Космачки

Космачки
	Плоди космачки
Наукова класификация
Домен	Eukaryota
Царство	Plantae
Роздїл	Magnoliophyta
Класа	Magnoliopsida
Ряд	Saxifragales
Фамилия	Grossulariaceae
Род	Ribes
Файта	R. uva-crispa
Биномне мено
Ribes uva-crispa	L.
Синоними
	Grossularia reclinata (L.) Mill.
	Ribes grossularia L.
	Ribes reclinatum L.

Космачки (лат. Ribes uva-crispa) то файта овоци зоз роду рибизлох (Ribes).

Опис рошлїни

Космачки рошню як черяк висини 1–3 m.^[1]^[2]Стебло ма цернє и тризубкасти по пейцзубкасти лїсца хтори зоз стебла рошню раз єдно раз друге. Квитки дзвонасти, маю по пейц лїсточка, поєдинєчни су, лєбо у ґрупох по три квитки. Плоди космачки векши од бобкох других файтох рибизлох, желєнкаво-жовти су, лєбо целово. Квитки и плоди маю по себе мохотки, алє єст и файти зоз гладку лупку (еґзокарпом). Смак плодох сладко-кваскави.

Животни вик рошлїни у просеку 15 роки, почина давац плоди после другого рока, а полну родносц ма медзи 5. и 8. роком. Витримовна є на нїзки температури и може витримац по -25 °C, алє нє одвитую єй високи лєтни температури хтори можу очкодовац лїсце.

Ма вельо провитамину А, пиридоксину, биотину 9 и витамину Ц. Зоз минералох ту манґан, маґнезий, калий, цинк и силиций.^[3]