Ештике

Ештике
Наукова класификация
Царство: Кладус: Кладус: Кладус: Кладус: Ряд: Фамилия: Род: Файта:	Plantain Tracheophytes Angiosperms Eudicots Resides Brassicales Brassicaceae Matthiola M. longipetala
Биномне мено
Matthiola longipetala

Ештике (лат. Matthiola longopetala, серб. ноћна фрајла, з мадярского estike) – єднорочна рошлїна хтора походзи з Медитерану.

Опис рошлїни

Ештике припада роду капустових рошлїнох, а шицки го познаю по нєзвичайней способносци же квитнє лєм вноци. Його квитки дробенки, лиловей або целовей фарби, барз пахню и здогадую на квитки любичици. През дзень су заварти, алє накадзи зайдзе слунко, указую свою праву красу. Ештике ма нїжне и ценке стебло, а рошнє високо коло пол метера.

Розмножованє

Ештике ше шеє з нашеня хторе ше збера кед квитки преквитню и осуша ше.

Отримованє

Ештике одпорна рошлїна и нє вимага окремне допатранє. Лєгко ше отримує, лєм му треба вельо слунковей шветлосци. Добре подноши мраз, а нє люби ше пресадзовац. Треба го умерено залївац. Кед ше жада квеце у форми дакус густейшого компактного черяку, треба му скрацовац верхи ище док рошнє. Одвитує му обична заградкова глїна, найлєпше гумусна, препущуюца и богата з вапнянїком.

Опатриц: вечарша фрайла

Литература

• Оксана Тимко Дїтко, Назви рошлїнох и животиньох у руским язику, Вуковар 2016, б. 39, 63; 42, 64
• Словнїк руского народного язика I, А – Н, Нови Сад 2017, б. 132, 398

Вонкашнї вязи

• Nocna Frajla (Matthiola bicornis)-Cveta nocu,izuzetno mirisnim cvetovima, vebsajt www.prodajasemena.com

• Noćna frajla – cveta samo po mraku, vebsajt cvecarstvo.com

• Noćna frajla - ljubičina, vebsajt www.artnit.net, 26 Juni 2013