Любомир Загорянски
| Любомир Загорянски | |
|---|---|
 | |
| Особни податки | |
| Датум народзеня | 12. априлa 1958. |
| Професия | професор физичного воспитаня |
| Музична робота | |
| Активни период | 1986— ище тирва |
| Жанр | композитор, музичар, автор текстох за композициї. |
| Инструмент | Примка, ґитара |
Любомир Загорянски (*12. април 1958), професор физичного воспитаня, композитор, музичар, автор текстох за композициї.
Биоґрафия
[ушориц | ушор жридло]
Любомир Загорянски ше народзел 12. априла 1958. року у Вербаше. Оцец Йовґен и мац Мария родз. Олеяр. Мал младшого брата Владимира хтори погинул у транспортним нєщесцу. Основну школу Любомир закончел у Коцуре, ґимназию Жарко Зренянин Вербас закончел у видвоєних оддзелєньох у Руским Керестуре, а Факултет физичней култури у Новим Садзе и здобул званє професор физичного воспитаня. Першу службу достал 1983. року у Основней школи Светозар Милетич, а вец 1985. року у Основней школи Вук Стефанович Караджич у Србобрану, потим 1985-1986. року робел у Центру за физичну културу у Вербаше як орґанизатор спортскей рекреациї. После того, у периодзе 1986-1993. рок робел як наставнїк физичней култури у Равним Селу, та од 1993. по 2007. рок у Штреднєй школи 4. юлий у Вербаше як професор физичного воспитаня. Од 2007. року робел у Коцуре, у Основней школи Братство-єдинство, тиж як професор физичного воспитаня.
Попри роботи у школи вон тримал и секцию за женски фодбал, а єден час водзел и одбойкашску женску секцию у Коцуре, котра була барз успишна. Зоз ОШ Братство-єдинство Любомир 2018. року пошол до пензиї.
Любомир Загорянски оженєти зоз Єлену родз. Будински зоз Руского Керестура, маю двох синох, Педю и Желька.
Зоз музику ше Любомир Загорянски почал занїмац 1984. року. Теди почал грац на примки (тамбура-прим або тамбурка) у КУД Жатва. Кед уж добре овладал зоз тим инструментом, почал грац полни два роки и на свадзбох зоз Фитькошовима гудацми. Од 1986. року постал член составу Тройка, грал у бенду Баґрен били, а од 2007. року грал на ґитари у оркестру Дюла и приятелє.
Свойо композициї на Фестивал Червена ружа и на Червене пупче[1] почал посилац 1989. року, найчастейше на свойо власни тексти. Писал и компоновал писнї у народним духу, забавни и писнї за дзеци. Од 1995. року участвовал и на фестивалу Ружова заградка. По тераз викомпоновал коло 60 писнї у народним, забавним духу и писнї за дзеци. Писнї поряднє обявйовал у Ерату над Куцуром/Коцуром.
Композициї Любомира Загорянского хтори виведзени на фестивалох[ушориц | ушор жридло] | ||||||||
|---|---|---|---|---|---|---|---|---|
| Чис. | Рок |
У народним духу[ушориц | ушор жридло] |
Автор текста | Чис. | Рок |
Червене пупче[ушориц | ушор жридло] |
Автор текста | |
| 1. | 1989. | Майски валцер | Михайло Зазуляк | 1. | 1989. | Ноцни бал | Михайло Зазуляк | |
| 2. | 1990. | Мила ми писала | Любомир Загорянски | 2. | 1990. | Петнацрочним | " | |
| 3. | 1991. | Стари любови | " | 3. | 1991. | Когутово бриґи | " | |
| 4. | 1994. | Мацерово писмо | " | 4. | 1994. | Купанє | Серафина Макаї | |
| 5. | 1995. | Писня гудака | Мария Ковач | 5. | 1995. | Спреведлїви Владко | Любомир Загорянски | |
| 6. | 1996. | Стари пайташе | Любомир Загорянски | 6. | 1996. | Жадам | Серафина Макаї | |
| 7. | 1997. | Нєбо и гвизди | " | 7. | 1997. | Перша любов | " | |
| 8. | 1998. | Заграй, гудаку | Серафина Макаї | 8. | 1997. | Нє знал сом | Б. Тимотиєвич /
И. Гарди-Ковачевич | |
| 9. | 2001. | Писня Коцуру | Любомир Загорянски | 9. | 1998. | Весели витрик | Мария С. Горняк | |
| 10. | 2002. | Перше щесце | " | 10. | 2001. | Тот мой мали | Любомир Загорянски | |
| 11. | 2003. | Прецо, мила моя | " | 11. | 2003. | Бридки слова | " | |
| 12. | 2004. | Сцем ци повесц | " | 12. | 2006. | Родзени дзень | Ксения Палатинус | |
| 13. | 2006. | Пребач, мили | " | 13. | 2006. | Моєй мамочки | Яким Олеяр | |
| 14. | 2008. | Чловек и жена | Владимир Бесерминї | 14. | 2007. | Найвекша родзина | Мелания Римар | |
У забавним духу[ушориц | ушор жридло] |
Ружова заградка[ушориц | ушор жридло] | |||||||
| 1. | 1990. | Врац ше, врац | Любомир Загорянски | 1. | 1994. | Гварели за нас | Серафина Макаї | |
| 2. | 1991. | Пребач | " | 2. | 1997. | Гваря людзе | Любомир Загорянски | |
| 3. | 1992 | Пожадам | Михайло Зазуляк | 3. | 1998. | Гей, леґинє | " | |
| 4. | 1994. | Дзе най це поглєдам | Любомир Загорянски | 4. | 1999. | Зашпивайце, гудаци | " | |
| 5. | 1995. | Падайце дижджи априлски | Мария Ковач | 5. | 2004. | За тебе | " | |
| 6. | 1996. | Ярня ноц | Любомир Загорянски | 6. | 2005 | Писня o старому гудакови | " | |
| 7. | 1997. | Молитва | " | 7. | 2006 | Боже, зачувай параста | " | |
| 8. | 1998. | Давно було | " | |||||
| 9. | 2001. | Саша | Серафина Макаї | |||||
| 10. | 2003. | Любовни смуток | Мирослав Малїк | |||||
| Тексти Любомира Загорянского на хтори компоновани писнї | |||
|---|---|---|---|
| Чис. | Рок | Наслов писнї | Автор музики |
| 1. | 2002. | Моя мамочка (Пупче) | Юлиян Рамач-Чамо |
| 2. | 2006. | Чаривне путованє (Пупче) | " |
| 3. | 2006. | Свадзебни дзень (Червена Ружа) | " |
Литература
[ушориц | ушор жридло]Вонкашнї вязи
[ушориц | ушор жридло]- злк, Спорт и музика - плєцо попри плєцу, Рутенпрес, 23. май 2018.
- Шветочна академия отримана у Вербаше, вебсайт Заводу за културу Руснацох, zavod.rs.
- Obeleženo 260 godina obrazovanja u Kucuri, Dunav Televizija, dunavtelevizija.rs, 22. decembar 2025.
- Ан. Медєши Руска матка преславела 35-рочнїцу од снованя, Рутенпрес, 29. децембер 2025.
Референци
[ушориц | ушор жридло]- ↑ Любомир Загорянски (биоґрафия и список композицийох), Червена ружа 1962-2011, Том II, Завод за културу войводянских Руснацох, Нови Сад, 2014, б. 498.