Лавка

Дакедишнї школски лавки.

Лавка (серб. клупа; всл. lavka „исте”).

Тото слово ма вецей значеня у руским язику:

1. шедзиско за вецей особи,

2. мено за вецей наменки у роботох;

На полю поскладани снопи вижатей конопи”: конопа ше жала и складала до снопох, а повязани (у коренкох и чулкох) снопи ше складали до лавкох.

3. конопа (вижата або витарта) поскладана и порихтана за моченє:

Кладзе ше шор снопох єден коло другого широко дас 3–4 метери, а потим приходзи нови шор зоз верхом снопа обраценим на процивни бок; склада ше штири шори; потим ше лавку закрива зоз блатом и чиря до води.

4. попреградзовани парцели рискашового поля:

Рискаша (на Косанчичу) була пошата до „лавкох” и залята з воду, бо вона лєм так може роснуц.

... Место коньох на Рискаши робели бияли. Прагали их до ярґаню кед цагали воду з беґелю до лавкох.

5. длугши „ремень” влажней жеми при ораню:

Микола ше схилєл на плуг и дрилял го вше баржей до жеми.На плуг ше лїпела жем, резали ше лавки.

Лавочка (серб. клупица) 1. дем. од лавка. 2. менша лавка (пред хижу, у парку и под.):

Но єдно ми зато допущице, да ше випочинєм на тей лавочки?

Лавка у руским обисцу

Лавка то часц хижних стварох хтору звичайно направел ремеселнїк - тишлїр зоз древа. Лавку мало кажде обисце, а стала у преднєй и у заднєй хижи. Хасновало ше вецей файти лавкох, а найчастейше два файти. Даєдни на концох мали такв. ,,локци” (дзе ше могло подоперац), односно чловек кладол свойо ,,локци” на тоту часц кед

Мальована лавка.

шедзел. Операло ше на хрибет - ,,наслон'' лавки. На ,,хрибце'' лавки були нарисовани ружи, алє вони могли буц и вирезовани. Лавка могла стац и при пецу, место патки, алє теди була без хрибта, операча. У даєдних обисцох лавки стали и коло стола, окреме кед ше дацо славело, бо нє було досц карсцелї, на свадзбох, обедох, и других збуваньох и местох дзе було векше число людзох.

Лавка у поезиї

Лавка описана у поeзиї за дзеци а и за старших:

• ,,У тей лавки дзе я шедзим велї уж шедзели,

читац, писац и жиц крашнє у нєй научели"...

• ,,Придз прд сушедда гоч кажди вечар,

на лавки будзем це чекац"...

Форми лавкох

Лавки ше у обисцу хасновало за рижни наменки. Окрем же су направени зоз древа, нєшка ше уж часто правя комбиновано з вецей файтох материялох: метал, ляте желєзо, коване желєзо, бетон або синтетични материяли, у зависносци од того дзе ше их будзе хасновац (отворени простор, чи заварти).

Лавки можу буц рижних формох и димензийох, з операчами за локци и хрибет лєбо без нїх. Можу мац аж и векши комодитет та су нїзши и ширши, а на шедзацу часц положени мегки заглавчки, поготов кед лавки з операчом. Нєшка пре практичносц и менше заберанє простору, креировани и дизайновани такв. лавки до угла, хтори мож хасновац у обисцу у кухньох, на менших терасох итд.

Камена лавка.

Лавки найчастейше наменєни за вонкашнє хаснованє, за ушорйованє паркох, дворох и заградкох и так представяю часц урбаного мобилияру т.є. часц су ушореня улїчкох, паркох, маркетох у варошу або валалє.

Файти лавкох

• Древени лавки направени лєм зоз древа, а можу буц дизайновани на вецей способи и найчастейше ше их хаснує у власних дворох и заградкох. Кед су вонка, треба их защициц зоз даякима квалитетнима хемийнима субстанциями од слунка, дижджу, шнїгу итд.

• Лавки направени комбиновано зоз желєза и древа ше найчастейше кладзе за ушорйовање явних поверхносцох як цо парки, площи у варошу, авениї итд. Пре свой випатрунок, витримовносц и безпечносц притвердзени су за бетонску подлогу.

