Металофон

Металофон (множ. металофони) то назва за ґрупу удерних инструментох зоз одредзеним звуком, а звук ше достава прейґ еластичного металного цела.То музични инструмент хтори подобни инструменту вибрафон. Розликує ше од вибрафона по тим же нє ма векшу вибрируюцу резонанцу. Резонатор направени зоз древа у форми шкатули на хторей лєжа мали метални плочочки.

Конструкция металофона

Мали првоугли плочасти - метални ,,цела'' риозличного дизайна поставени на древени лєбо метални рамик (як шкатулка). Метални цела (плочочки) розпоредзени по принципу клавирских типкох (по диятонским або хроматским шоре). Односно од найнїзшого тoна (найчастейше од тона c¹) ґу висшим тоном по c² або и висше завиши од велькосци рама шкатулки. Металофон направени и прилагодзени так же ма найчастейше розподзелєни тони лєм єдней октави по єдну и пол октаву. Металофон витримовни инструмент а завиши од материяла з хторого направени метални плочи.

Доставанє звука

Доставанє звука на металофону

Звук настава зоз вдереньом млаточка - малей палїчки хтора ма єдну древену ,,кульку'' - млаточок притвердзени на верху палїчки.^[1] Зоз вдереньом малого млаточка „кульки” по металней малей поверхносци ,,плочoчки - цела” достава ше оштрейши звук, хтори дзвинї (дзвиняци звук), металного тембра, часто описани як „чаривни, сказкови” звук.^[2] Таки „сказкови” и дзвоняци звук популарни у оркестрох (окреме дзецинких малих оркестрох). Окреме є подобни як инструмент за нотне подучованє дзецох засноване и на интуитивним принципу граня, подобно як на клавиру.

Хаснованє металофона

Металофон ше хаснує за дзецинске музикованє у составе такв. дзецинского Орфового инструментариюма. Хаснує ше у оркестрох, за музични розвой дзецох и початне ученє музики. Постоя дзецински (часто у фарбох) и професийни модели металофонох хтори найчастейше хроматски наштимовани.

У музики 20. вику таки диятонски наштимовани металофони зоз єдну и пол октаву ше хасную углавним у основних школох. Найчастейше, перши пробованя граня школярох то праве на металофону.

• Карл Орф (анґл. композитор) хасновал диятонски металофони у даскелїх своїх дїлох, уключуюци и свой педаґоґийни Шулверк.

• Металофони зоз микротоналним штимованьом похасновани у Плеядох Яниса Ксенакиса и у музики Хария Партча.

Класификация

Металофони направени зоз металу и спадаю до подґрупи по Хорнбостел-Саксовей катеґориї 111.22, и спадаю до подґрупи перкусийних идиофоних инструментох.^[3]

Зродни инструменти пред'ґрупи металофонох постояли: челеста, вибрафон/карильон, челеста, дзвони и други удерни инструменти зоз металнима елементами. Прето металофон припада ґрупи як часц тих зложених инструментох.^[4]

Литература

James Blades: Metallophone. In: Grove Music Online, 2001.
Модр А. Колокольчики // Музыкальные инструменты = Modr A. Hudební nástroje / Перевод с чешского Л.А. Александровой с третьего издания 1954 года. — М.: МузГИз, 1959. — С. 183—184. — 267 с.

Вонкашнї вязи

Шта је металофон и како га одабрати? fashionhub-sr.decorexpro
Музичні інструменти "Металофон" youtube.com (язик: українски )
Металофон youtube.com

Референци

↑ Holland, James (2003) Practical Percussion: A Guide to the Instruments and Their Sources Lanham, Maryland, US: Scarecrow Press. p. 35. ISBN 978-0-8108-5658-5.] muzline.ua
↑ Чарівний звук металофона.
↑ Curt Sachs, 1965, S. 21
↑ "Celesta", The New Grove Dictionary of Jazz, second edition, edited by Barry Kernfeld (London, 2002).

[1] Holland, James (2003) Practical Percussion: A Guide to the Instruments and Their Sources Lanham, Maryland, US: Scarecrow Press. p. 35. ISBN 978-0-8108-5658-5.] muzline.ua

[2] Чарівний звук металофона.

[3] Curt Sachs, 1965, S. 21

[4] "Celesta", The New Grove Dictionary of Jazz, second edition, edited by Barry Kernfeld (London, 2002).

[1]

[2]

[3]

[4]