Маїца
Маїца часц облєчива хторе ше ноши на горнєй часци цела, закрива торзо. Вирез маїци може буц округли лєбо у форми латинїчней букви V. Маїци звичайно нє маю ґомбички, ґалєр анї кишенки, можу буц зоз краткима або длугокима рукавами. Маїци, як и кажде друге облєчиво, доступни дзецом, хлопом и женом. Маїца ше здзива прейґ глави, часц є облєчива хторе ше першобутно ношело як споднє облєчиво, алє ше познєйше почало хасновац як горнє облєчиво.
У основи маїца ма форму подобну як кошуля зоз краткима рукавами, без огляду же постоя и маїци зоз длугокима рукавами. Маїца менєй формална файта облєчива як кошуля. Маїци звичайно виробени зоз памуку, синтетичних платнох, волни. Часто су украшени зоз даяким написаним текстом або мустру. У даєдних исламским жемох женом нє дошлєбодзене ношиц маїцу у явносци.
История
[ушориц | ушор жридло]Перши облєчива подобни маїцом зявели ше у другей половки 19. вику, кед их рударе хасновали ефикасно ше защициц од праху и цеплоти. Права маїца, яку нєшка познаме, зявела ше 1898. року дзекуюци америцкому войску.[1]
Починаюци зоз масовну продукцию за морякох, маїца швидко постала популарна як споднє облєчиво. После Другей Шветовей войни постала самостойни елемент ґардероби и почало ше ю хасновац як горнє облєчиво. Така оможлївела лагодносц облєканя при чежких физичних роботох, поготов кед горучави. Права, масовна заинтересованосц за маїци почала 1942. року, кед ше фотоґрафия вояка у билей маїци зоз друковану сличку зявела на насловним боку часописа Life.[2][3] После того, маїци постали популарни як средство предвиберанковей кампанї и рекламованє. Филми Трамвай волани жаданє (1951) и Буновнїк (1955) допринєсли популарносци маїцом як горнього облєчива. 60-их рокох прешлого вику маїци зоз технїку тай-дай фарбу, повязани зоз етнїчним стилом и хипи рухом, постали модне зявенє, а то допринєсло дальшому ширеню того облєчива - тей файти ґардероби.[4]
Зоз можлївосцу друкованя по нїх, маїци постали популарни и рекламни медиюми за политичарох и орґанизациї. 90-их рокох, класц лоґотипи компанийох и рекламни надписи на маїци постало модерни тренд.
Материял
[ушориц | ушор жридло]За виробок маїцох хасную ше рижни файти лєгких тканих платнох
(памук, мишанїни памука, (зоз еластином, полиестером), вискоза, вискоза зоз еластином, чисти полиестер). Густосц платна варирує од 110 до 260 ґ/м².
Технолоґия шица
[ушориц | ушор жридло]Водзацу улогу у технолоґиї шица маїцох ма схопносц роботи зоз штриканим-еластичним материялом: правилне штриганє/кроєнє платна
(по длужини), шице рукавох, повага на нацагованє платна и же би шє нє ,,зберало”, нє зцаговало [5]; коло дзирох за руки и коло шиї. Важне тиж хаснованє одвитуюцих цвернох за шице хтори оможлївюю умерене и благе розцагованє при шицу.
За шице маїцох, як и за ткв. дуксери хасную ше три файти машини за шице:
• оверлок (за єднаке орезованє бокох – рубцох на платну и источасне орубйованє и шице),
• ибердек машина зоз ровну иглу, лєбо двома (за обробку порубох и рубцох коло шиї и рукавох),
• машина зоз єдну иглу (за нїжни обробок дзири коло шиї) (машина цо штепа, лєм ровно шиє - штепарка). Методи друкованя мустрох, односно сличкох,
• Найчастейша метода друкованя дизайна на маїци то ткв. сито друкованє зоз рижнороднима файтами фарбох (вода и пластисол) зоз рижнима ефектами).[6]
• Машинске вишиванє (зоз вискознима або полиестернима цвернами) тиж популарне.
• Пришиванє рижних елеменатох зоз платна. Сублимация идеална за друкованє сличкох на маїци зоз полиестера. За памучни и синтетични платна у индустриї ше хаснує шлїдуюци методи:
• сито друкованє,
• термо друкованє (термотрансфер),• директне диґиталне друкованє,
• флокиранє,
• вишиванє (ручне або машинске),
Обласц хаснованя
[ушориц | ушор жридло]Маїци єдна зоз найшлєбоднєйших файтох облєчива, у каждодьньовим живоце дзецох и одроснутих, богатих и худобнєйших, хлопох и женох, шицки их ноша. Розликую ше по квалитету и цени, дизайну.[7][8]
Класификация
[ушориц | ушор жридло]
По длужини рукавох:
• без рукавох
• зоз краткима рукавами
• зоз триштварцинскима рукавами
• зоз длугокима рукавами
• зоз раґлан рукавами
• По форми коло шиї:
• округли вирез
• V вирез
• Италиянски вирез (вирез на чамец)
По велькосци:
• Европски
• Русийски
• Китайски
Маїци у маркетинґу
[ушориц | ушор жридло]Пре свою популарносц, маїци ше часто хаснує за реклами наменки, праве пре вигодносц за друкованє сличкох на нїх, уключуюци лоґотипи компанийох або надписи.
Вонкашнї вязи
[ушориц | ушор жридло]• Мајица, т. 18в(1), Правопис српскога језика, Матица српска, Нови Сад. 2010. ISBN 978-86-7946-079-0. стр. 364.
Референци
[ушориц | ушор жридло]- ↑ Історія футболки SINGLEPRINT (рос.). 21 квітня 2017. Процитовано 3 травня 2024.
- ↑ Inc, Time (13 липня 1942). LIFE (анґл.). Time Inc.
- ↑ History of the T-shirt During WW2 Історія футболки під час Другої світової війни. www.90thidpg.us (англ.). Процитовано 3 травня 2024.
- ↑ History of Tie-Dye. iml.jou.ufl.edu. Архів оригіналу за 27 вересня 2013. Архівовано 2013-09-27 у Archive.is
- ↑ Larsen, Sally (1993). Japlish (вид. 1st ed). San Francisco: Pomegranate Artbooks. ISBN 978-1-56640-454-9.
- ↑ Процес повнокольорового трафаретного друку CMYK. Impressionz Printing. Процитовано 3 травня 2024.
- ↑ CMYK Full Color Screen Printing Process Impressionz Printing. Процитовано 3 травня 2024.
- ↑ Друк на тканинах та футболках SingleP UA. Процитовано 3 травня 2024.