Менарха

Длугорочни тренд ґу младшому возросту и менархи при дзивчатох зоз Заходней Европи и Сиверней Америки

Менарха (од старогреческого μην (мен) „мешац” и αρχη (архе) „початок”) то перши менструални циклус, або перше менструалне кирвавенє. Зоз медицинского и дружтвеного становиска, часто ше дума же то централне случованє женского пубертету, прето же сиґнализує можлївосц плодносци.

Дзивчата доживюю менарху у розличних рокох. Менарха хтора ше зявює медзи 9. и 16. роком нормална. На час менархи уплївує биолоґия жени, як и ґенетични фактори и фактори животного штредку, окреме фактори костираня. Штредня старосц менархи опадла у прешлим вику, алє велькосц опадованя и фактори хтори одвичательни за тото оставаю предмет спору.

Штредню старосц менархи у швеце барз чежко точно преценїц и вона барз варирує у зависносци од ґеоґрафского реґиону, раси, етнїчней припадносци и других характеристикох. Єст познєйша старосц у азийскей популациї у поровнованю зоз заходну.

Физиолоґия

Пубертет

Менарха то кулминация шлїду физиолоґийних и анатомских процесох пубертету:

● Посцигованє достаточней тїлесней маси (углавним 17% тїлесней маси)

● Дезингибиция ґенераторох ГнРХ импулсох у аркуатним ядре гипоталамусу.

● Лученє естроґену зоз ваєчнїкох як одвит на гормони гипофизи.

● У интервалу од коло 2 до 3 роки, естроґен стимулує роснуце плоднїци (як и роснуце до висини, роснуце першох, преширйованє карлїци и звекшованє реґионалней масней тканї).

● Естроґен стимулує роснуце и васкуларносц ендометриюму, шлїжацей скорочки плоднїци.

● Флуктациї уровню гормонох можу привесц до пременки адекватносци подмирйованя з креву часцох ендометриюму.

● Одумеранє даякей тканї ендометриюму од тих гормонох або флуктацийох у подмирйованю з креву приводза до дедуцациї, оддвойованя часци шлїжацей скорочки зоз прецеком креви зоз ваґини.

● Нє познати специфични гормонални сиґнал за менарху; дума ше же менарха як дискретне случованє релативно случайни резултат поступного загрубнуца ендометриюму хторе спричинєне зоз роснуцом, алє флуктуюцим пубертетским естроґеном.

● Початни цек менархи углавним блядши од дозретого менструалного цеку. Часто є нєдостаточни у количестве и може буц барз кратки, аж и єден приклад „Менструум, або прецек, состої ше зоз комбинациї швижей и стиднутей креви зоз тканьом ендометриюму, шпляхом”. Як и други менструациї, менарха тиж може буц провадзена зоз корчами у бруху.

Значносц

Зоз становиска медицини и социологиї, менарха централне збуванє у женским сексуалним розвою, хторе значи указує на способносц цела же може оствариц ваготносц.