Зубодлобка
Зубодлобка то єдно з основних средствох за отримованє оралней гиґиєни. Служи за одстраньованє остаткох єдзеня медзи зубами, та ю прето хасную углавним старши особи при хторих пришло до поцагованя ясна и звекшаня интерденталного простору. Прави ше з розличних материялох (древа, пластики, металу, животиньских косцох и под). Можу буц троугластей або округлей форми, а на єдном або обидвох концох су заоштрени так же би могли войсц до интерденталного простору. Хаснованє зубодлобки ше нє препоручує при дзецох бо при нїх очувана папила медзи зубами, так же отримованє оралней гиґиєни можлїве з помоцу щеточки и пасти.
Окрем за отримованє оралней гиґиєни, зубодлобка ше хаснує при єдзеню менших фалаткох а тиж и нарезаней овоци, за украшованє коктелох итд.
Литература
[ушориц | ушор жридло]- М. Вуловић, Д. Белоица, М. Гајић, Р. Стевановић, М. Ивановић, М. Царевић, З. Вулићевић, Д. Марковић: Превентивна стоматологија, Београд 2002.