Жовти отровнїк
| Жовти отровнїк | |
|---|---|
 | |
| Наукова класификация | |
| Домен | Eukaryota |
| Царство | Plantae |
| Роздїл | Magnoliophyta |
| Класа | Magnoliopsida |
| Ряд | Ranunculales |
| Фамелия | Ranunculaceae |
| Род | Ranunculus |
| Биномне мено | |
| Ranunculus polyanthemos | L. |
Жовти отровнїк (лат. Ranunculus, серб. љутић) вецейрочна лїсцаста рошлїна (єст коло 2450 файти хтори ґруповани до 62 родох), висока до 50 центи, з дробнима жовтима, златножовтима и сумпорножовтима квитками. Розширена є углавним на влажних местох (на пажицох, коло барох, по яркох итд.) Кед є швижи, жовти отровнїк - отровни. Нє ридки случаї трованя людзох и статку. Осушени жовти отровнїк, медзитим, нє отровни. У народней медицини ше препоручує при регоми, ишиясу, больох у крижох, и то лєм звонка, осторожнє. Длугше триманє на скори може спричинїц боляце джобанє, та и рани.
Опис рошлїни
[ушориц | ушор жридло]
Жовти отровнїк ма горизонталне стебелко, високи є од 20 до 80 центи. Стебелко розконарене и мохоткаве, окреме у споднєй часци. Прижемни лїсца маю конарчки, мохоткави су и пальцасто подзелєни. Верхнї лїсца шедзаци. Квитки маю мохоткасти квитково конарчки. У венчику єст 5 лїсцочка жлатножовтей або жовтей фарби, хтори ше блїща. Погариково лїсцочка тиж єст 5, желєней су фарби и маю мохотку. Прашнїки єст нєодредзєне число, а тлучки тиж так вельо. Плоди округли, з боку дакус скляпчисцени, нєт на нїх мохотки и длугоки су од 3 до 5 милиметри. Квитнє од початку мая по конєц юлия, a нашенє ключка аж на єшень.
Бивальнїк
[ушориц | ушор жридло]Трима ше же жовти отровнїк по походзеню з лєсових степох Восточней Европи. Рошнє у цеплих лєсох, у черякох, на пажицох, коло драгох. Люби слунковите место. Тей рошлїни нє одвитую бивальнїки хтори богати зоз глїну або тресетом и нє подноши квашни жеми.
Литература
[ушориц | ушор жридло]- Енциклопедия Нового Саду 13, ЛЕС – МАП, Нови Сад 1999, б. 150
- Радмила Шовлянски, Словнїк защити рошлїнох и животного стредку (сербско-руско-анґлийско-латински), Нови Сад 2010, б. 131
Вонкашнї вязи
[ушориц | ушор жридло]- Ljutić Ranunculus, gimnazijaso.edu.rs
- Многоцветни љутић, sr.wikipedia.org, 29. юни 2019.
- Ranunculus polyanthemos L., powo.science.kew.org,
- Multiflowered Buttercup, luontoportti.com.