Дрелїх
Дрелїх (слц. диял. drelish, dril'ich, укр. диял. дрелiх, поль. dreliсh, нєм. Drillich; од лат. Trili:ch – о три нїтки.
Нашо дрелїх вироятно пришло прейґ нємецкого) – файта тканя: При ручним тканю мехох на кроснох, хасновало ше штири подножяї (то штири видлужени древени лапки) и штири нїчельнїци. Таке тканє ше волало и значело ткац на дрелїх (або на класку або на розмарию). Мехи зоз таким дрелїх способом тканя були моцнєйши и длуготирваци. Наполнєти зоз житом лєбо кукурицу мали чежину од 40-50 кґ, алє ше нє подарли так лєгко, пре тканє на дрелїх хторе було густе и витримовне.
Руски жени хтори ткали ручнїки и хлєбовки зоз предзи (нїткох) хтори сами продуковали зоз конопи, укладали нїтки найчастейше ниянси белавей и червеней фарби и за тоту часц на хлєбовки ше гуторело же то тканє до клаша (на класки) лєбо розмарию. Медзитим то було єдноставне тканє а нє тканє на дрелїх.
Ґалерия
[ушориц | ушор жридло]-
Мех з кукурицу, ткани на класки, лєбо розмарию. -
Мех зоз моцнєйшим тканьом на дрелїх. -
Мех зоз тканого платна (дрелїх, о три нїтки) зоз виписаним меном власнїка и местом биваня Руски Керестур. -
Мех хтори ткани на способ дрелїх -
Тканє дрелїх зоз основу трох нїткох у єдним напряме, (нєшка то популарне тексас платно).
Литература
[ушориц | ушор жридло]- Словнїк руского народного язика I, А – Н, Нови Сад 2017, б. 378