Заруцовачка
Заруцовачка – файта малей хустки:
Заруцовачка була мала хустка, заруцовало ше ю на хрибет и на плєца, алє ю нє мож було завязац на хрибце:
Кажда дзивка, кед ишла на драгу, патрела нашвидко закруциц власи и положиц билу хусточку на главу, а вжиме заруцовачку, загульовачку.
Заруцовачка була вельо менша од хустки, штрикана з волни у хторей були попреплєтани гадвабни нїтки и на концох мала ройти зоз зошульканей волни або вати. Заруцовачки були блядих фарбох – били або целово. Нє ношело ше их поверх якньох або байкох, алє лєм поверх блузнох (як даяка файта нєшкайших пелеринох).
Кед ше заруцовачку положело на главу, волало ше ю загульовачка. Вона була нє лєм заруцена на главу, алє и завязана на задку коло шиї.
Литература
[ушориц | ушор жридло]- Словнїк руского народного язика А – Н, Нови Сад 2017, б. 482