Жвератко

Вазна у жвертаку

Жвератко то оптична справа. Оптична прето же дїйствує у медию такволаней видлївей шветлосци. То кажда вигладкана поверхносц хторей нєровнїна менша од габовей длужини шветлосци. Тоти нєровнїни менши од габовей длужини електромаґнетних габох у обсягу од 400 нанометрох (nm), або 400x10-9 m до 700 нанометрох – т.є. обсяг медзи инфрачервеним и ултралиловим зарйованьом.

Жвератко може буц вигладкана метална або метализована склєняна плоча. Зависно од фурми вигладканей поверхносци, жвератко може буц ровне або закривене. Закривене жвератко може буц конкавне або конвексне. Конкавни жвератка то жвератка зоз угнутима поверхносцами, а конвексни зоз випупченима поверхносцами.

История

Праистория

Перши жвератка хтори людзе хасновали найскорей були базени цмей, мирней води або води назбераней у даякей файти примитивней судзини. Вимаганя за виробок доброго жвератка то поверхносц зоз барз високим ступньом ровносци (по можлївосци, алє нє нужно зоз високу рефлективносцу) и рапавосц поверхносци менша од габовей длужини шветлосци.

Найвчаснєйши випродуковани жвератка були фалати полированого каменя як цо то обсидиян, вулканске скло хторе ше природно зявює. Приклади жвераткох зоз обсидияну пренайдзени у Анадолиї (нєшкайша Турска) датировани на коло 6000 роки п.н.е.. Жвератка зоз полированого бакру робени у Месопотамиї од 4000 року п.н.е.,(5) а у старим Єгипту од коло 3000 року п.н.е.(6) Жвератка з полированого каменя зоз Централней и Южней Америки датирую од коло 2000. року п.н.е.(5)

Бронзови час по вчаснєйши штреднї вик

По бронзови час векшина културох хасновала жвератка зоз швицацих бронзових, бакарних, стриберних дискох або дискох з других металох.(7) Жителє Керми у Нубиї були схопни у продукованю жвераткох. Остатки їх пецох зоз бронзи пренайдзени у храме Керме.(8) У Китаю ше жвератка зоз бронзи продуковало од коло 2000. року пред нову еру. Таки метални жвератка остали як норма по греческо-римску антику и през цали штреднї вик у Европи.(10) Под час Римского царства стриберни жвератка хасновали аж и слугове.(11)

Спекулум метал то високорефлектуюца леґура бакру и цину хтору ше хасновало за жвератка по даскелї предходни вики. Таки жвератка можебуц походза зоз Китаю и Индиї.(12) Жвератка зоз спекулового металу або гоч хторого племенїтого металу було чежко випродуковац, а були у власнїцстве лєм богатих.(13)

Обични метални жвератка ше зацемньовало и вони вимагали часте полированє. Бронзово жвератка мали малу рефлективносц и подлу репродукцию Фарба, а камени жвертака у тим поглядзе були вельо горши. (14):11

Жвератко у транспорту

Жвератко у физики

Жвератко у физики то кажда гладка поверхносц хтора одбива або рефлектує шветлосц. Жвератка ше дзеля на ровни и закривени. Попри хаснованя у каждодньовим живоце, жвератко ма вельку применку у астрономских двоглядох и телескопох. За каждодньову применку ше продукує жвератка зоз скла, хторим задня поверхносц прецагнута зоз рефлектуюцим металним пасмом и защитним пасмом хторе защицує рефлексийну поверхносц од очкодованя.

Файти жвераткох

♦ Ровне жвератко

♦ Углове жвератко

♦ Сферне жвератко

♦ Параболичне жвератко

Жвератко у Версаю

♦ Хаснованє жвератка

Дияпазон хаснованя и хасну од жвератка широки:

• у зложенших оптичних инструментох як цо фотоапарати, микроскопи, а окреме при оптичних телескопох-рефлекторох, хтори маю найменєй два жвератка, єдно ровне елиптичне, а друге окреме важне, конкавне, хторе твори обєктив телескопу;

• у велїх медицинских и технїчних апаратох;

• у автомобилскей индустриї;

• як домашнї жвератка и мали дамски жвератка.

Характеристики випатрунку (твари, слики) у жвератку

Достати випатрунок може буц, у зависносци од того дзе ше находзи:

1. правдиви (кед же є з истого боку жвератка як и предмет) або нєправдиви (кед же є зоз процивного буку жвератка як предмет);
2. истей велькосци як и предмет, звекшани або зменшани;
3. обрацени або випросцени;
4. заменєни лїви и прави бок;
5. симетрични предмету у одношеню на жвератко;
6. єднак оддалєни од жвератка як и предмет

Випатрунок то предмет хтори ше формує у ровним жвератку.

Конструкция випатрунку при жвератку

За конструкцию випатрунку при сферних жвераткох (угнутих и випупчених) хасную ше зарї хтори рушаю зоз розличних точкох предмету.

Ґалерия

• 
  Жвератко
• 
  Столїк зоз жвератком
• 
  Жена зоз жвератком
• 
  Бронзове жвератко
• 
  Жвератко зоз епохи барока

Референци

1. Група аутора, Практичар, Школска књига, Загреб, 1971.г.
2. Група аутора, Мала енциклопедија Просвета, Просвета,Београд, 1959.г.
3. Група аутора, Енциклопедија лексикографског завода, Југословенски лексикографски завод, Загреб, 1962.
4. Фиоратти, Хелен. https://web.archive.org/web/20110203052336/http://www.lantiquaire.us/origins-of-mirrors.html „Тхе Оригинс оф Миррорс анд тхеир усес ин тхе Анциент Wорлд”. L'Антиqуаире & тхе Цонноиссеур. Архивирано из оригинала 2011-02-03. г. Приступљено 2009-08-14.

Литература

• Миррор Мануфацтуринг анд Цомпоситион, Миррорлинк
• Станноус Цхлориде: Силверинг Миррорс, Америцан Цхемицал Ассоциатион Архивирано на веб-сајту Wayback Machine (29. октобар 2013)

Вонкашнї вязи

• Ogledalo