Прейдз на змист

Йоґурт

Материял зоз Википедиї

Йоґурт настава у природним процесу ферментациї млєка з помоцу бактерийох.[1][2] Под дїйством бактерийох приходзи до ферментациї, при чим млєчни цукер (лактоза) преходзи до млєчней квашнїни. Тот процес вихасновани за индустрийне доставанє йоґурту.

Йоґурт ше продукує з хасновамьом култури Lactobacillus delbrueckii subsp. bulgaricus и бактериї Streptococcus thermophilus. Коло того, други лактобацили и бифидобактериї ше дзкеди додава под час або после култивованя йоґурту. Даєдни жеми вимагаю же би у йоґурту було и одредзене количество єдинкох формованя колониї (ЦФУ) бактерийох; у Китаю, наприклад, вимаганє за числом бактерийох лактобацилу найменєй 1 милион ЦФУ по милилитри.[3]

Турски йоґурт
Лакотка зоз йоґуртом

Же би ше направело йоґурт, млєко ше перше зогрива, звичайно на коло 85 °C же би ше млєчни протеїни денатуровали так же би нє формовали серватку. После зогриваня, млєко ше зохаби най ше охладзи на коло 45 °C.[4] Бактерийску културу ше помиша и лїтну температуру од 30-45 °C ше отримує 4 до 12 годзини же би ше оможлївено ферментацию, при чим висши температури дїйствую швидше, алє ше ризикує наставанє грудкастей текстури або серватки при роздвойованю.[5][6]

Правенє йоґурту

[ушориц | ушор жридло]

Под поняцом йоґурт як поживового артиклу ше подрозумює получечни млєчни продукт хтори ше достава зоз зогриваньом млєка и додаваньом бактерийох млєчней квашнїни (Lactobacillus bulgaricus и Streptococcus thermophilus). На температури 42-45 °C за 2-4 годзини приходзи до ферментациї и скисаня млєка. После того йоґурт ше хладзи, з чим ше спомалшує скисанє и предлужує тирвацосц. Йоґурт ма коло 0,7% млєчней квашнїни.

Йоґурт мож на єдноставни способ направиц и дома. Треба зограц млєко на 40-42 °C, додац дакус йоґурту (на 2 литри млєка досц деца йоґурту), добре премишац и зохабиц закрите на цеплим месце 2-3 годзини. После того го треба положиц до фрижидера.

Нутритивна вредносц йоґурту

[ушориц | ушор жридло]

У йоґурту єст надосц протеїни, калциюму, витамину Б2 (конкретно рибофлавину) и витамину Б12.[7]

Особи хтори нє подноша млєчни цукер (лактозу) можу шлєбодно пиц йоґурт, бо лактоза у процесу ферментациї преходзи до млєчней квашнїни.[8] Йоґурт ше тиж хаснує и у медицини, конкретно за лїченє проблемох системи за претровйованє и за зоперанє дияреї (преганячки) хтора спричинєна з антибиотиками.[9]

Нутритивна вредносц йоґурту на 100 ґрами
Енерґетска вредносц: 61 kCal
Протеїни: 3,5 g
Угльово гидрати: 4,7 g
Цукри: 4,7 g
Влакна: 0 g
Масци: 3,3 g

Варияциї

Же би ше ублажело природну квашносц йоґурту, мож го засладзиц, додац присмачки або помишац з овоцу.

Походзенє слова

[ушориц | ушор жридло]

Слово „йоґурт“ пришло до нашого язика прейґ сербского, а до себского з турского [10] (тур. yoğurt) у хторим настало од слова yoğurmak (сцискац ше) и yoğun (густе). Исту фoрму слова хасную шицки славянски язики (рсй. йо́гурт, укр. йогýрт, слц. jogurt, поль. jogurt, та и мадярски joghurt).[11]

История

[ушориц | ушор жридло]

Анализа L. delbrueckii subsp. bulgaricus ґеному указує же бактерия найскорей настала на поверхносци рошлїни.[12] Млєко можебуц було спонтано и нєнароком виложене контактом з рошлїнами або ше бактериї пренєсли з вимня домашнїх животиньох хтори даваю млєко.[13] Походзенє йоґурта нєпознате, алє ше рахує же є видумани у Месопотамиї коло 5000 роки пред нову еру.

