Мех за спанє
Мех за спанє то защитни мех у хторим особа може спац исто як и у посцелї. Його основна наменка оможлївиц цеплоту и изолацию, при чим до одредзеней мири щици и од витру, атмосферских паданьох и скрива особу од поглядох. Долня – основна часц меха за спанє направена углавним так же би ублажовала нєприємносц (кед нєровне) на жеми, або ше за ище векше ублажованє комбинує зоз подлогу направену за тоту наменку.
Шатор по шицких аспектох лагодносци и защити лєпши як мех за спанє, з тим же шатор векши и чежши, та и нєзґрапни за ношенє. Мех за спанє мож хасновац зоз комбинацию шатра, прето же нє препущує воду хтора може пречуриц у цеку даякей нєпогоди.
Випатрунок меха за спанє
[ушориц | ушор жридло]Мех за спанє ма правоуглову форму и капча ше на цибзар. Таки мех за спанє вигодни за одпочивок у условийох кампованя, хтори нє вязани за вельки пременки и стабилносц хвилї. Мех за спанє тей файти може ше одкапчац и хасновац як покровец. Мех за спанє у форми трапеза зужує ше на дну, а тиж ма и капулячу хтора пристава коло глави. Цибзар ше звичайно нє одкапчує по дно меха.
Мех за спанє зоз пиря вигоднєйши за даєдни файти спорта: чежше горяцство, за пендранє на вельки висоти, арктични експедициї и жимске горяцство, прето же забера менєй простору и лєпше затримує цеплоту, алє є чежши за продукцию. Жимски мехи за спанє дизайновани так же можу витримац температуру и до −30°C. Тиж можу буц наполнєти зоз пирйом лєбо синтетичним материялом. Нє чежки су, маю коло 0.5 kg.
Материяли за мехи за спанє
[ушориц | ушор жридло]Мехи за спанє ше розликую по рижнородносци изолацийного материяла. Главна изолация меха за спанє то пирє и синтетични материяли.
● Пирйови мех за спанє найлєпше затримує цеплоту, упива влагу, слабше ше суши и пирє почина буц нє квалитетне кед є мокре (збива ше) алє є вельо лєгчейше од синтетичних материялох. Пирє у меху за спанє нє треба же би ше збивало, медзи иншим, вше ше муши почитовац правилну розмиру компонентох же би полнєнє було одвитуюцого квалитету.
● Синтетични мех за спанє упива влагу, лєгчейше ше суши и швидше ше враца до своєй форми, забера менєй простору кед ше го посклада. Таки мехи кед су розпаковани-розцагнути за спанє маю димензиї коло 210 х 65 цм а зложени су вельо менши.
Термично-изолацийни прикмети розличних синтетичних материялох варирую, а модерни синтетични мехи за спанє можу затримац цеплоту исто так як и мех за спанє зоз пиря.
Вонкашня вяза
[ушориц | ушор жридло]- Що варто знати про зимові спальники, www.gorgany.com
- Ross Milar, A short history of sleeping bags., Wilderness, 11 juin 2011 lire en ligne [archive])
- Hispar 1200 Down Sleeping Bag[archive, sur phdesigns.co.uk (consulté le 20 janvier 2010)
