Ламбада

Ламбада (порт. Lambada —моцне вдеренє як зоз батогом) то стил музики и танєц зоз Бразила. Танєц настал на сиверу Бразила (держава Пара) дзекуюци своєй швидкей и широкей популаризациї na концу 1980-их и на початку 1990-их. Концом 80-их рокох прешлого вику тот танєц ше розширел по Европи, Филипинох и по цалей Южней Америки. Танєц ше состої з рухох хтори єст и у других танцох, як цо фаро и салса.

Ламбада то танєц хтори ше танцує по парох. Танєчнїки танцую так же правя мали крочаї на бок (правя крочаї на боки и на предок-назадок, окруцаю ше з целами и зогинаю ше полукукаюци. Ориґинални танєц нєма хореоґрафски крочаї, окрем напредок и назадок, зоз барз наглашенима рухами клубох. Стандардизовани способ облєканя за танєчнїци були кратки лєгучки шоси – сукнї, а за танєчнїкох длугоки панталони.

Наставанє танца ламбада

♦ Каримбо

Carimbo то танєц зоз часу кед Бразил бул портуґалска колония, и теди бул популарни на сиверу держави. Познати є и як нєдошлєбодзени танєц. Ритем прилапени зоз ритмичним дурканьом у ритме по древених буґнох. Тот танєц бул обдумани же би бул у руху окруцаня и благого гойсаня у клубох (лїво и право у ритме), а то постали и основни поставени рухи танцованя ламбади.

Походзенє

После одредзеного часу радио станїци у Белему почали наволовац нову музику „ритем ламбади.” Ламбада то мишанїна новей музики и старого танцу.^[1] Ламбада на портуґалским язику значи „моцне вдеренє.” Розликує ше од других латиноамерицких танцох по тим же танєчнїки зоз своїма целами указую на рух габох.

Карневал у Бахиї

Ламбада ше ширела по побережйох док нє сцигла до Бахиї, дзе є дакус вименєна под вплївом танца Фаро. На карневалу у Бахиї каждого року ше зявйовали нови танци хтори наставали кед туристи поодходзели. Ламбада ше як танєц на карневалу зявела 1988. року.

Музика ламбади

1988. року французки поднїматель Оливер Ламоте нащивел Порто Деґуро у Бразилу и открил локални танєц хтори узко повязани зоз ламбаду и боливийску стару мелодию. Ґрупа Kaoma зоз даскелїма музичарами путовала по Европи и промововала мелодию. Французка ґрупа Kaoma зняла шпиванку Ламбада, хтора постала гит ширцом швета.1989. року предати 5 милиони прикладнїки. Шпиванка ше на портуґалским язику вола Llorando se fue ^[2] а значи Плачем прето же пошол/пошла. У цеку найвекшей популарносци була на 46 месце на лїстини 100 найлєпших.

Вонкашнї вязи

Latin Passione Brazilian Style Dance & Events Архів оригіналу за 19 квітня 2009. Процитовано 1 травня 2009.
Lambada youtube.com

Референци

↑ „NETWATCH: Botany's Wayback Machine”. Science. 316 (5831): 1547d—1547d. 15. 6. 2007. ISSN 0036-8075. doi: https://www.science.org/doi/10.1126/science.316.5831.1547d 10.1126/science.316.5831.1547d.
↑ Knessl, Lothar (јануар 2002). „Vinko Globokar „L’ armonia drammatica“ in Bielefeld”. Österreichische Musikzeitschrift. 57 (10). ISSN 2307-2970. [https://sr.wikipedia.org/wiki/ Digitalni_identifikator_objekta doi: 10.7767/omz.2002.57.10.64.]

[1] „NETWATCH: Botany's Wayback Machine”. Science. 316 (5831): 1547d—1547d. 15. 6. 2007. ISSN 0036-8075. doi: https://www.science.org/doi/10.1126/science.316.5831.1547d 10.1126/science.316.5831.1547d.

[2] Knessl, Lothar (јануар 2002). „Vinko Globokar „L’ armonia drammatica“ in Bielefeld”. Österreichische Musikzeitschrift. 57 (10). ISSN 2307-2970. [https://sr.wikipedia.org/wiki/ Digitalni_identifikator_objekta doi: 10.7767/omz.2002.57.10.64.]

[1]

[2]