Лук (музика)

Лук у музики хаснуєме на три рижнородни способи, и то як:

Илустрация предлужованя истоменних тонох зоз луком

1. Лук (лат. ligare - вязац, скапчац; ит. legatura – вязанє), хтори скапчує/повязує ноти истей висини. Означує ше зоз малим луком хтори скапчує истоменни ноти, служи же би предлужел тирванє тона односно ноти, а наволує ше „лук тирваня“. Паузи ше нє предлужую зоз луком.

Повязованє розличних тонох зоз лиґатуру

Звучна илустрация повязованя тонох зоз лиґатуру

2. Лиґатура скапчованє; анґл. slur; франц. liaison), хтора повязує ноти розличней висини, знак за леґато. Леґато то файта артикулациї хтора ше означує зоз лиґатуру (луком) над лєбо попод ґрупи нотох, хтора информує виводзача же тони треба виводзиц без претаргованя, на єден дих.

3. Ознака за фразиованє/фразированє (ит. legatura, анґл. phrasing slur; франц. liaison de phrasé). То луки хтори розчленюю /роздвоюю музичне дїло до менших цалосцох, фразох, же би слухачови дїло постало цо яснєйше, лєпше, розумнєйше и прегляднєйше. Наволує ше ище „лук фрази -лук фразованя“.

У виду лука повязованя нотох тиж ше може зявиц претаргуюца линия-лиґатура. То ше одноши на композициї зоз репетицию-повторйованьом. Зоз першим читаньом тонох лиґатура написана так же скапчує ноти (тони) и вони ше так и граю лєбо шпиваю (виводза), алє при повторйованю тей часци, претаргуюца лиґатура вецей нє ма тоту улогу и ноти ше виводза як два одвоєни ноти-тони. Найчастейше ше така нотация хаснує у вокалней музики пре розлични стихи (лєбо кед тексти на рижних язикох) хтори маю розличне число складох за исти ноти.

Вонкашня вяза

• Продужење трајања тонова
• Rastall, Richard (2001). Tei Grove Music Online, Oxford Music Online doi:10.1093/gmo/9781561592630.article.27937, Retrieved 15 April 2020.