Часто ше лавки наволую и по месце дзе ше находза и хасную, та можу буц подзелєни на:

Лавка у паркох и заградкох.

• Лавки у парку;

• Лавки у заградкох;

• Лавки на терасох (пикник лавки) у погосцительних обєктох, ресторанох, готелох (єст и таки цо их мож швидко и лєгко розкладац и складац),

• Такволани сликовни - медитацийни лавки' поставени (часто на мирнєйши места) же би обезпечели лагодносц за уживанє у контемплациї даякого прекрасного пейзажу, (напр. лавки обрацени на рику, озеро, морйо, бреги, даяку значну архитектуру, памятнїк и под.), попатрунок на швидки улїчни сцени рушаня або ридше одредзени збуваня.

• Лавки без операча, напр. у даєдних єдальньох, чекальньох, у медицинских лєбо других подобних установох, школских просторийох, векших салох за наменски роботи итд. Часто им шедзиско тапацироване.

• Древени лавки у дакедишнїх гайзибанох за путнїкох;

,,Медитацийна" лавка з попатрунком на морє.

Даєдни лавки окреме наволани за одредзени потреби, як напр.:

• Лавки з операчами у даєдних варошох, дзе людзе можу шеднуц и одпочинуц, и дзе нєт места за вецей особи на лавки.

• Лавки за заградки хтори подобни як лавки у явних паркох, алє су длугоки и маю вецей места за шедзенє.

• Церковни лавки, у церкви, манастирох: прилагодзени ґу условийом за таки просториї хтори часто опремени зоз додатну лавочку за клєчанє.  Церковни лавки можу буц виробени у розличних стилох: традицийни, або модерни и заокруглєни же би ше уклопели до архитектонского стилу, а простор задоволєл вирнїкох.

• Лавка за авта, комби, автобус: традицийно ма тапацироване шедзиско направене за превозку, хторе прилагодзене спрам ширини авта и кабини.

• Лавки у даєдних автох, комбийох, прилагодзени ґу простору (напр. за превоженє роботнїкох, майстрох итд., з тим же за таке превоженє потребна окремна дозвола одвитуюцих транспортних институцийох).

Галерия

• 
  Древена лавка
• 
• 
• 
• 
  ЛАвка зоз каменя
• 
• 
• 
• 
• 
• 
• 
• 
• 
• 
  Лавка у парку сучасного дизайна
• 
• 
• 
• 
  Лавка зоз древа
• 
• 
• 
  Лавки у церквох
• 
• 
• 
• 
• 

Литература

• Олена Папуґа, Руске обисце, Нови Сад, 2012, б. 35.

• Словнїк руского народного язика I, А - Н, Нови Сад, 2017, б. 663.

• Broda, Herbert W. (2007). Schoolyard-enhanced Learning: Using the Outdoors as an Instructional Tool, K-8. Stenhouse Publishers. ISBN 9781571107299.

• ,,Good, Albert H. (1938). „Picnic Tables”. Park and Recreation Structures.

• Sesco, Jerry Anthony (1969). The Market for Wood Picnic Structures. North Central Forest Experiment Station, Forest Service, U.S. Department of Agriculture.

• Emily Mangles (2017-07-07). „The power of the picnic bench”.] The Guardian. Архивирано из оригинала 2020-02-28. г. Приступљено 2020-02-28. „The final testament to this extraordinary piece of outdoor furniture is from the local tenants, who were so impresse d with the “bench effect” that they

secured funding from the local council’s Cleaner Greener Safer project to install more street furniture around the local area.”

• Mitten, Denise (2018). „Let’s Meet at the Picnic Table at Midnight”. The Palgrave International Handbook of Women and Outdoor Learning. стр. 19—34. ISBN 978-3-319-53549-4. doi:10.1007/978-3-319-53550-0_2.

Вонкашнї вязи

• Metalne parkovske klupe urbanpark.rs
• SEPTA replaces sitting benches with 'leaners,' upsets some riders