Миломир Шайтош
| Миломир Шайтош | |
|---|---|
 | |
| Датум народзеня | 6. юния 1960. |
| Датум упокоєня | 20. юлия 2025. |
| Державянство | югославянске, сербске |
| Язик творох | руски, сербски |
| Школа | Нїзша и штредня музична школа, Нови Сад |
| Период твореня | 1977-2020. |
| Жанри | програмерство, хореоґрафия, активизем у култури |
| Поховани | у Новим Садзе |
Миломир Шайтош (* 6. юний 1960 - † 20. юлий 2025), длугорочни културни дїяч и активиста, предсидатель Управного одбору Дружтва Руснацох Нового Саду – Войводини, длугорочни член и хореоґраф Руского културного центра и програмер.
Биоґрафия
[ушориц | ушор жридло]Миломир Шайтош, народзени 6. юния 1960. року у Новим Садзе. Оцец Любомир и мац Евґения родз. Ковач. Миломир мал младшу шестру Миряну. Фахове музичне образованє здобул у Нїзшей - основней и Штреднєй музичней школи Исидор Баїч у Новим Садзе, як и на новосадскей Академиї уметносцох дзе му єден од професорох бул и Иван Ковач.
У Радио Новим Садзе з претаргнуцами робел од 1977. по 1986. рок перше гонорарно ище як штредньошколєц, познєйше и як стаємно заняти сотруднїк, a вец и як редактор. Робел на музичних емисийох як цо то Одгуки з ровнїни и Мелодром.
Вишколовал ше за програмера, та у тим фаху робел перше у самостойней аґенциї Compy Soft, a познєйше у компанийох як цо то JUGOINSPEKT и Електровойводина одкаль и пошол до пензиї.
Миломир Шайтош бул у малженстве зоз Наташу родз. Рускаї, вони мали два дзивки, Настасю и Татяну.
Хореоґрафска кариєра
[ушориц | ушор жридло]Од 1968. року по 1986. рок, як член КУД-а Максим Горки зоз Нового Саду, прешол шицки розвойни етапи фолкорного танєчнїка. На препорученє визначного професийного хореоґрафа Миодраґа Цветковича Баньца, участвовал на шицких 8 семестрох за фахове оспособйованє кадрох у обласци танєчно-фолклорней творчосци зоз окремним акцентом на виучованє историї танцох, народних костимох (ношнї/облєчива) и сценскей примени танцох.
Од 2003. року бул стаємни хореоґраф у РКЦ з Нового Саду, а у двох сезонох и хореоґраф у КПД Дюра Киш зоз Шиду. Поставел коло 15 авторски хореоґрафиї. Написал даскельо статї зоз обласци руского фолклору и фолклористики од хторих єдна обявена у предлуженьох у Руским слове, а єдна у мултилатералним проєкту Русини/Руснаци/Ruthenians.
Перше як член, а потим и як предсидатель Конґресней комисиї за културу Шветового Конґреса РРЛ, сотрудзовал зоз хореоґрафами визначних руских фолклорних ансамблох Горнїци. Длугорочне окремне сотруднїцтво зоз найвизначнєйшим руским фолклористом, етнолоґом и етномузиколоґом Иваном Чизмаром зоз Словацкей резултовало зоз уключованьом до пан-руского/русинского/лемковского проєкту твореня зборнїку-енциклопедиї руского/русинского/лемковского народного облєчива-ношнї цалого ареалу дзе жиє руски народ.
Влада АП Войводини го 2017. року меновала на функцию предсидателя Управного одбору Заводу за културу войводянских Руснацох и у тим периодзе участвовал у намаганьох же би Завод за културу войводянских Руснацох достал нови просториї у Улїци Матици Сербскей у Новим Садзе.
Бул член Совиту за национални меншини и член Совиту за младих городу Нового Саду. Тиж так, бул у даскелїх мандатох член Националного совиту Руснацох.
Миломир Шайтош бул заменїк предсидателя Рускей матки и предсидатель Новосадского городского одбору Рускей матки.
Як предсидатель Управного одбору Дружтва Руснацох Нового Саду – Войводини, участвовал у снованю фестивалу Малих сценских формох у Новим Садзе, фестивалу руских оркестрох Мелодиї Руского двору у Шидзе и фестивалу Русин Филм фест тиж так у Шидзе.
Бул и член актуалного зволаня Управного одбору Дружтва Руснацох Нового Саду –Войводини.
Вон цалого живота бул, у рамикох рускей култури и националносци, русински опредзелєни, почитовал и потримовал рускосц як основу еґзистенциї Руснацох у Войводини.
