Куркума

Куркума
Наукова класификация
Царство: Plantae Кладус: Tracheophytes Кладус: Angiospermae Кладус: Monocotyledones Кладус: Commelinids Ряд: Zingiberales Фамилия: Zingiberaceae Род: Curcuma Файта: C. longa
Биномне мено
Curcuma longa L.[1]
Синоними
Curcurma domestica Valeton

Куркума (lat. Curcuma longa) то вецейрочна рошлїна хтора походзи зоз тропских предїлох Южней Азиї. Припада фамелиї дюмбира (Zingiberaceae) и хаснує ше ю як присмачку.

Куркумин то субстанца хтора изолована зоз куркуми, означена є як поживови адитив зоз знаком Е100. Улога єй щициц поживово состойки од Слунка.

Хаснованє куркуми

Комбиновано зоз Е160b, куркумин ше хаснує и за фарбенє сира, йоґурта, шалати, даєдних марґаринох, масла. Тиж ше хаснує же би давала жовту фарбу порихтаним сенфом и мачанком, конзервованому месу зоз курчеца и иншей туньшей поживи.

История куркуми

Куркуму ше виками хаснує у Азиї и главна є часц аюрведе, (Ayurveda) сида медицини (Siddha medicine), традицийней китайскей медицини, Унани (Unani) и у анимистичних ритуалох австроиндонезийских народох. Перше є хаснована як фарба, а познєйше ше ю, пре свойо наведзени прикмети, хасновало у народней медицини. У Индиї ше преширила дзекуюци гиндуизму и будизму, прето же ше жовту фарбу хасновало за фарбенє шматох монахох и священїкох.

На островох Юговосточней Азиї исную жридла о давним хаснованю куркуми медзи австроиндонезийскима народами пошвидко после розсельованя зоз Тайвану (починаюци коло 3000. року пред нову еру). У Индонезиї и на Филипинох куркуму ше хасновало як поживу за костиранє, фарбенє платна (текстила), як медицину, а тиж и за мальованє по целу. Звичайно була значни состойок у рижних анимистичних ритуалох.

Файти

Постоя два доминантни файти куркуми:

• мадрас и

• алепей.

Алепей файта - видвоює ше по вельким проценту куркумина и есенциялних олєйох, значна є пре позитивни вплїв на здравє. Окрем того, алепей файта ма и красну ясно помаранчецову фарбу, интензивну арому и смак у поровнаню зоз звичайну орґанску куркуму. Єй арома здогадує на швижу куркуму, ма характеристику жеми и благи ментово и лимуново горкави смаки. Текстура тиж богатша пре векшу концентрацию куркумина, важного состойка пре хтори достала назву, а и есенциялного олєю.

Козметика

Куркума ше находзи и у состойкох дзепоєдних кремох, помадох и олєйох за слункованє. Щици скору од слункових зарйох, хтори

Випатрунок швижей куркуми

виволую опеклїни. Куркуму ше хаснує и у велїх козметичних препаратох за скору, твар и цело.

Лїковитосц

Куркума у своїм составе ма вельо антиоксиданси, хтори можу спомалшиц и зопрец розвой дзепоєдних хоротох. Так же є барз заступена у медицини и фармациї у рижних суплементох.

Купованє и чуванє

Куркуму ридко мож найсц швижу звонка жемох походзеня, а главни и найвекши продукователє то Индия, Китай и Индонезия. Куркума у форми праху достпуна цали рок и як така ма цму помаранчецову фарбу, та є подобна як прах curry (присмачка кари) хтори єден зоз значних состойкох за рихтанє єдлох. Куркуму у праху ше препоручує чувац у цмих склєняних и добре завартих фляшкох, прето же траци свою фарбу и пах кед є на директней шветлосци.

Литература

• Curcuma longa // Ботанический словарь / сост. Н. И. Анненков. — СПб.: Тип. Имп. АН, 1878. — XXI + 645 с.
• Куркума // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
• Дудченко Л. Г., Козьяков А. С., Кривенко В. В. Пряно-ароматические и пряно-вкусовые растения: Справочник / Отв. ред. К. М. Сытник. — Киев: думка, 1989. — С. 126. — 304 с. — 100 000 экз. — ISBN 5-12-000483-0.

Вонкашня вяза

• Kurkuma – šta je, za šta je dobra i kako se koristi kurkuma kao lek?