Ключ (музика)

G и F ключ

Ключ (франц.‍ и анґл. clef ) ^[1]^[2] то музична ознака за обсяг висини тонох хтори буду записани у нотним систему (линийней системи). На початку линийней системи пише ше знак хтори ше вола ключ на основи хторого ше одредзує мено ноти и єй октава (хторей октави ноти припадаю). Нєшка музична нотация позна вецей файти ключох. У нєшкайших партитурох за инструменти зоз одредзну висину тонох ше найчастейше хасную три ключи: ^[3]

● G, F, C односно ключи: виолински Ґе, бас-Еф за инструменталне гранє, и алт-Це ключ

● G и F часто и алт-ключ за вокалне шпиванє.

Шицки ключи доставаю мено по тону зоз хторим ше їх позиция у нотним систему означує. (напр. G ключ по тону g, F по тону - f, C- по тону c¹).

Kлючи и знак *8^va* транспозиция за октаву *^{↓ и ↑ .}*

Кед же ше над або под ключом находзи таке число 8^va, тота ознака означує транспозицию тонох у партитури за єдну октаву нависше: а) (кед число над ключом) б) або нанїжей (кед число под ключом). По правилох тота ознака ше стрета лєм у G (Ґе), и F (Еф) ключох.

Файти ключох

Ту приказани ключи лєм тоти хтори ше найвецей у музичней литераури хасную:

G - ключ (або виолински ключ або Ґе-ключ)

Записує ше го од другей линиї и дава мено ноти g¹ (сол) у першей октави.

Виолински ключ найбаржей хасную инструменти: виолина, флаута, обоа, кларинет, саксофон, труба, oбоа. Тиж кед ше грає зоз праву руку на гарфи и на клавиру, з праву руку на гармоники (дискант –типки лєбо ,,ґомбички"), єдна часц на удерних инструментох. До линийовей системи зазначую ше ноти зоз першей и єдна часц зоз другей октави, док ше ноти часц другей, у трецей, штвартей, пиятей октави записую з помоцу помоцних линийох (помоцнїцох) над линийовей системи.

F - ключ (бас ключ або Еф ключ)

Зазначує ше го од штвартей линиї и дава мено ноти f (фа) у малей октави. Бас

Бас ключ, ознака 8va за транспозицию октавох

Ключ хасную тоти инструменти:

виолончело, контрабас, хорна, тромбон, бас кларинет, фаґот, гармоника (лїва рука-баси), на клавиру лїва рука и гарфа. Тони субконтри и контра октави зазначуєме з помоцнима линиями–смужками (помоцнїцами) под линийову систему.

C - ключи (вокални ключи Це)

C-ключи ше волаю и вокални ключи прето же су вигодни за зазначованє шпивацких гласох. Шицки даваю мено ноти це¹ (до) у першей октави. Найчастейше ше хасную алт и тенор ключ.

Алт ключ (або алтов ключ)

Зазначує ше на трецей линиї и дава мено ноти це¹ (до у першей октави) на трецей линиї. Алтов ключ хаснує виола.

Тенор ключ (або теноров ключ)

Хаснує ше на штвартей линиї и дава мено ноти це¹ (до у першей октави) на штвартей линиї. Теноров ключ хасную инструменти виолончело, фаґот, и тромбон за високи ноти же би ше заобишло писанє вельо помоцнїци (помоцни смужки).

Теноров (тенорски) ключ за тромбони, по правилох, ше хаснує бас (Еф) ключ. Случує ше же у новим чаше високи тони мелодийох за тоти инструменти ше присподобюю до тенорово ключа же би ше заобишло части пременки у цеку дїла зоз бас на виолонски ключ мелодийских часцох за тоти инструменти у партитурох.^[4]

Сопрански ключ

Попри тих найчастейше хаснованих ключох исную и сопрански ключ (тон Це на першей линиї од долу) и мецосопрански ключ (тон Це на другей линиї од долу) хтори ище познати и як флауталт-прето же ше у тим ключу пишу часци мелодиї за алт флаути. Сопрански ключ ше дакеди хасновал за мелодйни часци за виолину и А-кларинети.

Шицки тоти ключи хторих було аж осем, були уведзени и хасновани у чаше ренесанси кед ше започало зоз друкованьом нотних музикалийох. Случовали ше теди вельки проблеми у друкованю помоцних линийох (над и под линийову систему) хтори були ефикасно заобидзени зоз хаснованьом тих ключох. Гоч нєшка таки проблеми нє постоя, заш лєм горе наведзени ключи ше отримали у меншей мири у нєшкайшей музичней литератури.

Историйне огляднуце

Еволуция виолоинского G (Ґе) ключа

Ключи ше источасно зявели зоз розвойом линеарней нотациї, пре потребу повязованя нотох и линийох зоз одредзену ,,контролу" тонох спрам висини. Ключи спочатку були ґрафеми Дазийовей нотациї (у трактатох Псеудо-Хукбалда, 9-10. вик). Ґвидо зоз Ареца (коло 1020. року) предложел хаснованє латинских нотних буквох у виду ключох (же би ше птолковали вредносци тонох неумовей нотациї). Од широкого хаснованя нотней системи на Захаду (коло 12. вику), ключи постали сущни елемент линеарней музичней нотациї.

Приказ записованя файтох ключох у линийней системи:

Вонкашнї вязи

Note, Linijski sistem, Ključ, Teorija muzike 3 youtube.com
Beleženje nota po G i F ključu │Teorija muzike│4 youtube.com
Ključevi - Violinski, Basov i Altov ključ youtube.com
Марко Тайчевић, Основи муѕичке теорије б. 13-27

Референци

↑ „music dictionary”. dolmetsch.com. Приступљено 26. 7. 2022.
↑ „Mastering the bass clef – how to read the notes for your left hand”. skoove.com. Приступљено 26. 7. 2022.
↑ Соловьёв Н. Ф.Ключ, в нотном письме // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.]
↑ Неслучайно, в нотации (чисто) инструментальной музыки понимание «низких» и «высоких» ключей как маркеров транспозиции не наблюдается. Если такие ключи встречались, они использовались в прямом значении, то есть in C.

[1] „music dictionary”. dolmetsch.com. Приступљено 26. 7. 2022.

[2] „Mastering the bass clef – how to read the notes for your left hand”. skoove.com. Приступљено 26. 7. 2022.

[3] Соловьёв Н. Ф.Ключ, в нотном письме // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.]

[4] Неслучайно, в нотации (чисто) инструментальной музыки понимание «низких» и «высоких» ключей как маркеров транспозиции не наблюдается. Если такие ключи встречались, они использовались в прямом значении, то есть in C.

[1]

[2]

[3]

[4]