зявйованє ше досц зменшали, медзитим мала вецей главни улоги у рисованих филмох о Плутонови и Фиґарови 1940-их. Мини ше врацела до главней постановки 1980-их у филму Mickey`s Christmas Carol 1983. року. Пейц роки познєйше, 1988. року, достала насловну улогу у особним филму Totally Minnie.
У Mickey Mouse Works (1999–2000) конєчно ше зявює у власних сеґментох. Була главна у сеґментох Maestro Minnie, дзе ше видзи як дириґує зоз оркестром. У сериї Микийов клуб водзи Микийов ноцни клуб. Поряднє ше зявйовала у анимираней сериї Микийово бавилїще, а мала насловну улогу у краткометражним спин-оф рисованим филму Minnie`s Bow-Toons дзе ма зоз Патом бутик. Хвильково ше зявює у найновшей анимираней сериї Mickey`s Roadster Racers , як и у окремним єй сеґменту хтори ше зявює на концу епизоди - Minnie`s Happy Helpers.
Мини Маус ше вшадзи зявює лєм у виданю поробеним у 3Д технїки.
Мини Маус 22. януара 2018. року достала свою гвизду на Голивудскей драги познатих.
Зявйованя
[ушориц | ушор жридло]Кратки филми
[ушориц | ушор жридло]| Steamboat Willie (1928)
The Galloping Gaucho (1928) The Barn Dance (1929) Plane Crazy (1929) When the Cat's Away (1929) The Plow Boy (1929) The Karnival Kid (1929) Mickey's Follies (1929) Mickey's Choo-Choo (1929) Wild Waves (1929) The Cactus Kid (1930) The Fire Fighters (1930) The Shindig (1930) The Gorilla Mystery (1930) The Picnic (1930) Pioneer Days (1930) The Birthday Party (1931) Traffic Troubles (1931) The Delivery Boy (1931) Mickey Steps Out (1931) Blue Rhythm (1931) The Barnyard Broadcast (1931) The Beach Party (1931) |
Mickey Cuts Up (1931)
Mickey's Orphans (1931) The Grocery Boy (1932) Barnyard Olympics (1932) Mickey's Revue (1932) Musical Farmer (1932) Mickey in Arabia (1932) Mickey's Nightmare (1932) The Whoopee Party (1932) Touchdown Mickey (1932) The Wayward Canary (1932) The Klondike Kid (1932) Building a Building (1933) Mickey's Pal Pluto (1933) Mickey's Mellerdrammer (1933) Ye Olden Days (1933) The Mail Pilot (1933) Mickey's Mechanical Man (1933) Mickey's Gala Premier (1933) Puppy Love (1933) The Steeplechase (1933) The Pet Store (1933) Shanghaied (1934) |
Camping Out (1934)
Mickey's Steamroller (1934) Two-Gun Mickey (1934) On Ice (1935) Mickey's Rival (1936) Hawaiian Holiday (1937) Boat Builders (1938) Brave Little Tailor (1938) Mickey's Surprise Party (1939, у краткој реклами) The Little Whirlwind (1941) The Nifty Nineties (1941) Mickey's Birthday Party (1942) First Aiders (1944, у Плутоновом шорту) Bath Day (1946, у Фигаровом шорту) Figaro and Frankie (1947, у Фигаровом шорту) Mickey's Delayed Date (1947) Pluto's Sweater (1949, у Плутоновом шорту) Pluto and the Gopher (1950, у Плутоновом шорту) Crazy Over Daisy (1950, камео појава) Pluto's Christmas Tree (1952) Mickey's Christmas Carol (1983, без дијалога) Runaway Brain (1995) Get a Horse! (2013) |
Телевизийни зявйованя
[ушориц | ушор жридло]- he Mickey Mouse Club (1955–1959; 1977–1979; 1989–1994)
- Mickey Mouse Works (1999–2000)
- House of Mouse (2001–2003)
- Mickey Mouse Clubhouse (2006–2016)
- Minnie's Bow-Toons (2011–нєшка)
- Mickey Mouse (2013–нєшка)
- Mickey and the Roadster Racers (2017–нєшка)
Свой глас давали
[ушориц | ушор жридло]У периодзе од 1928. по 1929. Минов глас давал єй творитель Волт Дизни. Марджори Ралстон, тринаста Дизнийова роботнїца, пожичела глас Мини у кратким филму Wild Waves 1929. року, алє после того престала прето же була ганьблїва. Од 1930. до 1939. року Мини глас давала Марселита Ґарнер. Телма Боардман пожичела глас Мини у радио програми The Mickey Mouse Theater of the Air у периодзе од 1941. по 1942. рок. После Телми, од 1942. по 1952. Мини синхронизовала Рут Клифорд. Дженет Валдо була Мини 1974. року, по потреби Дизнилендового албума An Adaptation of Dickens` Christmas Carol, Performed by The Walt Disney Players. По 1986. рок, Мини нє мала глас у диялоґох, кед єй живот удихла Руси Тейлор. Руси ище и нєшка дава глас Мини Маус. Єй покойни супруг, Вайли Алвин, пожичовал глас Микийови од 1977. року по шмерц 2009. року.
У Сербиї постоя три синхронизациї. Перша синхронизация Радио-телевизия Беоґрад зоз 1980-их, згорела после НАТО бомбардованя будинку РТС-а 1999. року. Нада Блам пожичела глас Мини у тей синхронизациї. У периодзе од 2006. по 2013. рок студио Лаудворкс робел Мики Маус синхронизациї за Радио-телевизию Сербиї. Теди глас Мини пожичела Єлена Дьордєвич Попович. РТС вецей нє мал Дизнийову лиценцу од 2013. року, так же Мики Маус синхронизациї на даяки час престали. Истого року, Єлена ше врацела як Мини у биоскопскей синхронизациї краткого рисованого филма Get a Horse! (Лапай коня!). Вєшенї 2016. року Хепи ТВ почала емитованє Дизни змистох. Синхронизациї робела сама телевизия. Сихронизовали Микийово бавилїще, котре пред 2010. роком синхронизовал студио Лаудворкс. Глас Мини пожичела Йована Цавнич.
Вонкашнї вязи
[ушориц | ушор жридло]- Мини Маус на сайту IMDb (на язику: анґлийски)