Заяц
| Заяц | |
|---|---|
_close-up_(30544290256)_(2).jpg) | |
Заяц (Lepus saxatilis) | |
| Наукова класификация | |
| Царство | Animalia |
| Тип | Chordata |
| Класа | Mammalia |
| Ряд | Lagomorpha |
| Фамилия | Leporidae |
| Биномне мено | |
| Lepus timidus | |
| Linnaeus, 1758 | |
Заяц зоол.(лат. Lepus)) спада до роду дробних цицарох зоз фамилиї заяцох, у рамикох ряду двозубих. Род заяцох ше од домашнього заяца (серб. кунић)(Leporidae) розликує по способе живота (заяци нє гребу дзири) и заячата на швет приходза скоро цалком способни за самостойни живот.
Зaяци рошлїноєди, и жию сами лєбо у пару. Активни су пред вечаром и вноци, а през дзень ше скриваю у благих углїбеньох, браздох лєбо черякох. Заяци маю моцни заднї ноги и вельки уха хтори им служа и за хладзенє. Заяци по походзеню зоз Африки, Евроазиї и Сиверней Америки.
Покарма им углавним рошлїнска. Влєце єдза траву, лїсцасти рошлїни и шаца, вжиме конарчки, пупча, скору младих древкох.
Биолоґия
[ушориц | ушор жридло]Заяци швидки животинї и кратки час можу бажац и до 80 km/h. На векших оддалєносцох, европски заяц (лат. Lepus europaeus) може бежац зоз швидкосцу до 55 km/h. Пейц файти америцких заяцох у централней и заходней Сиверней Америки можу на длугших релацийох бежац зоз швидкосцу од 65 km/h и источасно скакац и до 3 метери високо.
Звичайно ганьблїва животиня, заяц меня свойо справовнє наяр, кед их през дзень мож видзиц як ше оганяю. Випатра же то змаганє медзи самцами же би посцигли доминацию у розмножованю. У тим ярнїм бависку мож видзиц и же ше „боксую“, кед єден заяц биє другодо зоз лабами. И заячици знаю „боксовац” самцох кед им нє сцу допущиц же би ше парели.
Розлика од домашнього (питомого) заяца
[ушориц | ушор жридло]Главни наслов: Домашнї заяц
Векшина домашнїх заяцох (сербски: кунић) жиє под жему у дзирох, а дзиви заяци жию у єдноставних гнїздох над жему и обично нє жию у ґрупох. Дзиви заяци нє приноша на швет свойо заячата под жему у дзирох як други лепориди, алє у плїтких гнїздочкох у трави. Млади заячата ше народзую подполно способни за самостойни живот зоз шерсцу и з отворенима очми. Процивно тому, домашнї заяци, маю млади котри ше народзую шлєпи и без шерсци.
Пожива
[ушориц | ушор жридло]Месо
[ушориц | ушор жридло]И дзиви и домашнї заяци вельочислени у велїх обласцох, прилагодзую ше найрозличнєйшим условийом и швидко ше розмножую, так же ше їх месо часто хаснує за поживу. Дзиви заяци ше ловя, а питоми ше ховаю.
Литература
[ушориц | ушор жридло]- Биологија 6, ЛОГОС, Драгана Милић и Имре Кризманић. ISBN 978-86-6109-044-8..
- Chapman, Joseph; Flux, John (1990). Rabbits, Hares and Pikas : Status Survey and Conservation Action Plan. IUCN Species Survival Commission (SSC), Lagomorph Specialist Group. p. 2. ISBN 2831700191.