Мажа

Мажа (стари тип) за меранє лєгчєйших артиклох.

Мажа (од мадь. mázsa, нєм. Waage, серб вага), инструмент за меранє маси (чежини) векшого цела. Мажа базована на законох полуги мера масу цела, а мажи хтори ше базую на фейдерох мераю чежину цела.

Значеня:

1. вага за меранє векших терхох, цвиклова мажа;

2. одредзене вимеране количество терхи

Приклад за 2. значенє:

Чи сом годзен ещи штири мажи догану покуриц, штири акови вина попиц...

У новшим чаше (при тлачаркох) 1 мажа виношела коло 500 кили:

Приклад:

Тельо и тельо мажи жита натлачели...

Першобутне значенє слова було - одредзене количество терхи, а у новшим чаше ше достало значенє: 100 кили.

Файти мажох спрам наменки

Мажа за меранє вельких терхох на превозки (камиони, прикочи).

• мажи за купальнї (за меранє тїлесней чежини);

• поштански мажи за меранє поштових посилкох, окреме вельких пакох;

• швидки индустрийни мажи за меранє под час процесу продукциї у серийскей продукциї;

• мажочки за беби з додатком у форми лєжиска за меранє бебох;

• мажи за вельки терхи, мажи на хтори мож нагнац превозки або прикочи пред и после утоварйованя-витоварйованя терхи (камионски мажи, маґазински мажи итд.).

Галерия

• 
• 
• 
• 
• 

Литература

• Словнїк руского народного язика I, A – Н, Нови Сад 2017, б. 695.
• Сербско-руски словнїк I, А – Њ, Нови Сад 1995, б. 95.

Вонкашнї вязи

• Вага (мјерни инструмент), Википедија на српском језику, sr.wikipedia.org, 25. март. 2013.

• Vaga, Hrvatska enciklopedija. Leksikografski zavod Miroslav Krleža. 2015.

• Вага за тачно мерење. Политика, 10 . јануар 2020.