Мария Будински
| Мария Будински | |
|---|---|
| (портрет) | |
| Народзена | 12. юлия 1931. |
| Умарла | 6. априла 2018 (87) |
| Державянство | югославянске, сербске |
| Язик творох | сербски, руски |
| Школа | Ґимназия, Суботица |
| Универзитет | Универзитет, Беоґрад |
| Период твореня | 1956-1996. |
| Жанри | просвита, прекладанє |
| Похована | Городски теметов, Нови Сад |
Мария Будински (*12. юлий 1931†6. април 2018), професорка физики, прекладателька.
Мария Сабадош народзена 12. юлия 1931. року у Руским Керестуре. Родичи оцец Йовґен Сабадош и мац Йозефина дзив. Папгаргаї. Мария мала брата Михайла. Основну школу Мария закончела у Руским Керестуре, ґимназию у Суботици 1951. року а студиї физики у Беоґрадзе 1956. року.
Мария Сабадош ше одала за Мирона Будинского, у малженстве мали дзивку Любку.
По дипломованю Мария єден рок робела у основней школи у Руским Керестуре а од 1957. по 1969. рок преподавала физику у ґимназиї Йован Йованович Змай у Новим Садзе. Потим прешла до Висшей технїчней школи у Новим Садзе дзе робела по пензию. Мария Будински тримала преподаваня зоз физики и у других варошох дзе єй школа мала свойо оддзелєня.
За потреби образованя на руским язику Мария Будински прекладала учебнїки физики на руски язик.
Мирон и Мария Будински були члени и почитователє Дружтва за руски язик, литературу и културу од самого його снованя 1970. року.
Мария Будински умарла 6. априла 2018. року. Похована є на Городским теметове у Новим Садзе.
Литература
[ушориц | ушор жридло]- Тамаш, др Юлиян, „Просвитни роботнїки 1994-1991. року ˮ, Руски Керестур, лїтопис и история (1745-1991), Месна заєднїца Руски Керестур, 1992, бок 414.
- Руски християнски календар 2019. рок, бок 224