Закон (право)

Закон то нормативни акт держави хтори точно по одредзеним поступку приноши єй законодавни орґан. Закон, после устава, найвисши найважнєйши правни акт и шицки други правни акти у держави муша буц у складзе з нїм бо вони акти нїзшей правней моци (подзаконски акти).

Зоз законами ше ушорюю дружтвени одношеня у шицких обласцох живота. Зоз законом ше дружтвени правила претвоюю до нормох, хтори обовязуюци за шицких гражданох.

Законодавни орґан то:

♦ у Сербиї - Народна скупштина,

♦ у Горватскей - Горватски Собор,

♦ у ЗАД - Конґрес

у векшини жемох то, єдноставно, парламент.

Треба розликовац закони и законїки. Закон ушорює одредзену конкретну материю правного систему (напр. виновни закон), а законїк ма общейши характер - вон ушорює ширшу обласц oд закона. Приклади за законїки то Наполеонов законїк або историйно познати Гамурабийов законїк або Душанов законїк.

Файти законох

У пракси маме три основни файти законох:

каребни закон ше занїма зоз караньом людзох хтори зробели даяке злодїйство

граждански закон ше занїма зоз случаями вязанима за загрожованє дачиїх правох, насампредз маєткових, напр. кед єдна особа потупи контракт хтори подписала з другу особу, може буц тужена за надополнєнє чкоди

медзинародне явне право реґулує медзисобни одношеня державох. Медзинародне право у векшей мири одредзене зоз спорозуменями, конвенциями и декларациями, одреднїци медзинародного права вязани за вецейвиково обичаї.

Окрем основних маме и тоти закони:

фамилийни закон реґулує одношеня медзи малженскима парами, родичами и дзецми, та медзи фамелиями

вирски закон реґулує одношеня поєдинца зоз фамелию, сушедами, державу, а управя и з особнима одношенями з Богом. Часто ше, особлїво у исламских жемох, державни закон опера на вирски.

Референци

„Правна енциклопедия“ – Сучасна администрация, Беоґрад, 1985.

Вонкашнї вязи

„Службени гласник Републике Србије"

Zakoni Srbije, zakoni u pripremi.
Nacrti zakona, zakoni na engleskom jeziku

U pravu si - vodič kroz zakon