Лампаш

Лампаш ( серб. фењер, слц. lampáš, карп.укр. ломпаш, од мадяр. lámpás) – прибор за ошвиценє; файта найчастейше преношацей лампи хтора зарамикована до скла у хторим нука гори швичка або хтора ма резервоар з чечним горивом (шпиритуз або витрион) и ґнот. Коло скла, лампаш муши мац рамик, найчастейше метални, хтори трима скло и ручку на верху. Принцип лампаша, хторому нєобходне приходзенє швижого воздуху бо пламень згорює оксиґен, перши конциповал Леонардо да Винчи. 1

Док нє було електричней енерґиї, лампаш ше хасновало як преношаце ошвиценє. Рамик и ручка погодни за ношенє, а скло чува же би ше пламень нє загашел кед ше чловек руша, або од витру. Окрем того, скло чува же би ше пламень нє пренєсол и нє запалєл дацо у простроиї.

Лампаш бул барз добри за польопривреднїкох, понеже ше го могло безпечно ношиц до хлїва або кармика, пиньвици односно до просторийох зоз шеном и сламу.

У нєшкайшим чаше, з розвойом технолоґиї и ошвиценя пришло и до модернизациї лампашох, та ше так хаснує лампаши з електричнима грушочками, грушочками на батериї и ЛЕД грушочками.

Фразеолоґия

Глєдац з лампашом – глєдац дацо цо чежко найсц: дознали же вон роботнїк якого з лампашом глєдац треба.

Литература

Словнїк руского народного язика I, А – Н, Нови Сад 2017, б. 666

Needham, Joseph (1985). Science and Civilisation in China: Paper and Printing. Cambridge University Press. ISBN 978-0-521-08690-5.

Вонкашнї вязи

https://sr.wikipedia.org/wiki/%D0%A4%D0%B5%D1%9A%D0%B5%D1%80 Фењер, Википедија на српском језику, sr.wikipedia.org, 20. септембар 2019.

Референци

1. http://staznaci.com/fenjer Šta znači FENJER? , вебсајт staznaci.com