Аж по 1900-ти роки, йоґурт бул основне єдло у костираню людзох русийскей империї (а окреме у централней Азиї и Кавказу), заходней Азиї, юговосточней Европи/Балкану, централней Европи и индийском подконтиненту. Стамен Ґриґоров (1878-1945), болгарски студент медицини у Женеви, перши випитал микрофлору болгарского йоґурту. Року 1905. описал же ше состої зоз сферичних и палїчкастих бактерийох хтори продукую млєчну квашнїну. Року 1907, бактерия хтора здабе на палїчку наволана Bacillus bulgaricus (тераз Lactobacillus delbrueckii subsp. bulgaricus). Русийски биолоґ и нобеловец Иля Мечников, з Институту Пастер у Паризу, бул под уплївом Ґриґоровей роботи и предпоставел же порядне конзумованє йоґурту доприноши нєзвичайно длугому животному вику болгарских селянох.

Исак Карасо индустриялизовал продукцию йоґурту. Року 1919, Карасо, хтори бул з отоманского Солуну, отворел малу роботню з йоґуртом у Барселони, у Шпаниї, и наволал ю Данон („мали Даниєл“) по свойому синови. Бренд ше познєйше преширел на Зєдинєни Держави под американизовану верзию мена: Данон. Йоґурт з додатком овоцового джему патентовала 1933. року млєчарня Radlická Mlékárna у Праги.

Вонкашнї вязи

[ушориц | ушор жридло]
  1. ↑ meaning in the Cambridge English Dictionary”. dictionary.cambridge.org (на језику: енглески). Приступљено 17. 2. 2020.
  2. ↑ Yogurt: from Part 131 – Milk and Cream. Subpart B – Requirements for Specific Standardized Milk and Cream, Sec. 131.200”. Code of Federal Regulations, Title 21, US Food and Drug Administration. 1. 4. 2016.
  3. ↑ Lee YK, et al. (2012). „Probiotic Regulation in Asian Countries”. Ур.: Lahtinen S. Lactic Acid Bacteria: Microbiological and Functional Aspects (Fourth изд.). Boca Raton: CRC Press. стр. 712. 9780824753320.
  4. ↑ Chandan, Ramesh C.; Kilara, Arun (22. 12. 2010). [Dairy Ingredients for Food Processing.] John Wiley & Sons. стр. 1—. ISBN 978-0-470-95912-1.
  5. ↑ Clark, Melissa. „Creamy Homemade Yogurt Recipe”. NYT Cooking. Приступљено 19. 3. 2017.
  6. ↑ „The Science of Great Yogurt”. Приступљено 28. 9. 2021.
  7. ↑ Yale-New havel Hospital nutrition advisor - Understanding yogurt”. Архивирано из оригинала 06. 10. 2008. г. Приступљено 06. 12. 2008.
  8. ↑ Adolfsson, Oskar; Meydani, Simin Nikbin; Russell, Robert M. (2004). „Yogurt and gut function”. American Journal of Clinical Nutrition. 80 (2): 245—256. PMID 15277142. doi:10.1093/ajcn/80.2.245.
  9. ↑ Beniwal, Ripudaman S.; Arena, Vincent C.; Thomas, Leno; Narla, Sudhir; Imperiale, Thomas F.; Chaudhry, Rauf A.; Ahmad, Usman A. (октобар 2003). „A Randomized Trial of Yogurt for Prevention of Antibiotic-Associated Diarrhea”. Digestive Diseases and Sciences. 48 (10): 2077—2082. [PMID 14627358.] doi:10.1023/A:1026155328638.
  10. ↑ „Речник Меријам-Вебстер онлајн: Јогурт”. Архивирано из оригинала 27. 02. 2012. г. Приступљено 06. 12. 2008.
  11. ↑ [Чланак Ахмета Топрака о јогурту]
  12. ↑ „The sequence of the lactobacillus genome in yogurt unveiled”. 16. 6. 2006. Архивирано из оригинала 23. 08. 2006. г. Приступљено 16. 1. 2012.
  13. ↑ „Yogurt Culture Evolves”. livescience.com. 9. 6. 2006. Приступљено 16. 1. 2012.
Превьате зоз "https://rsk.wikipedia.org/w/index.php?title=Йоґурт&oldid=20759"