Марионета
Марионета (ит. marionetta) файта театралней бабки хтору ґлумец-бабкар (марионетиста)[1] контролує и од горе порушує з помоцу цверни/порващка, (шнурки), металней палїчки лєбо дрота, хтори може буц скрити од публики алє то нє вше правило. Узвичаєне думанє же ше бабка зявела у штреднїм вику у Французкей зоз назву ґиньол (Guignol) а тераз є позната у цалим швеце. Хасновала ше у бабкарских театрох и улїчних представох. По правилу бабка направена зоз платна, алє даєдни часци направени зоз других материялох (били косци, древа) а найчастейше бул похасновани материял глїна. За руки, ноги, торзо и главу бабки ше причверсцує цверни - ценки порващки, хтори ше прецагую през дзирки такв. крижа. Зоз зогинаньом бабка спричинює и дочарює чловечи рухи.
Слово „марионета“ походзи зоз штредньовиковних бабкох у 16. вику, хтори приказовали Дїву Марию (приказовани библийски збуваня) и часто су наволовани зоз деминутивних верзийох словох Мария (французки: Марион, Мариоти, Мариоли). Напр. у Венециї ше древени механїцки бабки зявели под час церковних шветох хтори ше отримую раз у року. У старей литератури находзиме же мено походзи од мена пренаходзача, Италияна Мариона.[2]
Друге мено за таки бабки – фатоши. Фиґуративне значенє; лїцо-особа, держава, власц, особа (пион, фиґура) хтора послушне орудиє у цудзих рукох. Постої вираз марионетска влада лєбо власц.
Историят
[ушориц | ушор жридло]Бабкарство то стара форма перформансох. Даєдни историчаре твердза же то предходнїца ґлумцох у театрох. Постоя докази же ше хасновали у Єгипту 2000 роки пред н.е. кед древени фиґури порушовани зоз дротом и имитовали мишеня хлєба и на тот способ зоз дротами ,,контроловали” други фиґури. У єгипетских гробох пренайдзени дротово бабки направени комбиновано зоз глїни и слоновей косци. Марионетске бабкарство давно хасноване за приказованє ритуалох и церемонийох хаснуюци тоти фиґурки на дроту а так ше хасную и нєшка.
У старей Греческей ше тиж занїмали зоз бабкарством; найстарши записи о бабкарстве мож найсц у дїлох Геродота и Ксенофонта, хтори датую зоз 5. вику п.н.е.[3] Греческе слово преложене бабка νευροσπαστος (невроспастос), а буквално значи ,,цагани з дротом, по дроту”(5) зоз νευρον (неврон), цо значи ,,тетиви, тетива, мишица, дрот” [6] лєбо σπαω (спаднуц), цо значи ,,вицагнуц, поцагнуц”.[4]
Аристотел (384–322. п.н.е.) розпатра и поровнує бабки у своїм дїлу ,,О рушаню животиньох” ; рухи животиньох можу ше поровнац зоз рухами ,,автоматских” бабкох хтори ше поставяю з нагоди малих рухох и рушаньох; полуги ше ошлєбодзую лєбо дуркаю зоз заплєценима дротами до другого дроту.[5]
Марионети у оперох
[ушориц | ушор жридло]У 18. вику, опери були окреме компоновани зоз „велькима” марионети. Моцарт як дзецко патрел у театру представу зоз бабками - марионетами. Познєйше як композитор у своїх даєдних оперох похасновал часци зоз марионетами. К. В. Ґлук, Й. Гайдн, Мануел де Фаля (шпански композитор) и О. Респиґи компоновали опери за одроснутих зоз одвитуюцима марионетами. Луис Керол компоновал марионетски опери и драми за розвагу своїм братом и шестром.
Нєшка у Салцбурґу у Австриї, Салцбуршски бабкарски театер предлужує представянє и виводзенє цаловечарших оперох зоз марионетами.
Сучасни театер
[ушориц | ушор жридло]Марионети ше часто наволую зоз словом бабки, алє вираз марионети прецизнєйши, розликую ше од других формох бабкарства, як цо виводзенє бабкартва зоз пальцами, рукавицами, палїчками и бабкарство циньох. У векших и розвитших центрох Европи (як цо у Велькей Британиї, Нємецкей, Шкотскей, Австриї) велї театри ище пестую приказованє таких представох. У Нємецкей напр. започала (1948) продукцийна театрална адаптация сказкох и озбильних представох. Року 1953. започали ше приказовац телевизийни сериї такого бабкарского жанра.
Зоз векшу продукцию филма и зявеня телевизиї, а познєйше у 20. вику, и других технїчних апаратох (видео плеєр итд.) марионети доживйовали тиж значнєйшу популарносц, окреме у дзецинских ТВ програмох.
Ґалерия
[ушориц | ушор жридло]-
Марионета -
Бабка калабаш (Lagenaria siceraria) -
Сцена зоз „Приповедки о двох мишох,“ театер Сидни Деле Дон, студио „Country Mouse Puppets.“ -
Мали театер зоз марионетами, 1959. у Италиї. -
Бабки - марионети у представи ,,Авґуст, Авґуста и мали Авґустин". -
Бабкарска представа у Анґлиї (дзецом таки представи омилєни). -
Марионети у предавальнї у Праги. -
Бабкарски театер зоз марионетами. -
Марионета традицийней бурманскей командантки. -
Марионети у студию у роботнї, креировала Беа Иґнятович. -
Ню Йорк 1935. року, дзеци патра бабкарску представу. -
Марионетист у Праги на Карловим мосце.
Литература
[ушориц | ушор жридло]- Шафранюк В. А. Понятие о куклах-актерах и традиционные заблуждения. — М.: Стелс, 2001——С.11-62.
- Шафранюк В. А. Кукольное пространственно-временное искусство
- Шарль. История марионеток в Европе с древнейших времен до наших дней. — М.: Клуб 36`6, 2016. — (Театр). — ISBN 978-5-88373-022-0.
Вонкашня вяза
[ушориц | ушор жридло]- Mаrioneta Hrvatska Enciklopedija, enciklopedija.hr
Референци
[ушориц | ушор жридло]
- ↑ Цехновицер, Орест Вениаминович Театр Петрушки. — Госиздат, 1927. (Глава «История народного кукольного театра в Азии и Европе»)
- ↑ Shershow, Scott Cutler (1995)Puppets and "popular" culture Cornell University Press. p. 40 . ISBN 0-8014-3094-1.
- ↑ Herodotus Thr Histories 2.48 on Perseus
- ↑ Blumenthal, Eileen, Puppetry and Puppets, Thames & Hudson, 2005. ISBN 978-0-500-51226-5
- ↑ Aristotle, On the Motion of Animals, 350 BC.