Костимоґраф

Костимоґраф то професия особи у театре хтора барз добре позна стили и способ облєканя рижних епохох. Костимоґраф одвичательни за креированє костимох за театер, филмску лєбо телевизийну продукцию. То комуникативна и креативна особа зоз новима идеями. Рисує костими за театер лєбо филм и надпатра их виробок. Прави скици за шмати и одноши их до шнайдера або шивачки, ципелара, модисткинї або до фризерского салону. До реализациї костимох уключую ше вецей особи зоз котрима сотрудзує. Їх робота же би креировали визуалну слику шицких особох и же би их надпатрали. Костимоґраф водзи рахунку, надпатра чи ше шицко роби по скици и по догварки. Часто костимоґраф шиє, фарби и водзи рахунку о дробнїцох, прави рижни апликациї, аксесоари и маски на основи скици. [1]

Будзе уложена ФОТОҐР. зоз театру ,,Дядя'' Р.Керестур

Рисованє и креированє костимох за потреби сценскей уметносци наволує ше костимоґрафия.

Креация костимоґрафа муши одвитовац ґлумцови-особи котру вибрал редитель, источасно костим муши буц аутентични особи, характеру и часу, а продукция ше муши уклопиц до финансийох и час хтори одредзел продуцент.

Файти костимоґрафох

По правилу, професионални костимоґрафове ше дзеля на три главни типи:

фриленсере, хтори заняти и академски фаховци.

Фриленсере ше анґажую же би робели на одредзеней театраленй, танєчней лєбо оперскей продукциї. Можу буц вязани за театер у хторим робя лєбо можу єдноставно буц анґажовани фриленсере. Можу буц плацени на три розлични способи: напредок, на концу роботи лєбо на отвераню представи. Од фриленсераша ше нє вимага же би ше огранїчел лєм на єдну продукцию алє можу робиц на вецей местох источасно.

Заняти уметнїки ше анґажую у одредзеним театре за вецей продукциї. Контракти можу покриц и кратки сезонски период а и вецейрочне сотрудзованє. Тиж, у даєдних случайох, а кед же постої така клаузула у контракту, занятим костимоґрафом нє допущене же би преберали додатни роботи. За розлику од фриленсерох, заняти уметнїки муша вше буц присутни на месце у театре и вше доступни ансамблу.

Академски фаховци/академци, по правилу, водза фахову обуку. Найчастейше дїлую першенствено як инструкторе, алє можу буц и особи з театру, и робя свою специялносц. Попри того, часто робя як фриленсере, кельо им розпорядок допущує. У предходним периодзе ше анґажовало искусного професионалца, можлїве без окремного образованя, хтори поставали инструкторе, тераз ше за тоту позицию анґажую лєм фаховци зоз сертификатом.

Фази роботи костимоґрафа у филму

У филмским процесу, костимоґраф шеф такв. „костимоґрафского одзелєня“ (2) и одвичательни є за буджет, креированє концепта особох, а часто и за поручованє материялох, та и продукцию односно за шице; Под його руководством робя асистент костимоґрафа и костимоґрафи. Традицийно, рядошлїд роботох на проєкту костимоґрафа так випатра:

Упознаванє зоз сценарийом: виробок сликох особох и главох уметїикох.

Розговарка зоз продуцентом: у сущносци, дискусия о буджету и одредзених терминох, хтори материяли потребни, кельо часово будзе потребно за шице и виробок итд.

Координация зоз редительом и сценоґрафом: обсяжнєйше упознаванє особох и їх випатрунку.

Перши кастинґ (ґлумецки пробованя): костими ше вибераю зоз уж постояцих фундусох филмских маґазинох хтори найприблїжнєйши конєчней верзиї - випатрунку уметнїковей особи и, так ше започина формовац слика хтора будзе реализована до конца на екранє.

