Лалить
| Лалить | |
|---|---|
 Православна церква у валалє
| |
| Административни податки | |
| Держава | Сербия |
| Автономна покраїна | Войводина |
| Управни округ | Заходнобачки |
| Општина | Оджак |
| Жительство | |
| —2022. | 1.085 |
| —густосц | 37,7/km2 |
| Ґеоґрафски характеристик | |
| Координати | 45° 31′ 12″ С; 19° 21′ 53″В |
| Часово зони | UTC+1 (CET), влєце UTC+2 (CEST) |
| Абс. висина | 86 m |
| Поверхносц | 35,6 km2 |
.svg) Лалить на мапи Србиї | |
| Инши податки | |
| Поштове число | 25234 |
| Поволуюце число | 025 |
| Реґистерска ознака | SO |
Лалить (серб. Лалић; слц. Laliť; мадь. Liliomos) валал у општини Оджак, Заходнобачким округу, у Сербиї. Спрам попису зоз 2022. мал 1.085 жительох.
История
[ушориц | ушор жридло]У чаше Терезиянскей и Йозефиянскей колонизациї перши тристо сербски и словацки фамелиї у периодзе од 1760. по 1790. рок населєли коморски маєток Пустару Лалить. Серби и Словаци ше лєгко уклопели до заєднїцкого живота. Лалить ше першираз спомина як валал Сербох шлєбодних селянох 1769. року. Вони ше приселєли под вождством Арсения III Чарноєвича, а 1788. року до Лалитю пришли и перши Словаци. Вони були перше колонизовани у Банаце, алє ше отамаль склонєли пре барз части турски нападаня. Друга вельо векша ґрупа Словацох пришла 1780. зоз Словацкей, околина Татрох, и то з Пештанскей, Звонєнскей, Гемерскей и Нїтраньскей жупаниї. Спрам запису зоз 1834. на муре православней церкви, теди у валалє було 1.606 жительох. Число жительох ше барз помали звекшовало як пре висельованє на други места, так и пре епидемиї и вилїви. Под час велькей епидемиї колери 1836. року умарли вецей як 900 особи. Кед би ше Дунай вилял, вода у хотарох оставала скоро цали рок. Велї хижи ше од влаги поваляли, а през валал ше ишло на чамцу. После вилїву пришла епидемия колери. Року 1873. приселєли ше и 15 єврейски фамелиї. Окрем нїх, було даскельо и Нємцох и Мадярох. Спрам Попису зоз 1900. Лалить мал 2.530 жительох и 465 числа хижох.
_Church.jpg)
Демоґрафия
[ушориц | ушор жридло]Спрам Попису зоз 2011. у Лалитю було 1.343 жительох (спрам Попису зоз 2002. було1.646 жительох). У населєню єст 563 обисца, а штреднє число членох по обисцу 2,38.
У населєню Лалить 2002. жили 1.335 полнолїтни жителє, а штредня старосц жительства виношела 41,6 роки (39,8 при хлопох и 43,3 при женох).
| Демоґрафия | ||
|---|---|---|
| Рок | Жительох | |
| 1948. | 2.365 | |
| 1953. | 2.351 | |
| 1961. | 2.351 | |
| 1971. | 2.125 | |
| 1981. | 1.859 | |
| 1991. | 1.699 | 1.649 |
| 2002. | 1.646 | 1.702 |
| 2011. | 1.343 | 1.423 |
| Етнїчни состав жительства спрам Попису зоз 2002. року | ||
|---|---|---|
| Словаци | 796 | 48,35% |
| Серби | 702 | 42,64% |
| Руснаци | 27 | 1,64% |
| Югославянє | 21 | 1,27% |
| Роми | 15 | 0,91% |
| Українци | 12 | 0,72% |
| Горвати | 4 | 0,24% |
| Чарногорци | 2 | 0,12% |
| Мадяре | 2 | 0,12% |
| Муслиманє | 1 | 0,06% |
| Македонци | 1 | 0,06% |
| Нєпознате | 2 | 0,12% |
Вонкашнї вязи
[ушориц | ушор жридло]- Лалић. Википедија на српском језику, sr.wikipedia.org