Камена ружа

Камена ружа
Наукова класификация
Царство	Plantae
Кладус	Tracheophytes
Кладус	Angiospermae
Ряд	Saxifragales
Фамилия	Crassulaceae
Род	Sempervivum
Файта	S. tectorum
Биномне мено
	Sempervivum tectorum
	L.

Камена ружа (лат. Sempervivum tectorum, серб. чуваркућа) вецейрочна лїсцаста рошлїна з истоменового роду (Sempervivum). Назва походзи и од слова semper vivеre — „стаємно жива”, и слова tectorum — „закрице”.^[1]

Висока є од 10 до 30 cm, лїсца розетасти, черепасти и при верху червени. На верху стаебелка гвиздасти квитки червеней фарби, при даєдних подфайтох и червено-лиловкасти або жовти.

Камена ружа рошнє на стинох, мурох, закрицох и лєгко ше отримує. Панує прешвеченє же чува од грома, хоротох и босоркох.

У каменей ружи єст танину, шлїжи, смоли, калцийового малату, масного олєю, брамушковей и яблуковей квашнїни.

Опис

Камена ружа припада сукулентом (сочним рошлїном), ма месасти лїсца полни з воду. Лїсца ланцетасти и зоз закончисценим верхом^[1]. Рошлїна квитнє у периодзе од юлия до авґуста.

Розмножованє

Рошлїна барз одпорна, дзекуюци лїстком у хторих єст вельо води и може прежиц сушу. Барз ше лєгко розмножує, зоз столонами або ше самостойнє може розвиц нова рошлїна з лїсца, веґетативно.

Загроженосц и защита

Даєдни файти того роду защицени з боку держави.

Лїковити прикмети

Хаснує ше сок з тей рошлїни и то або зоз цалей швижей рошлїни (Sempervivum tectori succus), або ше хаснує лєм лїсце (Sempervivum tectori folium), при запалєню уха.

У медицини ше хаснує як сок процив опеклїнох, герпесу, вредох.

Тинктуру зоз каменей ружи ше хаснує як гомеопатски препарат процив запалєня гарла^[2].

Литература

Чуваркућа

Вонкашня вяза

Референци

↑ ^1,0 ^1,1 „Čuvarkuća (Sempervivum tectorum)”. Plantea (на язику:горватски). 2014-11-05. Приступљено 2019-08-17.
↑ Д. Миловановић, Атлас лековитог биља, Београд, 1975.