Клатка
Клатка (серб. катанац, локот; поль. kłódka; укр. вися́чий замок, коло́дка; рсй. навесно́й замо́к) то преношаци замчок хтори ше хаснує за защиту од нєавторизованого хаснованя, вандализма и крадзи.
.jpg)
История
[ушориц | ушор жридло]Клатки ше хасновало у Китаю под час династиї Хан (25-220. року). Правело ше их з бронзи, месинґу, стрибла и других материялох. Перши китайски клатки були направени найчастейше з бронзи.[1]
Пренайдзени клатки з римского периоду (500 роки п.н.е. ˗ 200. року н.е.).[2] Хасновали их тарґовци хтори путовали до Азиї и Китаю.[3]
Перши клатки у Анґлиї направени 850 роки н.е., а пренайдзени су у Йорку, у викинґским населєню Йорвик.
Замиканє телефона
[ушориц | ушор жридло]Телефони з кружним обрацаньом числох велї замикали з окремну клатку. На тот способ нє могло волац нїкого з того телефона тот цо нє мал ключ, алє ше телефонски поволанки могло примац.
Файти клаткох
[ушориц | ушор жридло]Єст вельо файти клаткох: за капури, дзвери, ґаражи, пиньвици, за авта, бициґли, куфри итд. Даєдни ше замикаю з ключом, а даєдни зоз шифру.
Референци
[ушориц | ушор жридло]- ↑ Chi Sung Laih (22. 1. 2004). Advances in Cryptology: 9th International Conference on the Theory and Application of Cryptology and Information Security.
- ↑ „Roman padlocks”. www.historicallocks.com. 22. 1. 2008. Архивирано из оригинала 8. 10. 2011. г. Приступљено 01.08.2026.
- ↑ „An Introduction to the History of Locks”. Locks.ru. Приступљено 01.08.2026.
Литература
[ушориц | ушор жридло]- Chi Sung Laih (2004). Advances in Cryptology: 9th International Conference on the Theory and Application of Cryptology and Information Security. Springer. стр. 326—329. ISBN
- Сербско-руски словнїк I, А – Њ, Нови Сад 1995, б. 311.