Лак за власи
Лак за власи звичайни козметични продукт за оформйованє фризури хтори ше пирска по власох пре защиту од влаги и витру и отримованє жаданей форми. Лаки за власи ше звичайно зложени зоз даскелїх компонентох за власи, як и поцисного горива. [1]
Состойки и робота
[ушориц | ушор жридло]
Лак за власи зложени зоз: концентратох, пластификаторох, средствох за блїщацосц и пахох, як и погонских горивох.
Концентрат
[ушориц | ушор жридло]Лак за власи мишанїна полимерох хтори даваю структурну потримовку власом. Часто уключує кополимери поливинилпиролидону и поливинил ацетату. Кополимери винил ацетату и кротонскей квашнїни даваю твардейши филми. На тот способ, лаки за власи можу буц формуловани як флексибилни, штреднього и максималного триманя.[2] Змишанїну кополимерох ше звичайно прилагодзує же би ше посцигло жадани физични прикмети (твардосц лїпеня, пенєнє итд.), з хаснованьом пластификаторох як цо аминометил пропанол, сурфактанатох як цо бензалконий хлорид и других аґенсох як цо диметикон.
Ґази
[ушориц | ушор жридло]Од поступного утаргованя CFC-а 80-их рокох, угльоводонїки популарни погонски горива. То уключує пропан, бутан, изобутан и подобни випарююци угльоводонїки, як и други мишанїни. Таки угльоводонїки нє барз добри розкладачи за активни состойки як цо полимери. Прето ше часто додава и диметил етер. Вон функционує и як погонски ґаз и як розкладач. [1] Коло угльоводонїчних погонских горивох, флуоровани ґази ше широко хаснує як погонски горива место CFC-а, а найчастейши ґаз то 1,1-дифлуороетан. Часто ше наводзи як гидрофлуороуглєнїк-152a. [3]
Други компоненти
[ушориц | ушор жридло]Пластификатори хтори ше хаснує у лакох за власи уключую естри лимунскей квашнїни и адипинскей квашнїни. Тиж ше хаснує силикони и полиґликоли. Концентрат облапя лєм мали волумен фляшки лаку за власи. Векша часц фляшки наполнєна з розкладачами як цо изопропанол и етанол. [4]
Историят
[ушориц | ушор жридло]Перши лаки за власи розвити у Европи 20-их рокох. У ЗАД, лаки за власи розвити у чаше аеросолних фляшкох 40-их рокох, а перши патенти хтори описую кополимери за оформйованє фризурох обявени 40-их рокох. [5] Року 1968. на протесту за мис Америки, демонстрантки символично руцели даскельо женски продукти до „канти за шмеце Шлєбоди“. Медзи нїма бул и лак за власи, [6] хтори бул медзи предметами хтори демонстрантки тримали за „инструменти женского мученя“ [7] и додатки того цо тримали за надрилєну женственосц. Предаванє лакох за власи ше зменшало 70-их рокох, бо фризури постали углавним ровни и опущени. До 80-их популарносц лаку за власи ше врацела, бо вельки фризури ознова вошли до моди. Лак за власи мож хасновац и за инше: наприклад у швеце краси, дахто би могол попирскац лак за власи по ногох и по нукашнїм боку сукнї або шосу же би сукня або шос нє пирхали або ше нє дзвигали на витре.
Референци
[ушориц | ушор жридло]- ↑ Hair Preparations|encyclopedia=Ullmann's Encyclopedia of Industrial Chemistry|year=2006|publisher=Wiley-VCH|location=Weinheim|doi=10.1002/14356007.a12_571.pub2|isbn=3527306730}}
- ↑ Sherrow|title=Encyclopedia of hair: a cultural history|url=https://archive.org/details/encyclopediaofha0000sher%7Cfirst=Victoria%7Cdate=2006%7Cpublisher=Greenwood Press|isbn=978-0-313-33145-9|location=Westport, Conn|pages=}}
- ↑ Innovative Product Exemption Provision
- ↑ US patent 2305356, Luckenbach, William F., "Dressing of Hair", issued 1940-4-4
- ↑ 5. US patent 2464281, Peterson, Durey H., "Cream Hair Treating Preparations", issued 1945-3-7
- ↑ Dow, Bonnie J. |date=Spring 2003 |title=Feminism, Miss America, and Media Mythology |journal=Rhetoric & Public Affairs |volume=6 |issue=1 |pages=127–149 |doi=10.1353/rap.2003.0028 |s2cid=143094250}}
- ↑ Duffett|first=Judith|date=October 1968|title=WLM vs. Miss America|magazine=Voice of the Women's Liberation Movement|volume=1|issue=4|page=4|jstor=community.28046325}}
Литература
[ушориц | ушор жридло]https://sr.wikipedia.org/sr-ec/%D0%9B%D0%B0%D0%BA_%D0%B7%D0%B0_%D0%BA%D0%BE%D1%81%D1%83