Козма и Дамян
Святи Козма и Дамян, двойнята, жили концом III и на початку IV вику, були лїкаре и чудотворци[1]. Браца були родом зоз Азиї, оцец им бул безбожнїк, а мац християнка.
После оцовей шмерци, мац Теодосия уложела шицок труд же би синох одховала по християнски. Кед одросли и виучели ше за лїкарох, лїчели хорих по Христовей заповиди: „Безплатно сце прияли, безплатно и давайце”. Лїчели без надополнєня, помагали охореним нє лєм зоз своїм здобутим знаньом, алє и духовно, нависцуюци Eвангелию Исуса Христа, та их прето наволали безсребренїки. Зоз таку свою добродзечну роботу велїх безбожнїкох преведли до вирнїкох [2]
Под час панованя цара Диоклецияна, велї християнє, та так и Козма и Дамян, були влапени по розказу Лизия, префекта римскей провинциї Цилициї, хтори наказал же би ше их мучело най ше одрекню християнства. Спрам леґенди, браца остали вирни Исусови и попри того же були каменьовани и на концу повишани на криж. Глави им були одрубани. Таку судьбу дожили и їх младши браца Антим, Леонтий и Епрепий. Поховани су у месце Фереман, 284. року.
Святосц
[ушориц | ушор жридло]Святи Козма ше нєшка представя як защитнїк лїкарох, а Святи Дамян як защитнїк фармацевтох. У уметносци ше их приказує зоз медицинскима символами и амблемами. Спомина ше их у католїцких и православних богослуженьох[3], а тиж так ше швето з їх менами швеци и у Анґликанскей заєднїци.
Литература
[ушориц | ушор жридло]- Дзвони, християнски часопис, новембер 2022, бок 10
Вонкашня вяза
[ушориц | ушор жридло]- Свети мученици и бесребреници Козма и Дамјан, spc.rs
- Catholic Encyclopedia: Sts. Cosmas and Damia, www.newadvent.org
Референци
[ушориц | ушор жридло]- ↑ „Свети бесребреници и чудотворци Козма и Дамјан”. Епархија жичка (на језику: српски). Приступљено 2024-01-24.
- ↑ Catholic Encyclopedia: "Sts. Cosmas and Damian", www.newadvent.org
- ↑ Tekst molitve Litanija Svetaca na latinskom i engleskom, Pristupljeno 25. rujna 2009.