Миломир Шайтош ше упокоєл 20. юлия 2025. року. Поховани є на теметове у Новим Садзе.
| Танци хтори поставел Миломир Шайтош | ||
|---|---|---|
| Рок | Танєц | КУД |
| 2004 | Волинянка | РКЦ, Нови Сад |
| 2004 | Дзивоцки танєц | " |
| 2005 | На долїни парада | " |
| 2005 | Руски танци | " |
| 2005 | Я милому пирко дам | " |
| 2006 | По Земплински | " |
| 2006 | https://www.youtube.com/watch?v=NapJbDAqQug&pp=ygUPS296YWNrYSByb3p2YWhh0gcJCZEKAYcqIYzv Козацка розвага | " |
| 2007 | Коломийка | " |
| 2007 | https://www.youtube.com/watch?v=dEUz-Ym_Nl4&pp=ygUNU2FyaXNrYSBwb2xrYQ%3D%3D Шаришска полка | " |
| 2009 | https://www.youtube.com/watch?v=phJDy-t2j9A&list=RDphJDy-t2j9A Циґански танци | КПД Дюра Киш, Шид |
| 2010 | https://www.youtube.com/watch?v=dxz0hCXbJNI Фляшкови танєц | " |
| 2012 | https://www.youtube.com/watch?v=adHtES67n1Y Старогородски танци | РКЦ, Нови Сад |
| 2013 | https://www.youtube.com/watch?v=0uCDyuOUbjs&list=RD0uCDyuOUbjs&start_radio=1 Фляшкови танєц | " |
| 2014 | https://www.youtube.com/watch?v=hbmss8OFC5Y&pp=ygUSVkFSRcWgS09WSSBUQU5KRUMg Варешкови танєц | " |
| 2016 | https://www.youtube.com/watch?v=VlpY-KoLdfQ&pp=ygUiUnVza2kgemVuc2tpIHRhbmplYyB6b3ogTWFyYW1vcmVzdQ%3D%3D Руски женски танєц зоз Марамурешу | " |
| 2018 | https://www.youtube.com/watch?v=OnDu2K6xPSo&list=RDOnDu2K6xPSo&start_radio=1 Фляшкови танєц (женска верзия) | " |
| 2019 | https://www.youtube.com/watch?v=wgZn1Rw77MI По Земплински (женска верзия) | " |
| 2019 | https://youtu.be/99f5fKaEVQs?t=2315 Сиртаки | " |
Литература
[ушориц | ушор жридло]- Миломир Шайтош (1960–2025), Руске слово, чис. 30, Нови Сад, 25. юлий 2025, б. 17.
Вонкашнї вязи
[ушориц | ушор жридло]- Зам, Шайтош вибрани до Совиту за медзинационални одношеня, Рутенпрес, 3. октобер 2017.
- Зам, Ришеня о розришеню и менованю нового Управного одбору Заводу за културу войводянских Руснацох, Рутенпрес, 20. юний 2017.
- https://www.rtv.rs/sr_lat/vojvodina/srem/odrzan-rusin-film-fest-u-sidu_860828.html Održan "Rusin film fest" U Šidu, Рутенпрес, 9. октобар 2017.
- https://www.dnevnik.rs/vojvodina/podrska-za-tri-rusinska-drustva Подршка за три русинска друштва, Дневник, 2. август 2015.
- Богдан Ґамбаль, https://www.lem.fm/milomir-shaytosh-rusnak-yuvilyat/ Миломір Шайтош – Руснак, ювілят, lem.fm, 6. юний 2015.
- https://www.rusyn.sk/rezolucia-delegativ-xi-svitovoho-kongresu-rusiniv-rusnakiv-lemkiv/ Rezolucia delegativ XI. Svitovoho kongresu Rusiniv/ Rusnakiv/ Lemkiv, Rusyn.sk, 29.06. 2011.
- Peter Medviď, https://www.rusyn.sk/rusini-zasadali-vo-svidniku-na-kandidujucich-vo-volbach-do-vuc-budu-mat-svoje-poziadavky/ Rusíni zasadali vo Svidníku. Na kandidujúcich vo voľbách do VÚC budú mať svoje požiadavky, Rusyn.sk, 25. 05. 2013.
- https://druztvo.org/ruski/cleni/index02.htm Члени Дружтва за руски язик, литературу и културу: Миломир Шайтош под числом 441, вебсайт Дружтва за руски язик, литературу и културу.
- https://www.facebook.com/cscompysoft Šajtoš Milomir Biznis, ФБ боки
- Д. Сабо/В. Вуячич, Упокоєл ше Миломир Шайтош (1960–2025), Рутенпрес, ruskeslovo.com, 21. юлий 2025