Розвиванє референцох и скица за филм: у тей фази ше вибера основа за випатрунок особох у форми уметнїкових рисункох лєбо фотоґрафийох (напр., зоз одвитуюцей епохи). Шицко, ниянси, текстура и дезен платна, треба же би означели характер будуцей особи. Тиж и музични дїла и предмети живей/и нєживей природи можу послужиц як референци.

Набавка материялох и платна: з оглядом же потребни материяли нє так лєгко пренайсц, часто ше потребни ствари поручую зоз иножемства, уметнїк муши буц преверени же шицко будзе одвитовац його идеї и будзе у комбинациї зоз ошвиценьом и корекциями фарбох. Зоз другима словами же би шицко випатрало на екрану у порядку.
Скраванє и шице костимох: Гоч ше облєчиво шиє и за статистох костими ше вибераю селективно, вони часто муша буц зробени у окремних роботньох. Значи, же би ше почитовало „прави живот“ и „правдива уметносц“, костими часто муша буц штучно ,,витворени'' и прилагодзени ґу велькосци же би випатрали виродстойно у филме.
Проба готових костимох: Уметнїк-костимоґраф ше стрета зоз ґлумцами пре прилагодзованє истих, у присустве редителя, и конєчно формує слики особох. У случаю наглих пременкох кед ше ґлумца пре даяки причини муши заменїц у остатнєй хвильки, костим муши буц ознова преправени и присподобени новому ґлумцови.

Будзе уложена Фотоґр зоз Дядьового театру у Р. Керестуре:

Процес знїманя и лоґистика продукциї: Уметнїцки треба же би були присутни на знїманю же би ше провадзело чи костими у подполносци одвитую глумцом, чи ше вони тримаю и справую у складзе зоз слику и друштвеним статусом юнака, тото ше дотика бонтона и опходзеня спрам облєчива у складзе зоз епоху.
Постпродукция; судьба филмских костимох на концу знїманя, барз двосмислова. Часто костими законча у селекциї за будуци филми, дакеди су просто знїщени, лєбо законча у рукох продуцентох. Поєдинєчни часци оставаю костимоґрафом, у ґардеробох, лєбо законча на окремних тематских виствох, лєбо у предавальньох и предаваю ше за гуманитарни потреби.

Костимоґрафе у 19. и 20. вику

У цеку позного 19. вику менаджере компанийох у ЗАД звичайно вибераю костими за представу. Велї костими вжати зоз ,,хижох'' за пожичку; а даскельо дизайновани. Гоч су признати дизайнере у других театралних дисциплинох, мало хто ше специялизовал за костими. Даскельо зоз нїх були Caroline Siedle, C. Wilhelm, Percy Anderson, and Mrs. John Alexander. (2)

У 20. вику дизайнере филмских костимох як цо Edith Head и Adrian постали познати. Познєйше, тоти хтори робя на телевизиї як цо то Nolan Miller ( Dynasty ), Janie Bryant ( Mad Men ), и Patricia Field ( Sex and the City ) поставаю вше визначнєйши, даєдни поставаю авторе креацийох и маю власни линиї облєчива и драгоциносцох - рижних прикраскох [3]

Ґалерия

Костими за Харлекин и Колумбину, театер у Тиволи Ґарденсу, Данска.
Креация костимоґрафа за Шекспировo дїло.
Филмски костими у студию Чинечита, Рим, Италия

Вонкашня вяза

Kostimograf i njegov tim kostimografija.hr
Costume Designers Guild, I.A.T.S.E. Local 892".

Референци

1. https://karijera.bos.rs/zanimanja/show_info/266 „Baza zanimanja”. BOŠ Karijera. Приступљено 2019-07-26.

2.https://howtomakeaman.wordpress.com/2015/07/16/costume-designers/ Как работает художник по костюмам? How To Make A Man. Дата обращения: 2 ноября 2015.

3. King, Kimball. Western Drama through the Ages: A Student Reference Guide. Westport, CT: Greenwood, 2007. 534. Print.

4. Meltzer, Marisa (2013-09-19). „Get Me Wardrobe!”. The New York Times p E1. стр. E1.